|
عنوان ابو غالى العبور
انا هاعمل صيانه ال 5000 وعايز اجرب ابو غالى العبور الناس بتشكر فيه
ممكن عنوانه بالتفصيل |
رد: عنوان ابو غالى العبور
صباح الخير يا باشا :)
هى الوصفه بصراحة تخلبط شويه افضل تكلمهم يوصفولك الطريق بالظبط هى عامة قبل بوابه الشروق على الشمال لو انت رايح على العبور وعلى اليمين لو جاى من الشروق مثلا او العبور ونازل على موقف العاشر وفيه يافطه كبيره للمركز بس افضل تتصل تحجز كمان ده موضوع العرض وهناك هتلاقى م. حاتم ان شاء الله يقوم بالواجب وزيادة http://www.masrmotors.com/vb/showthread.php?t=5034 |
رد: عنوان ابو غالى العبور
عنينه ليك يا لول
انتا هتاخد طريق جسر السويس لحد اخره او من علي الدائري وتنزل نازلة موقف العاشر هتكمل في طريق العبور هتمشي قد مسافة 5 كيلو من بداية طريق العبور هتلاقي يفطة كبيرة اوي لــ ابو غالي بي ام دبليو علي ايدك الشمال وانتا في اتجاه العبور وقبليها في بنزينه بتاعت ايسو تقريبا بس هيه بنزينة علي الطريق وظاهره اوي انتا هتنزل نازلة نفق العبور وهتعمل نيو تيرن وترجع تاني وتحاول تاخد اقصي اليمين والافضل يكون اقصي اليمين بتاع السوق لحد ما تعدي ابو غالي وتدخل يمين من جنب البنزينه هتمشي قد 20 متر هتلاقي ابو غالي علي ايدك اليمين وابقي اسئلي تكلفة صيانة الفيرنا ال 20000 الف هتعمل كام بتغير زيت ال 5000 كيلو حلاوة ما وصفتلك الطريق وتوصل بالسلامه يا لول وتقبل تحياتي |
رد: عنوان ابو غالى العبور
صباح الفل ياوائل باشا متشكر قوى قوى
|
رد: عنوان ابو غالى العبور
السلام عليكم ورحمة الله وبركاته
كنت عاوز اسأل عن السيارة لاندويند فاشون 7 راكب أنا شفتها النهاردة فى معرض عندنا فى المنوفية وقعدت فيها كمان بصراحة عربية عجبانى جدا جدا جدا وأنا اعرفها من 3 سنوات وتسألونى ليه بتفكر فى العربية دى الجواب / احنا عددنا كتير فى البيت فمينفعش لينا عربية صغيرة العربية دى كانت معروضة فى المصرية شهر 8 / 2009 بمبلغ 69000 دلوقتى صاحب المعرض عنده منها نوعين الاول ب 90000 جنط 15 - والثانية ب 95000 جنط 16 وعلى فكرة هو ادانى الكتالوج بتاع العربية كمان لقيت ان وزنها 1945 كيلو يعنى 2 طن تقريبا ولما فتحت الباب بتاعها لقيته تقيل جدا وانبسط جدا من تقل الباب وتقل العربية وبتستهلك 6.5 لتر لكل 100 كيلو فأنا عاوز اسأل عن الصيانة وقطع الغيار وظروف العربية وحالتها برجاء الى عنده العربية دى ميبخلش عليا بالاجابة والى يعرف عنها أى معلومات تانية يفيدنى بيها لأن دول 100000 جنيه ياشباب يعنى تحويشة العمر وشكرا |
| الساعة الآن 11:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017