بعد الحيرة و الإستخارة و الإستشارة إشترتها - بس عاوز أركب إنذار
 

1- لأنها بتستورد بجمرك مخفض بنسبة 21% بدلا من 60% يعنى معنى كده إن العربية بتتظلم لما تتقارن مع الفرنا و اللانوس بل المفروض تتقارن مع الأفيو و كمان تكسب لمميزاتها الكتير عن الأفيو
2- الجنوط 15 يعنى ثبات أحسن-و ده طبعا غير الأفيو
3- قاعدة العجلات 2629 مم بينما الأفيو 2480 مم و ذلك يعنى الإتزان الأكبر
4- وسائد هوائية للسائق-و ده طبعا غير الأفيو
5- نظام إيموبلايزر (يعنى مفتاح الشفرة) يعنى مش حتدور غير بالمفتاح الأصلى فقط -و ده طبعا غير الأفيو
6- عالية عن الأفيو فبالتالى أحسن لشوارع مصر المحروسة
7- الفتيس يشتغل مانويل و أتوماتك و ده طبعا غير الأفيو
8- أنا كنت محتار بينها و الأفيو و لقيت ليه أدفع حوالى 10 آلاف جنيه زيادة على الفاضى - أوفرهم و آخد مميزات أكثر بسعر أقل

و الحمد لله ربنا كرمنى إستلمتها فى نفس اليوم 82000 من الطارق بسيتى سنتر الإسكندرية
و إتصلت بالتوكيل عشان أركبلها إنذار و وحدات رفع و سنسور ركن
فبلغونى مينفعش أركب أى حاجة عدا سنسور الركن و حجتهم إنها بتعمل مشاكل مع الدفيرة و عندهم الإنذار ب 850 جنيه و أركبه بره يعنى يطلعنى بره ضمان الكهربا !!!
رأيكم إيه أتوكل على الله و أركب إنذار بره التوكيل و لا أستنى 3 سنين الضمان؟!!!!

رد: بعد الحيرة و الإستخارة و الإستشارة إشترتها - بس عاوز أركب إنذار
 

نصيحه بلااش

لان اي مشكله في العربيه بعد كده حيقولك انت بره الضمان
ليا واحد صحبي غير بطاريه في اخر شهر في الضمان

اولا الف مبروك وربنا يباركك فيها يارب
ويديك خيرها ويكفيك شرها

حاول تحطها في جراج بس متديش المفتاح للسايس يبقي ليك مكان لوحدك او محل ايجار

وياريت اعرف سنسور الركن قالك تكلفته كام في التوكيل وياتري بجيبه من بره ولا هم عندهم؟
والتكلفه بالتركيب كام؟:fun_36_1_39[1]:

متشكر - ربنا يباركلك

رد: بعد الحيرة و الإستخارة و الإستشارة إشترتها - بس عاوز أركب إنذار
 

متشكر - ربنا يباركلك
سنسور الركن عندهم 330 و تركيبه زيهم 330 يعنى رخيص جدا !!!!!!!- و ممكن تجيبه من بره و تركبه عندهم
أنا فى المنطقة كلها مفيش جراجات فاضية - مش عارف أعمل إيه ؟!!!!!
و بينى و بينك خايف على الكاسيت -أنا سألت على نوع زيه بس عادى و مش ماركة و صينى و 850 جنيه يعنى فى التوكيل تلاقى تمنه يعدى 2000 جنيه و المشكلة إنه بكود يعنى لو حد سرقه مش حيعرف يشغله - تفتكر ممكن يرجعه !!!

رد: بعد الحيرة و الإستخارة و الإستشارة إشترتها - بس عاوز أركب إنذار