رد: اى استفسار عن شركة كونتكت
 

السلام عليكم ورحمة الله وبركاته
أخي الكريم آسلام, للأسف.. التوكيل سياسة عامة وغير قابلة للتغيير أو الأستثناء.
ولا داعي للتخوف من التوكيل لأنه وسيلة لحفاظ حق الطرفين المعنين بالعقد في العين نفسها وفي هذه الحالة هي السيارة.. فلا يحق لك التغيير في حالة السيارة والتأكد من بقاء الحالة و قت المعاينة فقط لا غير وذلك حتى انقضاء الشرط او المبلغ المستحق من سيادتكم. وفي أعتقادي الشخصي والمتواضع هذا ضمان للحفاظ على السيارة لك أنت أيضاً.

لك تحياتي.
أضافة تصحيح: لا يتم أخذ مفتاح من العميل نهائياً إلا في حالات معينة ومعدودة واستثنائية للغاية, أذا كان وضع العميل حرج فبدلاً من رفض الحالة المعروضة علينا بيتم أخذ نسخة من المفتاح ويتم أخطار العميل بذلك قبل أي أجراء ومن حق العميل الرفض أو القبول.. كما أن قيمة الفوائد المذكورة بالأعلى غير صحيحة ومتفاوتة حسب مدة التقسيط وحسب الأنظمة المتاحة. وبما أننا مؤسسة مالية فنحن خاضعين للرقابة المالية والبنك المركزي ويتم تحديد قيمة الفائدة من خلالهم.
فبرجاء الرجوع للمصادر الصحيحة والأبتعاد عن المغلوطة.
أما بخصوص الجزء الخاص بالحلال والحرام فأننا نتاجر في السلعة نفسها وليس بالنقود بخلاف بعض المؤسسات الأخرى..
بمعني بيتم شراء السيارة من التوكيل أو الموزع ثم بيتم ببيهعا لك بالسعر الجديد بعد أضافة الفائدة كأنه سعرها
على سبيل المثال - السيارة ب110 و بعد الفوائد ب150
نص العقد هيكون ان فلان الفلاني اشترى سيارة كذا موديل كذا بثمن 150 الف جنيه .
والسيارة تكون بالفعل في حياذتنا وذلك بموجب عقد الشراكة بيننا وبين التوكيلات كما أوضح بعض السادة الزملاء.

وفي حالة الأستفسار عن أي شئ أخر برجاء الأتصال أو أرسال رسالة خاصة.
ولكم خالص التقدير.

رد: اى استفسار عن شركة كونتكت
 

طبعا نصابين و لهم طرق كتيرة و متهددة - اخترعوا طريقة جديدة للنصب بيسرحوا المندوبين و يبقى عندهم 20-30 معاينة فى اليوم و ياخدوا من كل معاينة 200 جنية رسوم استعلام و مهما كان معاك اوراق رسمية حيرفضوك و اللى بيقبلوة بينفخوة بقيمة الفايدة زى الربا و الكارثة الكبرى بياخدوا نسخة من مفتاح العربية و اول ما تتأخر ماتلاقيش عربيتك تحت البيت و بيفرموك زى ما هم عاوزين - دة حصل معايا

رد: اى استفسار عن شركة كونتكت
 

السلام عليكم أ/ حسن, أعتبرني أخوك الصغير وهتكلم معاك بكل تلقائية وشفافية..

كلام سيادتك بخصوص مصاريف الأستعلام..
أولاً.. اول مرحلة هي ملأ طلب للتقسيط خلال شركة كونتكت (وهي ان حضرتك بتعمل الأبليكيشن مع الموظف وبتملأ فيه بياناتك الخاصة وصورة بطاقتك و200 جنيهاً وكلهم بيتدبسوا مع بعض ويتبعتوا للشركة.. دي أول مرحلة..
وعلى حد علمي حضرتك بتدفع مصاريف استعلام في اي مكان تاني بيختص بنفس مجال عملنا عند ملأ طلب للتقسيط من خلالهم.. والموظف بيعرفك كده وبتدفعهم وانت بكامل حريتك وحضرتك غير مكبل الأيدي أو تحت تهديد سلاح..

ثانياً, هم أكثر من "20-30" لأن كونتكت لديها حوالي 21 شركة داخلية ممكن حضرتكم تقرا عنها Contact's company History. وللعلم هو أسمه باحث أئتماني وليس مندوب ومبياخدش من حضرتك اي فلوس..

الكلام غير صحيح, وتقدر تسأل ال300.000 عميل اللي بيقسطوا معانا.. ,والرقم ده لأن كونتكت تستحوذ على 70% من تقسيط السيارات من السوق المصري..
المرحلة الثانية, هي مرحلة الأستعلام, وهنا بيتم الأتصال بك وتحديد موعد لمقابلتكم بواسطة الباحث الأئتماني.. ويتم تقديم أوراقكم الخاصة بالدخل الشهري وأثبات لمحل السكن - ايصال مرافق حديث - وبعد المقابلة بيتم دراسة الحالة المادية وليس دراسة صحة أوراقكم من عدمها.. وأعتقد ان ده أجراء طبيعي واي شركة في نفس المجال بتعمله.. أنها تعاين حالة العملاء المادية.. وأذا تم رفض العميل مش هيكون بسبب عدم صحة الاوراق كما ذكرت ولكن لان وضعه المادي لا يسمح بالاقتراض.. والرفض ده بيتم لأن اهم حاجة المتقدم بالطلب لا يحدث له مشاكل عند التعثر.. وده شئ لا يسئ لكم ولكن هتلاقيه لمصلحتك في الأخر..

الشركة بتشتغل بشفافية تامة مع العملاء, وبيتم أخبارهم بكل شئ قبل التعاقد وذلك عند ملأ الطلب, بيتم أخبارهم ايضا بالفائدة اللي هي مش "نفخ" زي ما حضرتك بتقول وتقدر تقارن بينها وبين أي فائدة أخرى بتقدمها أي مؤسسة بتعمل في نفس المجال..
وأذا كنت سيادتك معترض وبتقول أنها ربا فهل تسمح لي بالسؤال الاتي؟ ليه حضرتك قدمت طلب للتقسيط فيها؟!!
عموماًَ أنا كتبت تعليق عن كون التقسيط لدينا حلال أم حرام في أحد الموضوعات لكن ذاكرتي مأسعفتنيش أني أفتكره, تقدر حضرتك تبحث عنه..
وبخصوص كلام حضرتك عن أخذ مفتاح فهذا غير صحيح ولا يتم أخذ مفتاح من العميل, لأن لدينا ضمانات أخرى (ولكن يوجد حالات استثنائية للغاية وقد اوضحتها ايضا في بوست هنا)
أما بخصوص أن "العربية بتتاخد من تحت البيت" فده ايضا غير صحيح, منطقياً كده, أنا ليه أغامر بسمعة شركة تاريخها في مصر من 2001 لحد الأن عشان اخد عربية عميل؟! غير ده كله, اللي مش هيسدد عارف أنه مش هيسدد ومن السهل جداً أنك تخفيها في اي جراج ومحدش هيعرف عنها حاجة مش صح كده؟؟ يعني كلام حضرتك بتنافى تماماً مع المنطق, عموماً, عند التأخير بيتم أخطار العميل ويتم التواصل معه لمعرفة سبب التأخر عن السداد وفي حالة التأخر أكثر من الفترة المسموحة بيتم أتخاذ "الأجراءات القانونية" كأي مؤسسة أخرى تعمل بنفس المجال..

ممكن توضيح لـ"ده حصل معايا"؟ لأن كلام سيادتكم يوضح أن الطلب على ما يبدو أترفض ولم تحصل على موافقة ولذلك حضرتك..
في النهاية, أنا أسف لو كلامي ممكن يضايقك ولكنه صريح ويمكنك التواصل معايا في اي وقت لو محتاج اي توضيح اخر..

رد: اى استفسار عن شركة كونتكت
 

هل لو اشتريت عربيه مستعمله عن طريق البنك حلال