مصر موتورز مجتمع السيارات - Please ... أرجو من كل من يقرأ موضوعى أن يجيب على إستفساراتى

اقتباس:

المشاركة الأصلية كتبت بواسطة Logeen (المشاركة 163136)

الزمــلاء الأعــزاء :

ptmnlo123per14

لدى عدة استفسارات أرجو منكم الإجابة عليها للأهمية :

(1) ماهو أحسن جهاز إنذار للسيارة ؟ اسمه نوعه بلد صنعه وإمكانياته ؟
.... فى جهاز انذار اسمه spy 2 way جهاز لذيذ اوى وبيكون معاه شاشة بتقولك على كل اللى بيحصل فى العربية
يعنى لو العربية اتخبطت بيطلعلك بيان بكدة لو العربية دارت بيطلعلك بيان بكدة لو باب اتفتح وهكذا والشاشة بيكون فيها فيبريشن
ومش متذكر بلد المنشأ

(2) هل تركيب جهاز إنذار لسيارة جديدة مازالت فى أول الضمان يخرجها من الضمان ؟
..... لا مايخرجش من الضمان دى عربيتك وانت حر فيها ... لكن كلام فى ودنك لو لا قدر الله حصل عيب كهربى فى السيارة والتوكيل عنده النية فى التهرب من المشكلة ممكن يقولك ان الانذار هو اللى بوظ ضفيرة الكهربا وفى الحالة دى ضفيرة الكهربا هى اللى تخرج من الضمان
وطبعا افضل شيئ تركيبه فى التوكيل لكن غالبا بيكون سعر المصنعية مبالغ فيه او بيرفضوا تركيبه
وساعتها تروح لواحد نضيف وثقة يركبهولك من غير ما يخرب حاجة

(3) هل فى حالة تركيب جهاز إنذار للسيارة عن طريق كهربائى ماهر سيتم اكتشافه فى الصيانه عند الكشف على السيارة فى التوكيل ؟
..... لو المهندس اللى بيعمل الصيانة عايز يعرف ... حيعرف طبعا .. لكن انا ضد التحكم بصراحة
دى عربيتى وانا حر اركب انذار اركب كاسيت اركب عفريت انا حر

(4) ماذا نفعل للمحافظة على السيارة من السرقة لا قدر الله ؟
...... ادعى ربنا ... وحاول تركن فى جراج .... اربط طاسات العجل بالاحزمة البلاستيك ... حاول تغطى العربية باستمرار ... ماتحطش اى حاجة غالية فى العربية .... ومتهيألى ان عربيتك لوجان من اسمك فاللوجان بها مفتاح مشفر لا يمكن ان تدار العربية باى طريقة غير مفتاحها المشفر
وربنا يحفظنا جميعا ويحفظ ممتلكاتنا من كل شر

(5) ماهو الحل أو ماهى الطريقة للحفاظ على غطاء السيارة من السرقة ؟
....... ممكن تكتب عليه رقم العربية .... وانت بتغطى العربية اقفل باب على جزء الغطا ...
فيه اغطية بيكون لها حزام امان بيعدى من تحت العربية ... ماتجبش غطا غالى علشان متطمعش الحرامى
أرجو من الجميع الإجابة على إستفساراتى ضرورى ولكم جزيل الشكر مقدماً .

حاول تكون السرقة صعبة مش اكتر علشان الحافظ هو الله ... لكن الحرامى مش بيحب الحاجة الصعبة وعايز الحاجة اللى يسرقها بسرعة ويهرب قبل ما حد يشوفه
وربنا يكفينا شر السرقة وشر الطريق