ماروتي وﻻ شيفروليه
السﻻم عليكم
لو سمحتوا يا جماعة أنا في حيرة شديدة ومحتاج أرائكم وكل اللي عنده خبرة أو معلومة ياريت يشارك برأيه الموضوع أنى في حيرة بين شراء سيارة جديدة سوزوكي ماروتي وكاش ودي في ناس قلقونى متهاوقالولى ان مشاكلها كتير وصعب انها تتباع لو فكرت في بيعها والسيارة التانية هيا شيفروليه اسبارك ودي إما اشتريها جديدة وبالتقسيط وطبعا هيكون عليها فوايد أو إني أشوف واحده مستعملة وطبعا لازم تكون لقطة فانتوا ايه رأيكم في كل واحده للعلم أنا بسافر من القاهرة بمعحل مرة شهريا واسرتى مكونه من 3 أفراد وشكرت مقدما ﻷجميع |
رد: ماروتي وﻻ شيفروليه
حضرتك بتتكلم بالعكس
الماروتى أسرع فى بيعها من الأسبارك بكتيييييير و مشاكلها و أعطالها بسيطة و اصلاحها سهل و رخيص بس فى السفرلازم تكون حذر و متجريش بيها عن 100 كم/س الأسبارك ممكن تكون أفضل شوية فى السفر لإن الأوبشنز بتاعتها أكتر (تكييف و باور و زجاج كهرباء و ...) بس بيعها أثقل و صيانتها أغلى و أصعب شوية من الماروتى |
رد: ماروتي وﻻ شيفروليه
السلام عليكم الماروتي عربيه ممتازه وسهلة الصيانه وعربيه حلوه داخل البلد انما في السفر لازم تكون حزر ولا تسرع بها والله المستعان |
رد: ماروتي وﻻ شيفروليه
شكرا يا جماعة جزاكم الله خير
وياريت لو حد أي معلومة برضوا يعرفنا بيها وشكرا |
رد: ماروتي وﻻ شيفروليه
الماروتي معايا و ممتازه بس مش عائلية يعني تكون بتاعتك انته بس لو جايبها لاسره منصحكش بس هي عربيه فعلا ما شاء الله تستحق التجربه و مريحه و صيانتها سهله و ممتازه و اكيد مش هتكون تستحمل السفر الطويل بس لو رايح اسكندريه مثلا هتبقي تمام و ربنا يوفقك و تختار الاحسن و اكيد طبعا الاسبارك افضل
|
الساعة الآن 11:03 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017