رد: مشاكل اللوجان
 

أولاً ألف شكر على المعلومات الجميلة و المفيدة ده.
و أنا شايف إن أسعار قطع الغيار قريبة من مثيلاتها الأصلية في العربيات التانية.
و لي إعتراض على: يعني إيه معاملة حنينة أنا في وجهة نظري إن أي عربية محتاجة معاملة حنينة
أنا دايماً بستغرب من الناس اللي بتاخد المطبات مثلاً بسرعة و يهبد العربية في شوارع مكسرة
أو إنه يكون متعود دايماً إنه يجري بسرعة جداً و يفرمل جامد, أو مثلاً اللي متعود على إنه يلزق في اللي قدامه و مش بيجي نفسه مسافة كافية للوقوف (آسف إني خرجت شوية عن الموضوع).
بس اللي أقصده إن أي عربية بتتكون من مجموعة أجزاء متصلة ببعضها و الإستعمال العنيف مع السيارة بيفك الأجزاء ده من بعضها و طبعاً بييقلل من كفاءة العربية و عمرها الإفتراضي.

رد: مشاكل رينو لوجان واسعار قطع الغيار
 

ياجماعه انا مش عارف ليه الناس بتيشتيكي من اسعار قطع الغيار مع انها اصلي مش صيني مضروب,,, عموما المقارنه لازم تتم بين اسعار قطع الغيار في توكيل كل نوع مش بين التوكيل و واحد جايب قطع غيار من تحت بير السلم ...
روحو شوفو اسعار قطع النيسان غي التوكيل بكام و انت هتعرفو اد ايه اللوجان كويسه

رد: مشاكل رينو لوجان واسعار قطع الغيار
 

قارنو بين اسعار الصيانة المعلنة في توكيل رينو مع اسعار التوكيلات الاخرى و مش هتلاقوا فرق كبير يعني مثلا رينو بتعمل صيانة ال 10000 كم ب 145 جم و 20000 كم ب450 جم من غير تمن الزيت و انا شايف انها اسعار كويسة بالنسبة لماركة رينو لكن لو اي حد بيدور انه يخرج من الضمان و يصلح عند اي ميكانيكي يبقى الفيرنا احسن لكن خسر ثبات اللوجان و علوها و عفشتها الممتازة و موتورها القوي و صحيح ان الفيرنا اقوي لكن الفرق مش كبير اوي كده و قوة موتور الفيرنا بيأثر على ثباتها جدا غير وسع اللوجان و تقفيلها الي مش مصري و دي نقطة مهمة جدا و كمان توكيل رينو محترم جدا جدا و محترف و قوي

رد: مشاكل رينو لوجان واسعار قطع الغيار
 

السلام عليكم
ينسحب بهدوء ؟؟؟؟؟؟؟؟؟؟؟؟؟؟؟؟؟؟
حضرتك ماسك قاعده عسكريه فى المنتدى ولا ايه ايه ياترى
عموما
انصح حضرتك بحاجه صغيره
حاول تفهم ايه المشكله الى عنده
وساعده فيها وبعدين هو بيطلب مساعده مش بيشحتها
واخيرا ربنا يهدينا جميعا

رد: مشاكل رينو لوجان واسعار قطع الغيار
 

السلام عليكم
الداتشيا لوجان سياره ممتازه والعيوب بسيطه وليست قاتله وكلها ممكن علاجها
الناس الى بتقارن بين الداتشيا لوجان ولانوس ميعرفوش ان مصنع دايو فلس واتباع بسبب الموديل الغبى المدعو لانوس بسبب بسيط جد قاعده العجلات اصغر من حجم الشاسيه وافتقار السيارة لكل ما هو امن كل ده من 2001 بس عشان احنا فى غيبوبه الاعلانات محدش فاهم
المهم بقيه القصه بتتجمع فى مصر دايو موتورز وعشان محدش يخسر فى صفقه التجميع تم بيع خطوط الانتاج لمنصور فى حين ان الشكل الجديد للانوس هو الافيو ...
النوبيرا هى الاوبترا او اسم تانى لاسيتى
القمبله ان كروز هى نوبيرا
الخلاصه ان الداتشيا لوجان احسن وافضل عربيه بالسعر ده بعد البروتون ساجا
وهى دى مصر يا عزه
بروتون ساجا سيارتى التى لاتقهر GIFT4U