رد: كمالة للكشري
 

والله ياعزيزي كلامك جميل ماشاء الله
بس انا اللي بيركب معايا بيقولي ياعم انتا ايه حكايتك
فاكر نفسك راكب شيروكي؟؟
لاني بقرص وبشد ومبيهمنيش حفر ولا اي حاجه
ممكن عشان انا من الوزن الثقيل في العربية وبالتالي بحس انها ثابته؟؟؟
الله اعلم
ههههههههههههههههههههه
لا بجد
العربيه دي غلط الواحد يقرص جامد عليها مع العلم انك لو احتجت منها حاجه هتسعفك ماشاء الله بسبب خفة وزنها

بالنسبه للمطبات والحفر
لازم نؤمن كلنا بحاجه
كل حاجه في الحياه ليها عمر افتراضي
والعمر الافتراضي بيطول ويقصر بعوامل التعرية
لكن في الاخير عمرها موجود

والشوارع بتاعتنا حالتها واضحه للجميع ومش محتاجه كلام مني
وبالتالي معلش نتقبل فكرة انك ممكن تاخدلك بلاعه وحفره والكلام ده ومتزعلش
والماروتي وغيرها بيقعوا في نفس الحفر
وبالتالي سوق على مهلك
والمطبات والحفر اللي ممكن تفاديها بأمان فاديها واللي تاخده متخفش
انتا مش لوحدك كلنا واقفين وراك
هههههههههههههههههههه


تحياتي

رد: سؤال الى مالكى الماروتى
 

يا جماعه طب أنا عايز أعرف سعرها مستعمل و زيرو كام يا ريت الرد بسرعه عشان بفكر أشترى الماريوتى

رد: سؤال الى مالكى الماروتى
 

انا علا طول بسافر بيها مسفات طويلة حوالي 280 كيلو وتئريبن بكون ماشي علا 140 بس معرفش ان السورعة العالية دي بتتعب المتور

رد: سؤال الى مالكى الماروتى
 

ما شاء الله
اول مره اعرف ان الماروتى حلوه كده
انا كنت متردد اشتريها ولا اجيب حاجه اعلى بالتقسيط
لكن فتحتوا نفسى عليها
بس برضه يا ريت تقولولى رايكم
ماروتى كاش
ولا حاجه اعلى تقسيط

رد: سؤال الى مالكى الماروتى
 

السلام عليكم ورحمة الله وبركاته
والله اللي عمل الصفحة دي ربنا يجازيه كل الخير ان شاء الله لانه بسببها سمعنا ردود رفعت معنويات كل الماروتية
بالنسبة لسعر الماروتي الجديدة كانت في المصرية ماروتي 2010 نازلة بالكاسيت ب 37000
مستعملة شفت واحدة مشترياها من شهرين موديل 2006 ب 26000 بس معرفش كانت عاملة كام كيلو
هو ايه حكاية سير الكاتينة اللي بيتقطع عند 38000 كيلو .. وبيبقي فيه مقدمات والا بيتقطع فجأة والا ايه
بالنسبة للسرعة ربنا يكفينا كلنا شر الطريق بجد السرعة العالية ليها مخاطر كتير حتي لو كنت سواق شاطر .. لان مع المفاجأة لما السرعة بتبقي معقولة بتقدر تلحق نفسك لكن السرعة العالية بتزود من المخاطر كتير وربنا اللي بيسترها في الأول وفي الأخر
بالنسبة للبلاعات ملهاش حل وتقريبا كل البلاعات والحفر اللي في القاهرة هتلاقوا علامات كاوتش عربيتي فيها .. لكن بصراحة الماروتي احسن عربية تعدي المطبات العادية العالية لانها عشان قرب المسافة بين العجلات الامامية والخلفية بيخلي العربية في امان من الخبط في المطب مش بقي تاخد المطب بالطول والعرض والورب عشان تعرف تعدي من غير ما تتخبط ولو حطيت شنطة في العربية او ركب معاك اتنين تسمع المطب وهو بياخد حتة من العربية
الحمد لله كل حاجة فيها مميزات وفيها عيوب وكل ميسر لما هو له ..لكن بجد الماروتي في مصر حل بديع وملائم جدا