ابحث عن سيارة جديده - مقارنه بين الكورولا و الانسر البومه ( 2010 )
 

السلام عليكم و رحمة الله ، اولا اتمني تقبلوني عضو جديد معاكم هنا في المنتدي الجميل دا:GROWIN~12: . انا بصراحه معجب جدا بيه و بطريقه عرض المواضيع و بكل الاخوه و الاخوات الي فيهptmnlo123per1141 . موضوعي ببساطه اني عايز اشتري سيارة جديده و محتار بين اللانسر البومه 2010 ( 1.3 أو 1.6 ) و بين الكورولا 2010 ( 1.6 ) . مبدئياً انا مقيم في الامارات و طبعا مصري . و يا ريت بعد اذنكم المقارنه و الافاده تكون من اهل الخبره و من الي مجربين الاثنين لاني بجد في حيره . و عندي شويه معلومات يا رب تساع حضراتكم في عمل المقارنه دي بالنسبه ليا
السعر : اللانسر (1.3 )43 الف درهم اماراتي ، (1.6) 48 ألف .
الكورولا (1.6 ) 64 الف
الوكيل : جيد جدا للاثنين
سعر اعادة البيع : ممتاز للتويوتا بوجه عام وخاصه للكورولا . و لللانسر الي حد ما جيد .
قطع الغيار : اسعارها في المتناول هنا بالنسبه للكورولا نظرا لانتشارها الرهيب هنا . و غالي الي حد ما بالنسبه لللانسر .
الرجاء المقارنه بالنسبه للاتي :
اولا :انا بفكر ( مجر تفكير مش اكيد لسه ) ان شاء الله اني انزل العربيه مصر بعد حوالي 4 او 5 سنوات فيهمني جدا اسعار قطع الغيار في مصر . و كمان سعر اعادة البيع في مصر اذا فكرت ابيعها .
ثانيا :سحب السيارة و ثباتها و سرعتها مع العلم ان مشاويري بس من السكن للشغل و العكس بجانب الخروجات الي في اخر الاسبوع داخل المحافظه نفسها و يمكن يوم او اتنين شهريا سفر 200 الي 300 كيلو . مع العلم اني مبحش اسرع زياده عن 140 في الطرق المفتوحه و 80 داخل البلد .
الرجاء افيدوني افادكم الله و لكم مني كل تقدير و احترام .

رد: ابحث عن سيارة جديده - مقارنه بين الكورولا و الانسر البومه ( 2010 )
 

طبعا بلاش الانسر ال1300 علشان عمرها ماتسعفك على الطريق
انا معايا لانسر 2002 1300cc مش بتسعفنى خالص
ومعايا لانسر 2008 1600cc بصراحه ماشاء الله بتسعف جدا على الطريق علما بانى فى الكويت والطرق هنا بتحب الجرى وماشاء الله بتجرى كويس جدا وممتازه واستعمالها حلو اوى ماشاء الله

بس طبعا رقم واحد فى الخليج التويوتا
بس بصراحه انا لو مكانك هشترى الانسر ال 1600cc
لانى بموت فى الانسر ومجربها سنين كتير
وفى الاول والاخر انت عارف ظروفك ايه

رد: ابحث عن سيارة جديده - مقارنه بين الكورولا و الانسر البومه ( 2010 )
 

شكرا كتير Braveheart اولا لكونك اول من يرد عل يالموضوع ثانيا لابدائك رايك بموضوعيه . لك مني الشكر

رد: ابحث عن سيارة جديده - مقارنه بين الكورولا و الانسر البومه ( 2010 )
 

انا مش معايا الاتنين ولكن التويوتا كرولا عربية هايلة فعلا ولكن المشاكل الاخيرة اللي حصلتلها خلت الناس كلها تخاف منها ومن مشاكلها والانسر عربية فخمة جدا وجميلة وعمتا الاتنين ياباني يعني هتلاقي التكنولوجيا قريبة من بعض والاتنين عمتا في مصر قطع غيارهم متوفرة وسعر اعادة البيع للاتنين تقريبا واحد بس قطع غيار التويوتا وصيانتها في مصر اغلي من الانسر شوية وتقبل تحياتي

رد: ابحث عن سيارة جديده - مقارنه بين الكورولا و الانسر البومه ( 2010 )
 

الكورولا افضل عالاقل لو غيرت تفكيرك وحبيت تبيعها فى اى وقت فى الامارات وانت عارف الكورولا بتتباع هنا فى ثوانى وبعدين اللانسر استهلاكها فى البنزين اعلى من الكورولا
بالمناسبه ان مقيم برضه فى الامارت