استفسار بشأن كنترول اللانوس
 

السلام عليكم
عندي استفسار بشأن كنترول اللانوس
اسف على الإطالة أولا لعرض المشكلة كاملة

انا عندي عربية لانوس 2 موديل 2001 فيها RPM شاريها مستعمله اولسين الفتيس كان بيجيب زيت على الفتيس من عند المكنه فا روحت للعفشجي قالي اغسل الموتور بالجاز و العربية من تحت و هاتهالي علشان اعرف اشوف اشتغل فيها و غسلتها و من ساعتها و الدنيا باظت معايا.
الار بي ام عمال يعلى و يوطى بمزاجة و روحت للميكانيكي نضفلي البويجهات باسبراي ابرو بتاع المانفو و كانت طالعه سودا بصراحه رغم اني مغيرها من 3 ايام و نضفلي البوابه و حساس البنزين و مشيت عادي و ظبطت و الار بي ام وقف على واحد و كله تمام و طلعت سافرت بيها في نفس اليوم بعد 20 كيلو قطعت مني و بطلت و ماردتش تسحب فصلت حساس الشكمان و قولت يمكن العيب منه بس نفس الحكاية و روحت بيها لميكانيكي تاني غيرلي البوجيهات تاني و نضف حساس البنزين و قالي قيسها على الكمبيوتر لقينا حساس الشكمان مدي error فصلناه و قيسنا تاني ظبط القياس.
روحت بيها مشوار بطلت مني تاني و رجعت للميكانيكي قالي قيسها تاني على الكمبيوتر لقينا حساس البنزين مدي error قالي انا شاكك ان ده عيب كنترول لان الحساس ماكنشي مدي error هات كنترول مستعمل و نجرب و نقيس على الكمبيوتر المهم عملت كده لقيت عندي الكنترول JV و الراجل جابلي BD و ركبهولي و قالي اطلع جرب على الطريق بصراحه العربية ظبطت و رجعت قيستها على الكمبيوتر لقيتها تمام و حساس البنزين شغال و طلع البوجيهات لقاها بقت نضيفه تاني قالي كده عيب كنترول.

طبعا انا لسه ماركبتش الكنترول

السؤال بقى هل الكلام ده صح ولا لاء ؟
و هل رقم الكنترول ده يمشي مع عربيتي ولا اعمل ايه ؟
و منبن اضمن ان الكنترول يكون شغال كويس و مايبوظشي تاني ؟

شكرا و بعتذر مره أخرى على الاطاله

رد: استفسار بشأن كنترول اللانوس
 

و الله طالما الكنترول اللى ركب ظبطت العربية و ظبط معاها يبقى ينفع
بس السؤال المهم فعلا ايه اللى خلى الكنترول اللى فيها يبوظ ؟
هى بعد ما اشترتها قعدت معاك كويسة اد ايه ؟
و الكنترول مكانه فين ؟ فى القايم قدام يمين ؟
برضه احتياطى راجع على الضفيرة من الكنترول لغاية صدر العربية و من الصدر لضفيرة الماتور كلها لا يكون فى مشكلة فى ارضى او فيه لعب فى الضفيرة
حاول تحقق اتصال مع المالك الاصلى و تعرف هو كان عامل ايه فى العربية و الضفيرة و هل دا كان الكنترول بتاعها و تاريخها عامة ايه فى المواضيع ديى ؟ هو لو أمين حيريحك

رد: استفسار بشأن كنترول اللانوس
 

نسيت اقول لو البطارية مش متثبتة كويس ( القواطيش ) ممكن تبوظ كنترول

رد: استفسار بشأن كنترول اللانوس
 

شكرا استاذ احمد
العربية كانت ماشيه كويسة قبل ما اغسلها مافيهاش اي مشكلة الحمد لله
الكنترول موجود جنب القايم اليمين
راجعت على قواطيش البطارية و كويسه الحمد لله
بالنسبه للمالك مالوش في اللعب خالص و قالي على اللي فيها قبل ما اشتريها

رد: استفسار بشأن كنترول اللانوس
 

كدا ان شاء الله الكنترول اللى جربته حيتشغل كويس و مش حيحصله حاجة ان شاء الله