مصر موتورز مجتمع السيارات - استفسار عن اجهزة التشخيص

مصر موتورز مجتمع السيارات (https://www.masrmotors.com/vb/index.php)

- اجهزة تشخيص الأعطال (https://www.masrmotors.com/vb/forumdisplay.php?f=224)

- - استفسار عن اجهزة التشخيص (https://www.masrmotors.com/vb/showthread.php?t=144925)

استفسار عن اجهزة التشخيص

ارجو الافاده
هل اجهزة التشخيص واحده .. يعنى لو عندى جهاز ELM 327 USB وعندى خبره جيده سواء بالويندوز او اللينكس واشتريت معاه برنامج OBD Auto Doctor هل يمكن ان اتعامل مع جميع انواع السيارات .. وهل فيشة الاعطال DLC واحده فى الشكل والتوزيعه .. يعنى برجاء التوضيح

رد: استفسار عن اجهزة التشخيص

تقدر تقول عربيات كتيير ولكن بامكانيات محدودة، قيمكن الكشف علي الموتور فقط وبعض الحالات الفتيس ولكن لا يوجود فرامل او اي اجهزة اخري

رد: استفسار عن اجهزة التشخيص

شكرا على الرد السريع ..
طيب ممكن اطمع فى شرح اوسع .. ممكن اشترى ايه علشان احاول ابتدى واكون شغال فى المجال بشكل معقول

رد: استفسار عن اجهزة التشخيص

حضرتك تقصد تشتغل فى تشخيص الاعطال ؟ و لا انت عاوز حاجة صغيرة تكشف بيها على عربيتك و تعرف العيب ؟

لو حضرتك عاوز حتشتغل فى التشخيص ... حتحتاج جهاز افضل من وصلة ال USB و اللاب توب العادى
اجهزة متوسطة للتشخيص ... زى اللانش و زى ال G Scan و دول تقريبا يعملوا 15 الف جنيه.... و فيه حاجات اعلى من كدة و ممكن ثمنهم يصل ل 30 الف جنيه ... و دول اجهزة عامة تنفع لانواع عربيات كتير

فيه اجهزة متخصصة ... بتشتغل على انواع معينة ... زى مثلا فيه جهاز بيشتغل على المرسيدس فقط ... بداية من عربيات الركوب و حتى الشاحنات الكبيرة
الاجهزة دى بتخليك تعرف العطل .... تمسح الاعطال ... تتحكم فى بعض الحاجات فى العربية .. و ممكن تدى اوردرات لبعض الاجزاء على حدة ... للمساعدة فى التشخيص

رد: استفسار عن اجهزة التشخيص

شكرا لحضرتك على الرد .. هو انا عوز اشتغل فى المجال ده . لكن فى سؤال .. هل الاجهزه الكبيره دى والغاليه لمجرد ان مفيش بديل عنها ببرامج على الكمبيوتر .. ولا لأن الاجهزه الغاليه دى فيها كمبيوتر ومريحه اكتر .. يعنى هل استطيع التعامل من خلال اجهزه على اللاب توب ولا لازم الاجهزه اللى انت ذكرتها