مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سوق قطع الغيار (https://www.masrmotors.com/vb/forumdisplay.php?f=203)
-   -   سوق التوفيقيه كل ما يهمك عنه (https://www.masrmotors.com/vb/showthread.php?t=29450)

AbOnOrA 07-07-2010 08:28 AM

سوق التوفيقيه كل ما يهمك عنه
 
نبذه تاريخيه
سوق التوفيقيه من اشهر الاماكن لبيع قطع الغيار والاكسسوارات فى مصر عموماً والقاهرة خصوصاً ووسط البلد بالتحديد قديما كان سوق للفاكهه والخضروات ومحلات الملابس ومع الوقت احتكره تجار الجملة لقطع غيار واكسسوارات السيارات

اهميته ترجع لكونه اكبر مركز لتجمع تجار (الجملة والقطاعى) لقطع الغيار والاكسسوارات بالاضافة لعشرات الباعه للاكسسوارات مفترشى الطرق والارصفه وبعض التوكيلات لماركات انظمه الصوتيات او منافذ بيع شركات كبرى ولاشك ان موقع السوق فى قلب العاصمة ساهم الى حد كبير فى رواجه وانتشار صيته
ايضاً يعتبر السوق مصدر لكل موزعى قطع الغيار فى الجمهوريه عموماًبل يأمه احيانا الكثيرين من خارج مصر اذا كانو باحثين عن قطع غيار لاحد السيارات المنتشره لدينا
لذا يعتبر تنوع السوق وشموليته وقوة التجار الموجودين به وموقعه الجغرافى اهم اسباب نجاحة على مر السنين

معالم بجوار سوق التوفيقيه
بما ان ناس كتير بتزور السوق من خارج القاهرة يبقى من المناسب الاشارة لبعض المعالم القريبة منه واللى ممكن تكون مفيدة اما كعلامة بالقرب منه او للزيارة او حتى للذهاب لقضاء مصالح اخرى بجوار السوق ومنها

دار القضاء العالى وشارع 26 يوليو
ميدان وشارع طلعت حرب
عمارة يعقوبيات
جروبى
سنترال رمسيس
وحديثا كشرى سيد حنفى :)
كمان فيه فنادق كتييييييييير حواليه للى عايز يبات مثلاً

كيفيه الوصول اليه

اولاً موقع سوق التوفيقيه على الخريطه

<iframe marginheight="0" marginwidth="0" src="http://maps.google.com/maps?q=30.054073,31.24072 9&num=1&t=h&sll=30.053701 ,31.241253&sspn=0.071946, 0.071946&ie=UTF8&ll=30.05 3838,31.240944&spn=0.0025 17,0.008583&z=14&output=e mbed" frameborder="0" height="350" scrolling="no" width="425"></iframe>
<small>View Larger Map</small>


اضغط هنا لفتح الرابط على جوجل ماب

الوصف التفصيلى للموقع

يعتبر شارع السوق والميدان متفرع من شارع رمسيس
وعمودى على سنترال رمسيس وكوبرى 6 اكتوبر
وعمودى من جهه اخرى على شارع طلعت حرب
وموازى لشارع 26 يوليو ومبنى دار القضاء العالى


كيفيه الوصول اليه

عن طريق مترو الانفاق
اقرب محطة (عبد الناصر) هتطلعك على بجوار مبنى دار القضاء العالى تمشى فى شارع رمسيس فى اتجاه ميدان رمسيس واول يمين بعد شارع 26 يوليو تخش فيه

عن طريق كوبرى 6 اكتوبر
هتنزل نزله ميدان عبد المنعم رياض (التحرير) وتكمل طوالى فى اتجاه رمسيس (نفس اتجاة النزلة) هتلاقى مبنى دار القضاء العالى على اليمين اللى على ناصيه 26 يوليو والشارع اللى بعدها يمين يدخل على السوق

لو جاى من التحرير نفس الكلام هتتجه لشارع رمسيس وتعدى 26 يوليو بعديه يمين

لو جاى من مصر الجديدة العباسية وشرق القاهرة عموما
هتتجه كانك رايح التحرير وتاخد شارع الجلاء من بعد رمسيس وتعدى الاسعاف وكوبرى 15 مايو والتقاطع اللى بعديها تاخد شمال (لان اللى قبليه اتجاه واحد ) هتلاقى نفسك فى شارع رمسيس اللى هو اتجاة واحد جاى من التحرير لرمسيس ونفس الكلام السابق تسيب دار القضاء و26 يوليو والشارع اللى بعدهم يمين

ركنه العربيه
والاهل من كل ده انك تلاقى ركنه واوعى تفتكر انك ممكن تركن فى شارع السوق نفسه (كان غيرك اشطر) فيه باركينج وراء دار القضاء العالى اقرب حاجة اركن فيه واتمشى على رجليك المسافه الصغيره ديه

اعتذر عن الاطالة واتمنى لكم الافادة

((اهداء لصديقى العزيز احمد بدر))

مهند سالم 07-07-2010 09:12 AM

رد: سوق التوفيقيه كل ما يهمك عنه
 
الله ينور عليك، موضوع مفيد فعلا

احمد بدر1978 07-07-2010 01:16 PM

رد: سوق التوفيقيه كل ما يهمك عنه
 
شكرا على الاهداء الجميل
تسلم ايدك
جزاك الله خيرا

mohamed ibiza 07-07-2010 03:35 PM

رد: سوق التوفيقيه كل ما يهمك عنه
 
موضوع جميل يا ابو نورا

و فيه ركنه امان اوي في جراج نقابة الصحفيين مش بعيده اوي عن التوفيقه 5-7 دقايق مشي

AbOnOrA 07-07-2010 05:29 PM

رد: سوق التوفيقيه كل ما يهمك عنه
 
اقتباس:

المشاركة الأصلية كتبت بواسطة مهند سالم (المشاركة 208109)
الله ينور عليك، موضوع مفيد فعلا

وعليك يا باشا نورت الموضوع :)

اقتباس:

المشاركة الأصلية كتبت بواسطة احمد بدر1978 (المشاركة 208163)
شكرا على الاهداء الجميل
تسلم ايدك
جزاك الله خيرا

العفو يا ابوحميد انت تأمرنى يا باشا

اقتباس:

المشاركة الأصلية كتبت بواسطة mohamed ibiza (المشاركة 208224)
موضوع جميل يا ابو نورا

و فيه ركنه امان اوي في جراج نقابة الصحفيين مش بعيده اوي عن التوفيقه 5-7 دقايق مشي

حبيبى يا بيزا وتسلم على الاضافة


الساعة الآن 01:59 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017