|
موقف غريــب
سلامو عليكو
ازيكوا جميعا انا اتعرضت لموقف غريب ومش لاقي له تفسير انا كنت متعود اني احط بنزين من بنزينة محددة ولما جت الفترة اللي كانت فيها الأزمة الاخيرة حصل انهم بدأوا يخلطوا البنزين بالمياه فا بطلت اتعامل معاهم ولجأت لبنزينة تانية وهي اللي حصل الموقف خلال تعاملي معاهم فيها لاحظت اني لما احط كمية معينة من البنزين فيها وكان يفترض انها تبقى كفاية عشان العربية تبقى متفولة الاقي المؤشر مش بيجيب الاخر خلاف ان استهلاك البنزين أصبح زايد جدا واني مثلا ابقى موقف العربية والمؤشر على علامة معينة ومجرد ما اجي ادورها الاقي المؤشر بينزل بسرعة ملحوظة لتحت رغم ان العادي ان مش بيحصل كدا قولت جايز العربية فيها حاجة محتاجة تغيير المهم حصل اني احتجت احط بنزين وانا في برة البلد فا روحت بنزينة وطنية ( بنزينة تبع الجيش ) وفولت لاحظت ان استهلاك البنزين في المرة دي رجع عادي وكأن شيئا لم يكن والمبلغ اللي دفعته عشان افول اكبر من اللي بدفعه في البنزينة اللي في البلد بحاجة بسيطة وموضوع الزيادة في استهلاك البنزين دا ماحصلش معايا لوحدي فيه كذا واحد حصل معاهم منهم واحد حط بــ 50 جنيه بنزين المشر وصل لقبل اخر شرطة يعني العربية ما اتفولتش وراح مشوار لأسكندرية على ما وصل كانت العربية محتاجة ان يتحط ليها بنزين حط بــ 50 جنيه تاني لقى ان العربية بقيت متفولة ورجع من غير ما يحتاج يحط بنزين تاني حد عنده تفسير للموضوع دا يعني هل البنزينة دي بتسرق في العداد ولو كان كدا ايه اللي يخلي المؤشر بتاع العربية يدي قراءة غلط وينقص بسرعة بالمنظر دا؟؟؟؟ |
رد: موقف غريــب
من خلال تجاربي مع البنزينات فيه كتيير منهم حراميه
وبالنسبه لموضوع التفويل فمعلوماتي ان عوامة التانك مابتكونش واصله لاخرالتانك يعني الحته اللي فيها الحساس والحته اللي فوقه مبتكونش مقريه هابسطهالك انت واقف تفول والبزين وصل لعند اعلى مكان في الحساس كده خلاص المؤشر هايديلك فول تانك ولكن بيبقى لسه فيه مكان ف التانك فوق وحوالين الحساس حسب وضعه ممكن ياخد بنزين وطبعا الراجل بتاع البنزينه ما بيشيلش المسدس الا لما البنزين بيطفح من عين التانك اهوا الكميه من فوق الحساس لحد عين التانك دي كلها الحساس مش قاريها وتفضل ماشي مسافه كويسه والمؤشر قاري فول تانك وماينزلش اول شرطه الا لما تستهلك كميه عن التانك مع كمية اول شرطه انما لو فولت مثلا صفيحتين بس مازودتش وراح المؤشر مديلك فول تانك فطبيعي انه المؤشر هاينزل بسرعه لانه مافيش الكميه اللي اتفقنا عليها بتاعت عين التانك |
رد: موقف غريــب
اقتباس:
بالنسبة للمثال اللي حضرتك قولته انا لما بدخل اي بنزينة بطلب من العامل انه يفول لحد المسدس ما يفصل اول مرة وما يكملش عشان مايوقعش حاجة في الأرض يعني في كل الاحوال بيكون نفس المقدار اللي اتحط في العربية واحد لكن اللي لاحظته ان الاستهلاك بيختلف لما احط بنزين في المكان دا عن اي مكان تاني وهو دا اللي بسأل عنه يعني اذا كان بتوع البنزينة بيسرقوا وبيغيروا في قراءة العداد ازااي هيقدر يغير في قراءة عداد العربية ويخليه يدي قراءة اكبر من الحقيقة وازااي المؤشر يبقى ثابت على نقطة معينة ولما اجي ادور العربية الاقيه بينزل بسرعة كان التانك مفتوح وايه سر الاستهلاك الزيادة في البنزين لما بحط من المكان دا عن غيره؟؟؟؟؟!! |
رد: موقف غريــب
طبعا اشكر صاحب الموضوع على موضوعه دا
كل بنزينة فيها الحرامي وفيها الكويس بس في حاجة مهمة جدا المفروض البنزينة تعملها كل يوم اعادة معايرة للعداد بتاعها بمعنى ايه انه لما العداد يعد مثلا كمية اد 10 لتر بنزين المفروض الكمية دي تكون فعلا 10 لتر والمفروض زي ماكنا زمان بنلاقي على ماكينات ملء البنزين المفروض عليها علامة انها معمولها معايرة صحيحة بحيث ان الماكينة فعلا عدادها يكون مقياس صحيح للبنزين اللي خارج منها غالبا اليومين دول محدش في اي بنزينة الا من رحم ربي بيعمل موضوع المعايرة دا فبتالي عمرمايكون الكمية اللي خرجت من الماكينة زي اللي مكتوبه على شاشاتها هذا والله اعلم |
رد: موقف غريــب
حاليا اصحاب البنزينات بيكتفوا يا استاذ وليد بان الماكينة عليها ختم مصلحة الموازين وان الماكينات تم فحصها بواسطة المصلحة بشكل سنوي ايا كان تاريخ الفحص
لكن برضه انا مش لاقي اجابة لأسئلتي العامل يقدر انه يغير في قراءة عداد الماكينة الموجودة عنده لكن ازاي يغير في قراءة عداد العريية وايه الفكرة في زيادة استهلاك البنزين؟؟ |
| الساعة الآن 10:00 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017