مشاكل بميجان 2006
 

الاخوة الاعزاء
الحمد لله ربنا اكرمني واشتريت ميجان 2006 مستعملة عاملة 90 الف كيلو وبعد اشتريتها اكتشفت الاتي
1- المرايا الشمال مش شغالة كهرباء
2- التكييف ادائة ضعيف
3- وجود فيشة اسفل السيارة مفكوكة
4- وجود تسريب بسيط للمياة من اعلي الزجاج الامامي داخل العربية
3- كنت ماشي بيها وخبط فى رصيف والحمد لله الخبطة عدت علي خير بس بعد كدا ظهر عندي فى التابلوة check gear box ولمبة ABS , service و الحزام منورين والعربية مابتسحبش خالص اخرها 60 كيلو ولما ابطلها وادور تاني وابداء اتحرك يظهروا تاني وبما اني جاااااااهل بعالم السيارات مش عارف اروح فين ولا اعمل اية
فيا ريت يا اهل الخبرة دلوني اعمل اية مع انى سكنى فى مدينة نصر
ولكم جزيل الشكر

رد: مشاكل بميجان 2006
 

توكيل او مركز خدمه حتروح مره وحده تظبط كل حاجه و انا لو مكانك حروح مركز الخدمه او ورشة رينو

Sent from my GT-I9100G using Tapatalk

رد: مشاكل بميجان 2006
 

رد: مشاكل بميجان 2006
 

الحمد لله انا خت العربية يوم الجمعة وكنت هناك عند عادل حوالي 8:20 وهو جة علي 8:30 وكشف علي العربية ولقي حساس الـ ABS بتاع العجلة الامامية يمين هوا الى بايظ ومخلي لمبة Airbag + ABS + Service + check gearbox منورين ودا اتكلف 150 ج + 50 ج مصنعية
بعد كدا طلعت علي الشامي للزيوت وغيرت زيت شل 10000 كيلو و الـ 5 لتر اتكلفوا 389 ج
بعد كدا طلعت علي محمود العفشجي وبص علي العربية لقي القنطرة والمقص معووج فغيرت القنطرة (اشترتها استيراد من عند كريم الى مع عادل بـ 850 ج ) و المقصين (2*190 ج )وميزان ممساعدين (2*65 ج) من عند واحد تاني ودل كانوا جداد وتركي وخرط كاوتشة عند صلاح الخراط بـ 60 ج ومصنعية 200 ج وقالى ان المساعديين الاماميين عاوز يتغيروا قلتلة لا كفاية كدا
وخت العربية زى الفل ورحت مغسلة علشان منظر الصالون والعربية ماكنش عاجبني وخليتة يغسلة الموتور والصالون والعربية من الخارج ولما جيت ادور العربية لقيت لمبة الـ Service + Airbag منورين قالى ما تقلقيش شوية ويهتروح
بس للاسف وانا ماشي بالعربية لقيتها بتقطع وكتبالى check Injection ركنت علي جنب وقفلت العربية وشغلتها تانى بردة كتبتلى check Injection بس مسيت معايا كويس
تاني يوم دورتها وكنت رايح مشوار بعد ما دورتها ومشيت بيها شوية ركنت اجيب حاجة وبتطلتها وجيب ادورها حلفت مهي دايرة (مارش طويل والموتور مش راضي يدور ) ربعد محاولات عديدة دارة ورحت بيها المشوار يتاعي وقعدت الف بيها يجي ساعتين وهي كتبالى check Injection + check Gearbox وبعد كدا لحظت ان لمبة الغيار مش منورة من عند الفتيس ولا فى التابلوة وبعد كدا نوروا عادى check Gearbox اختفت
لما روحت راجعت الفيوز الى فى اسفل شمال التابلوة والى فى يمين الماتور لقيت كلة تمام ما عدا سلكتيين مش عارف بتوع اية عزلتهم وسيبتهم زى ما هما
http://upimage.us/server/php/files/20140315_181544.jpg
http://upimage.us/server/php/files/20140315_181539.jpg
ولقيت الحاجة دى مش ثابته كويس الى مااعرفش اسمها اية وحاولت اثبتها بس المسمار مش راضي يربط عملتلة تخشينة وزنقتة
http://upimage.us/server/php/files/20140315_184528.jpg

المشكلة دلوقتي ان بفضل ادور اكتر من مرة لغاية لما ترضي تدور معايا ولمبة Service + Airbag + check Injection
منورين وميش عارف اتصرف ازاى لانى بجد بدأت اقفل من العربية
واسف على الاطالة ولكم جزيل الشكر

رد: مشاكل بميجان 2006
 

ممكن تكون اما غسلت الموتور الراجل اللي بيغسل دخل مياه او حاجه فى اي حاجه روح لكشف كمبيوتر تانى

Sent from my GT-I9100G using Tapatalk