رد: مشكلة مع سينسور باركينج SPY من سبيركار
اقتباس:
|
رد: مشكلة مع سينسور باركينج SPY من سبيركار
شكراً ليك على عرض تجربتك وبعتذر عن التاخر فى الرد لظروف رمضان وظروف صحية خاصة بيا شخصياً
وانا بصفتى مسئول عن الدعم الفنى لاعضاء مصر موتورز اتصلت بسبير كار لاستيضاح المشكلة وفهمت منهم الاتى : اولاً .. سياسة استبدال المنتج فى حالة ظهور اى عيب فيه تسمح باستبدال فى بحر 14 يوم ( اسبوعين ) من تاريخ الشراء بعد تلك المدة يتم استقبالة من طرف مركز صيانة الوكيل الخاص بماركة SPY لفحص الجهاز وبيان طبيعة العيب وبالتالى امكانية اصلاحة او استبدالة ثانيا .. نقلاً عن سبير كار فان منتجات ماركة SPY محل ثقة الشركة وعملائها ولا توجد عيوب متكررة من هذا الموديل او اى من الموديلات الخاصة بها المتوفرة بفروعها وفى حالة وجود اى مشكلة ترحب الشركة بالاستجابة لشكاوى العملاء عن طريق منتديات مصر موتورز وموقع سبير كار Spare Car ووسائل الاتصال الهاتفية او بزيارة فروعها مباشرة انتهى .. ومن ناحية مصر موتورز .. حضرتك ممكن تشرفنى بارسال بيانات الاتصال بحضرتك لمتابعة المشكلة لحين حلها ان شاء الله |
رد: مشكلة مع سينسور باركينج SPY من سبيركار
السلام عاليكم ورحمتك الله وبركاته
انا أسف على التأخير فى الرد علاشان ظروف العمل بس انا كان عندى رد على 14 يوم ديه انا أتلقى من مدير المركز بعد حوالى 10 ايام من التركيب وقالى ابو جهاز ممكن يعطل عندك مشكلة انا هستلم منك الجهاز ( الشاشة) وأرسله آلى التصليح ولم يذكر انه هايغير الجهاز . انا معايا الفاتورة لسه محتفظ بيها وبعدين انا حاولت معهم فى التليفون وأتلقى كده لفظا مفيش ضمان عندك مشكلة احنا المندوب بتاع spy بيجى كل يومين وممكن يتصلح وممكن لا . وكمان برد انا رحت فى المرة الاولى كان هناك فنى بيحاول يفهمنى انه كل صينى وده عادى على العموم انك ممكن أرسلك رقم تليفونيي ومتشكر ياأستاذ abOnOra على ردّك ده ايملى ممكن نتوصل عاليه Ahmed.sakr01@hotmail.com وبالرضو انا عايز أوضح انا مش بشتيكى من المعاملة أوالأزمات او الجهاز بالعكس الناس محترمة ، محترفة والجهاز جميل جدا بس المشكلة ان لما الواحد بيحب احسن حاجه من مكان معروف المفروض يلاقى الدعم المناسب بعد البيع وشكرا |
رد: مشكلة مع سينسور باركينج SPY من سبيركار
اقتباس:
وانا عربيتى جديدة وانا ركبت السينسيور ده بالعفية وانا كنت واقف على أيد الناس علاشان التقفيل والكهرباء وكده فمش هقعد اجرب فى التصليح وفك وتركيب وده كان سبب ان العطل الأولاني رضيت بيه علاشان كده وبرد للامانة انا هروح ليهم النهاردة تانى فرع التجمع وأسمع منهم والله الموفق وشكرا على النصيحة |
رد: مشكلة مع سينسور باركينج SPY من سبيركار
السلام عاليكم
انا رحت النهارده فرع سبير كار الى فى التجمع الخامس وقابلت الاستاذ/ أيمن صادق مدير الفرع والصراحة الرجل جينتل قوى بس أكد عاليا ان سبير كار ملاهاش دعوة بعطل مابعد البيع وعلاشان الأمانة هو كان بيتكلم على السينسيور ( حالتى) ممكن يكون فى ضمان خاص بحاجات تانية ، المهم قالى ان SPY مركة محترمة وليها صيانة وأرسل معى فنى محترم شف العطل وفك الشاشة وعمل طلب إصلاح بالأعطال الى شفها بعينه والأستاذ أيمن تانى (جينتل) ووعدنى انه هيتابع الموضوع وكلم فعلا المسؤل عن الصيانة فى SPY وفهمنى ان يوم الاتنين القادم ظ¢ظ©/ظ¦ هستلم الشاشة بعد الإصلاح إن شاء الله ولما استلم الجهاز هاديكو الابديت على الموضوع انا متشكر جدا لكل آلى رد على الموضوع وكل الى اهتم بالشكوى ( محترمييييييييين قوى) وكل سنة وأنتو طيبين |
الساعة الآن 04:37 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017