|
ما هو تقييمك لوكيل شيري و مراكز الخدمه
تقليل درجات التقييم متعمد لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا) |
رد: ما هو تقييمك لوكيل شيري و مراكز الخدمه
كل اللى هقدر اقوله فى توكيل شيرى حسبنا الله ونعم الوكيل .... ذهبت بالسياره لعمل صيانه ال15000 ويا ريتنى ما ذهبت تم تغيير الزيت والفلتر وبعدها فوجئت بمهندس الاستقبال ينادى عليه (خير) اذ به يقول لى كاوتشه الكوبلن مقطوعه طبعا قلت تتغير وياريت ما قلت . بعد الفك والتركيب الخطأ اسفر عن بوظان سن الكوبلن وبالتالى لن تخرج السياره من التوكيل كل ده من 9 ص الى 5 م واتحاسبت حساب الملكين طبعا علشان امشى دفعت يومها 750 جنيه علشان غيار الزيت والفلتر وكاوتشه الكوبلن والكوبلن السليم اللى هما خسروه!!!!!!!!! حسبنا الله ونعم الوكيل!!!!!!!!!!!!!!!!!!! !!!!!!!!!!
|
رد: ما هو تقييمك لوكيل شيري و مراكز الخدمه
عملت صيانه 1000ك امبارح فىمركز صيانه ابو الفتوح 7 ش كليه الطب محطه الرمل اسكندريه
غيار زيت +فلتر =339.9ج وطلبت الاتى 1- تضبيط الابواب 2-تربيط العفشه 3-بعض عيوب التقفيل( كاوتش بارز حوالين الفانوس الامامى شمال--بروز كاوتش حليه السقف) بالنسبه للعفشه طلع بالعربيه مهندس+فنى لتجربه السياره ورجعوا قالوا ان الدبدبه عادى بالنسبه لعفشه التيجو عيوب التقفيل تم تلافيها بالنسبه للابواب الفنى كل اللىعمله زيتها لكن الباب الخلفى زى ماهو لازم تقفله جامد. الباب الامامى شمال لو فتحته نص بيشخشخ اثناء السيرز عموما مركز الصيانه صغير بالنسبه لعدد السيارات اللى بتعمل صيانه فى اليوم الواحد لازم تكون عارف حد جوه عشان يهتم وزمن صيانه 1000ك تقريبا من 1.5 الى ساعتين التقييم متوسط |
رد: ما هو تقييمك لوكيل شيري و مراكز الخدمه
السلام عليكم
والله من خلال زياراتى لأبو رواش خمس مرات بصراحة مستوى الأستقبال جيد مستوى الصيانة جيد جدا مستوى الكافتريا جيد جدا مستوى الأمانة فى الشغل جيد مستوى تثبيت العملاء ممتاز الأجمالى جيد مرتفع |
| الساعة الآن 04:31 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017