|
مساعدة فى قرار شراء البروتون - برسونا !!!
السلام عليكم....
دى أول مشاركة ليا فى المنتدى وبصراحة لو ما كنتش حسيت ان الناس هنا بتتفاعل كويس مع الأسئلة ما كنتش هأفكر أعمل الموضوع ده.... أنا طبيب امتياز (خريج جديد يعنى) وبأفكر أشترى عربية فى حدود 90 - 100 الف جنيه ... بعد لما سألت وشوفت لقيت انى هأختار حاجة من الحاجات دى: هيونداى - النترا بروتون - برسونا شيفورليه - اوبترا مع العلم انى بأتكلم عن الفول اوبشن أوتوماتيك فى كل الموديلات دى... استخدامى هيكون عادى جوه البلد فى القاهرة وسفرة مرة كل اسبوع لاسكندرية وبس... انا لما سألت كتير عن الاوبترا الصراحة سمعت انها فيها عيوب تصنيع بتظهر كتير (انا اقصد عيوب فردية) لكن العربية فى حد ذاتها كويسة... اما الالنترا انا مش باحب هيونداى أصلاً.. فى البروتون عجبتنى جدا البرسونا حتى بعد ما سمعت ان فيها عيوب ف التقفيل الداخلى من ناحية الخامات يعنى وكمان صوت الموتور العالى ... لكن اللى خلانى اعيد التفكير فى اختيار للبرسونا لما لقيت واحد صاحبى هو كمان بيفكر يشترى عربية وبنفس حدود السعر ونفس المتطلبات تقريباً... لما قعدنا نتكلم كنت بأقنعه بالبرسونا لقيته بيخوفنى من التوكيل ( عز العرب ) من ناحية ان قطع الغيار غالية ومش متوفرة... ودلوقتى ياريت لو حد يقدر يتكلم عن تجربته مع البرسونا أو البروتون عامة والتوكيل ياريت... انا مش عاوز اخسر البرسونا أنا بجد نفسى اشتريها بس خايف من خدمة بعد البيع لأنى جربت الحاجات دى كتير مش مع العربيات بس جربت التوكيلات من اللابتوبات كتير وعارف يعنى ايه التوكيل سئ... |
رد: مساعدة فى قرار شراء البروتون - برسونا !!!
البروتون كله عموما قطع غياره مش موجوده حتي في التوكيل و لو اتلاقيتها اسعارها نااااااااااااااااااااااار و كمان اسعار الصيانه نااااااااااااااااااار جوه التوكيل ( توكيل عز العرب توكيل منيل ب 600000 نيله علي دماغهم ) اما بره التوكيل هتتلاقي الاماكن اللي فيها قطع الغيار و اعمال الصيانه بتتعد علي الصوابع في مصر كلها و كمان هتتعب في بيعها و هتخسر كتير فخليك في حاجه نضيفه و معروفه ( و المبلغ اللي معاك يجبلك عربيه كويسه زي نيسان صني ) و شوف اراء بقيه الاعضاء و لا تنسي صلاه الاستخاره
|
رد: مساعدة فى قرار شراء البروتون - برسونا !!!
انا مش بحب هيونداى خالص بس لو مكانك هشترى النترا
اداء واعتمادية وانتشار وسهولة فى الصيانة وقطع الغيار وسهولة فى إعادة البيع ولو مش بتحب غبور اعمل صياناتك فى مراكز خدمة معتمدة وما اكثرها بروتون بيرسونا : افضل قيمة مقابل سعر لكن مشاكل تقفيل + سعر اعادة البيع + قطع الغيار والصيانة نيسان صنى : تصميم وتكنولوجيا قديمة لكن اعتمادية وقطع غيار يابانى وتوكيل جيد هيونداى ماتريكس : عملية واتساع داخلى وانتشار اوبترا : عيوب تصنيع متكرره ومختلفة لكن اجمالاً عربية جيدة ومنتشرة وماسكة سعر وقطع غيارها انتشرت وصيانتها سهلة وتوكيلها جيد وليه مراكز خدمة معتمدة كتير كل العربيات ديه كويسة ومتوازنة لكن التفضيل يرجع لاولوياتك وذوقك الشخصى |
رد: مساعدة فى قرار شراء البروتون - برسونا !!!
srlkghgrjtrgbb
|
رد: مساعدة فى قرار شراء البروتون - برسونا !!!
حرام عليكم العربية تحفة فى كل شى ثبات و شياكه بجد زى الفل وانا سعيد بيها
|
| الساعة الآن 08:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017