ماهى المشاكل التى قد تواجهك مع فرامل سيارتك
 

وفى هذا الموضوع البسيط سأستعرض معكم

مشاكل الفرامل المشهوره

1- منسوب الزيت فى التنك منخفض بدرجه ملحوظه

قد يكون نقصان منسوب الزيت دليلا على تآكل التيل بصوره

كبيره تستعدى الإسراع بتغيير التيل لعدم حدوث تلف للطنابير

وقد يكون نقصان منسوب الزيت بسبب تهريب وتسريب للزيت

من خلال أى منطقه فى دورة الفرامل

لاحظ أنه لو فوجئت بإنارة لمبة تحذير الفرامل وأنت تقود سيارتك

بصوره فجائيه فيجب أن تتوقف فورا وتبحث عن وجود تسريبات

من خلال أى منطقه فى دورة الفرامل

فهروب الزيت بصوره فجائيه يؤدى إلى إنهيار الآداء الفرملى

ويجب التعامل فورا مع هذا العيب


2- نزول مستوى الدواسه عن وضعها الطبيعى

نزول الدواسه ممكن أن يكون سببه هو تآكل التيل الخلفى

ومع التعامل مع الطنابير الخلفيه يمكن إرجاع الدواسه لوضعها

الطبيعى

وقد يكون سبب نزول الدواسه هو وجود تسريب للزيت من خلال

خطوط أو مكونات دورة الفرامل .

3- إرتعاش الدواسه ونعومتها الزائده عن الحد

هذا غالبا سببه هو وجود هواء فى دورة الفرامل إما بسسب

عدم قيام الفنى بإستنزاف الهواء من الدوره بصوره صحيحه

وقت تغييرك للتيل أو وقت تغييرالزيت

4- مشوار الدواسه كبير عن الطبيعى

قد يكون سبب هذا هو تآكل التيل سواء الأمامى أو الخلفى

أو عدم ضبط خلوصات الطنابير الخلفيه أو تواجد هواء فى الدوره

وبالطبع فتلك حاله خطيره لأنك ستضطر لبذل مشوار أكبر من

المشوار الطبيعى على الدواسه حينما تريد إيقاف سيارتك فجائيا .

5- الدواسه تغوص إلى أن تلمس الأرضيه

هذا الوضع بيحدث غالبا حينما تقوم بوضع قدمك فى وضع ثبات

على الدواسه أثناء الأنتظار فى الأشارات وعلى الكبارى

وبالطبع فأن هذا مؤشرا على وجود عيب بماستر الفرامل

أو لوجود تسريب للزيت من خلال أى منطقه بالدوره

6- رعشه فى الدواسه وقت أستخدام الفرامل

هذا دليل على وجود عالى وواطى فى الطنابير ومن هنا يجب

الكشف على الطنابير

ومعرفة هل ستتحمل الخراطه والتسويه للأسطح أم يجب أستبدالها
.


http://www.aa1car.com/library/chkrotor.gif .

7- صوت ضوضاء وخربشه ظاهره من الفرامل

غالبا يكون سبب هذا بسبب وجود تلامس لمعدنين مع بعضهما

بسبب خشونة أسطح الطنابير

وهنا يجب الكشف على الطنابير وتنعيمها لعدم التأثير

على الداء الفرملى


8- رجرجه وإهتزاز عند منطقة الفرامل بجوار العجل

هذا قد يكون سببه إهتزاز بين التيل والطنابير

أو بين التيل والكالبرات

http://www.aa1car.com/library/brake_pads_replace_2.jpg

.

8- رجرجة السياره فى صوره تحضيريه للفرامل

هذا يحدث مع أستعمالك للفرامل وفى نفس الوقت يوجد زيوت

أو شحومات على الطنابير أو التيل

أيضا وجود طنابير غير مستويه الأسطح قد تولد تلك الظاهره

9- جر الفرامل

هذا قد يكون سببه قفشان أحد المساتر أو أكثر أو بسبب

عدم وجود رجلاش جيد لتيل الفرامل الخلفيه

وهذا يسبب معك سخونة الطنابير والجنوط وفى ذات الوقت

يؤدى إلى زيادة إستهلاك البنزين

10- إنحراف السياره إلى أحد الأتجاهات وقت الفرمله

قد يكون سبب هذا

- إنسداد فى أحد الخراطيم

- تلف الماستر الرئيسى

- تسريب زيت من أحد الكالبرات

- وجود زيت على أحد الطنابير

- تلف أحد المساتر الفرعيه


11- تقل الدواسه بصوره ملفته للنظر

قد يكون سبب هذا

- قلة التخلخل فى مجمع دخول الهواء للمحرك

- تلف سيرفو الفرامل

- تلف بلف عدم الرجوع الموجود على خط دخول

هواء التخلخل للسيرفو

رد: ماهى المشاكل التى قد تواجهك مع فرامل سيارتك
 

ممتاز كالعادة يابشمهندس سمير ولو سمحت عندى سؤال
انا بعد ما الميكانيكى نظف لي تيل الفرامل وغيرت سير الكاتينة وفلتر البنزين اصحبت فية مشكلة هى : إنى لما بضغط على بدال الفرامل بيبقى فية صوت خبط او من الاخر (دربكة) والموضوع دة بيبان قوى لما بتكون العربية واقفة ولو لسة ما سخنتش ممكن تبطل
بصراحة انا الموضوع دة مضايقنى جداً فياريت حضرتك توضحلي المشكلة فين
وجزاك الله خيراً

رد: ماهى المشاكل التى قد تواجهك مع فرامل سيارتك
 

السلام عليكم ورحمه الله وبركاته
انا عضو جديد بصراحه بس انا عندى مشكله واتمنى ان تفيدونى
دائما تيل الفرامل بتاكل منه فرده واحده فقط وهى البره شمال امامى لحد مالتنابير باظت فغيرتها والتيل فى المتحده ومحمد رشاد قالى ان المشكله ان اشاء الله مش حتصل تانى مشكورا ولكن التيل الجديد برضو نفس المشكله فغيرت وقلت ممن يكون عيب تيل بسبب قطع الغيار الضرب اللى فى السوق ولكن التيل الجديد نفس المشكله لحد مالتانبوره الشمال باظت بعد شرائها بثلاث شهور تقريبا فرحت لرشاد تانى قاللى ممكن اخد التنابير لحد يعرفوا هوا فى المعادى نخرطهم مع العلم ان الاربع طنابير والتيل جداد فمن الحتمل بعد الخرط اواجه نفس العيب مش كل مغير تيل اغير طانبوره ده غير الرعشه الى فى الطاره مع الفرمله فياريت يا بشمهندس تفيدنى اه المشكله :fun_36_1_28[1]:

رد: ماهى المشاكل التى قد تواجهك مع فرامل سيارتك
 

هل جربت يابشمهندس إنك تخللى حد يدوس فرامل وأنت فاتح الكبوت وبتراقب مكان الدربكه

لأن أنا شاكك أن الدربكه قادمه بسبب إرتجاج المكنه نفسها فى الوقت ده

بسبب نقصان هواء السلانسيه بعض الشىء

فى محاوله منها للتبطيل

بدليل الجزئيه دى من كلامك

وبناءا عليه

على رأى الجماعه بتوع ( مجلس الشعب )

المشكله لن تكون فى الفرامل نفسها

وإنما فى المكنه

وبناءا عليه

نظرا لأن ماتم أخيرا فى المكنه وظهرت بعده هذه الملحوظه

هو تغييرك لسير الكاتينه

فوارد أوى تكون تقسيمة المكنه حاليا غير مظبوطه

مما يؤدى إلى تواجد خلل فى حريق السلانسيه

رد: ماهى المشاكل التى قد تواجهك مع فرامل سيارتك
 

يا أهلا بيك أولا فى مصر موتورز

وبالنسبه لمشكلتك

فهتلاقى إما

خرطوم زيت الفرده الشمال به ملوثات

أو ماستر الفرده الأمامى شمال قافش لبره على طول

مابيردش يعنى وبهذا الشكل بيستمر تيل الفرده الشمال

ملمس للطنبوره

ومن هنا بيتآكل التيل وتتلف الطنبوره

وتصديقا لتحليلى

يمكنك جس جنط الفرده الشمال وتقارنه بجنط

الفرده الأمامى اليمين

ستجد نفسك غير قادر نهائيا على لمس جنط الفرده الشمال

مقارنة بالفرده اليمين