مصر موتورز مجتمع السيارات - ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

اقتباس:

المشاركة الأصلية كتبت بواسطة Ibenmasr (المشاركة 698294)

ممكن حد يدلنى أشترى سيارة بتقسيط حلال حلال حلال منين ارجوكم دلونى كفانا الله شر الحرام
انا من القاهرة

بص ياباشا انا من الاسماعيليه وسالت قبل كده على معارض بتقسط مباشر وهيه كتير فى القاهرة وما بتقسطش الا للى فى القاهرة بس بس مش معايا نمرهم بس حضرتك ممكن تبحث فى جوجل على تقسيط مباشر سيارات وهتلاقى كتير قوى
كمان خد بالك التقسيط المباشر بيكون الفرق اللى بتدفعه فوق تمن العربيه اكبر من البنك بس يهون علشان تمشى فى الحلال بس اهم ما يكونش فيه شرط انه ممكن تزود الاجل نظير زياده الدين وكمان البنك ما يتدخلش اطلاقا يعنى ماتمضيش على اى ورقه بنك كل تعاملك مع المعرض وكمان ما يكونش فيه تامين على السيارة لانه حرام برضه
معلش هيه ممكن تكون اسودت فى وشك بس امشى فى الصعب ابتغاء وجه الله تعالى وربنا هاييسرها لك باذن الله
وارجوك اسنفنى قلبك واوعى تضعف وتمشى مع اول فتوى بتقولك البنوك حلال
وربنا يوفقك لما يحب ويرضى

رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

انت الى مش فاهم حاجة روح للشيخ ميروك فى دريم باين واسالة انت فاهم غلط

رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

سؤال صغير. أنا جبت العربيه بنفس الأسلوب اللي فات. البنك دفع للمعرض و المعرض هو اللي سلمني العربيه.كده ربا. طب ايه الحل ؟ أكمل تمن العربيه كاش و خلصنا و الا لازم أبيع العربيه كمان؟

رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

اقتباس:

المشاركة الأصلية كتبت بواسطة disload (المشاركة 164412)

بسم الله الرحمن الرحيم

استهزاء وسخرية من أحد العلماء الأفاضل الأجلاء فضيلة الشيخ عطية صقر رحمه الله..
أرجو من إدارة هذا المنتدى حذف هذا الجزء المشين في كلام الأخ ...
وأذكر الأخ الذي يذكرنا بحرمة الله ... أن هناك ما هو أشد حرمة من الربا .. وهو الخوض في عرض المسلم .. فما بالنا إذا كان هذا المسلم ليس من العامة ولكن من العلماء الأجلاء الذين شهد لهم الجميع بالعلم والفضل.

والسلام عليكم ورحمة الله وبركاته

اؤيد كلامك تماما

رد: ( حكم شراء سيارة بالتقسيط المنتشر هذه الأيام ) ، مع فتاوى لبعض العلماء

اخواتي سواء البنك عندة العربية او معندوش فهي معتمدة علي فلوس ربا من الاساس فلوسك وفلوس غيرك مفهاش مفر انتبهو لنقطة دي ::