رابطة ملاك الفيات اونو
 

اية رايكم يا جماعة نعمل رابطة لملاك الفيات اونوGIFT4U
تضم كل من يملك اونو
وكل اللي بيفكر يشتريها
وتبقي فرصة كويسة نتعرف علي بعض
واللي عندة مشكلة في عربيتة ممكن يسال.......
واللي عندة خبرة في الاونو يرد علية...

او حد عايز يبيع او يشتري او يسال عن العربية...يلاقي معلومات هنا عن الاونو..

طبعا العربية دي معروفة ومنتشرة في مصر
وفي ناس كتير بتحب العربية دي وانا واحد منهم

انا معايا اونو 1993 لونها ازرق

ياريت تنضموا للرابطة دي ونكبرها وتبقي مرجع لينا كلنا
بدل ما الواحد تاية في المنتدي كدة اهو يبقي لينا مكان محدد ندخل لية.....
والموافق علي هذا الاقتراح من حيث المبدأ....



يتفضل برفع يدة
قصدي يدخل ويقول علي بركة اللة....4BY4

رد: رابطة ملاك الفيات اونو
 

SLEEEPSLAM

طب انا النهاردة غيرت فلتر البنزين في نوعين واحد كبير(روسى)
والتاني صغير(مكتوب علي الكيس بتاعة تركي)
وانا ركبت الصغير
حد يعرف اية الفرق بين الاثنين ومين الاحسن للاونو؟
حاجة تانية كمان انا ناوي ان شاء اللةاغير طقم دبرياج جديد وعايز اعرف احسن ماركة اية وبكام؟

رد: رابطة ملاك الفيات اونو
 

السلام عليكم
عايز أشترى أونووياريت تفيدونى وتعرفونى مميزاتها وعيوبها ايه وتساوى كام @ طبعا هتكون حسب حالتها@ لكن حد أدنى لمتوسط الموديلاتشكر وتقدير

رد: رابطة ملاك الفيات اونو
 

اهلا sasaGIFT4U
بص يا باشا
الاونو طبعا اللي عندنا في مصر معظمها 1000 سي سي
بس في منها 1300 وفي 1400 تربو برة
المواتير الاستيراد موجودة مش غالية سواء 1000 او 1300 او تربو
يعني في امكانية للتعديل لو حبيت ودي ميزة
اول انتاج كان 1983 حتي 2006
ماتشتريش الا الجيل التاني اللي بيبدا من1989 الي 1994
لان دة هو اللي منتشر وايطالي وقطع غيارة رخيصة ومتوفرة وكاربيراتير
مش انجيكشن زي الجيل التالت اللي بيبدأ من 95 الي 2006 قطع (غيارة اغلي شوية بس نفس شكل الجيل التاني دي غير انة بولندي مش ايطالي)
العربية طبعا ناعمة جداو مريحة في السواقة و اعتماديتها عالية وشيك وموفرة في البنزين جدا
السعر للحالة الحلوة من 25 وانت طالع (مو93 مثلا) لحد 30 للجيل التاني( الانجكشن)
العيوب لا يوجد عيوب اذا كانت العربية مناسبة لاحتياجاتك ودي انت اللي تقدر تحددها .... قوللي انت محتاج اية من العربية عشان اقدر افيدك اكتر؟
يعني مشاويرك مثلا كام كيلو يوميا الطريق كويس ولا مكسر .
.كدة يعني
وان كان حد تاني عندة اضافة ياريت يتفضلROSE4U

رد: رابطة ملاك الفيات اونو
 

صباح الفل مبروك مكاسب الثورة لمصر
ياريت نصحى الرابطة تانى يا اونوية
انا اشتريت اونو 98 و هى كاربيراتير على فكرة مش انجيكشن و 1000
نفس قطع القديمة بزبط مفيش فرق خالص
ناعمة و حلوة واسعة جدا مقارنة بالعربيات الصغيرة شنطة واسعة اوى لما تتفتح
كنت جايبها فبريكة برة و جوة استخدام سيدة عاملة 87 بس الشغل اللى فيها مكملش 800 جنية بالمصنعية و موتورها ممتاز ب 25.5 الف