مصر موتورز مجتمع السيارات - شرح جميع استفسارات تقسيط المستعمل

مصر موتورز مجتمع السيارات (https://www.masrmotors.com/vb/index.php)

- تقسيط السيارات (https://www.masrmotors.com/vb/forumdisplay.php?f=62)

- - شرح جميع استفسارات تقسيط المستعمل (https://www.masrmotors.com/vb/showthread.php?t=5959)

رد: شرح جميع استفسارات تقسيط المستعمل

اقتباس:

المشاركة الأصلية كتبت بواسطة ilvw (المشاركة 150712)

السلام عليكم ورحمة الله وبركاته
معلش استفسار عايز اجيب عربية سيات ابيزا مستعملة من موديل 94 إلى موديل 98 وتكون 1300 أو 1400 سي سي الشكل الجديد 4 باب لأني شفت بعض عربيات سيات ابيزا 2 باب بس ومش عارف ايه الفرق مع ان الاتنين نفس موديل السنة وده لأني مش عندي خبرة كافية في العربيات وهدفع من 16000 الى 18000 جنيه مقدم والباقي يتقسط عايز اعرف التقسيط هيبقى كام كل شهر واقصى شيء هيبقى على كام سنة ولو حبيت بعد ما اشتري بإذن الله اكيش باقي الفلوس اللي عليا ينفع ولا لأ.

ودي معلومات عني كاملة.
انا بشتغل في الكويت ومش هينفع انزل مصر دلوقتي بس عامل لوالدي في مصر توكيل عام ووالدي برضه معاه معاش قوات مسلحة بـ 800 جنيه تقريباً وانا ممكن ابعت كل الأوراق اللي تثبت اني بشتغل هنا في الكويت من اربع سنين وبيتنا في محافظة الجيزة ملك مش ايجار ووصل الكهرباء بإسمي والتليفون باسم والدي وعندي حسابات جاري في البنك الأهلي وحساب جاري استثمار في بنك فيصل الاسلامي وان شاء الله ناوي على أول شهر 7 الجاي اشتري العربية بس عايز اعرف اعمل ايه واحضر ايه والأوراق المطلوبة وطرق الاتصال بيكم عشان لما ابدأ اشتري ياريت توضحلي حضرتك وآسف على الإطالة وتعبكم معانا.

عزيزى لازم وجودك فى مصر التوكيل لا يجوز العمل بية فى التوقع والتقسيط
للاستفسار السريع
0125485222

رد: شرح جميع استفسارات تقسيط المستعمل

اقتباس:

المشاركة الأصلية كتبت بواسطة mohamedlaveto (المشاركة 152385)

انا شاب ومعايا 13000 جنيه ومحتاج سياره موديل حديث مثلا موديل 2005 او 2007 ( مستوبيشى - كيا - هونداى -اسبرانز ) وادفع قسط 500 جنيه واخر السنة ادفع 3000 جنيه غير التقسيط وممكن ادفع كل 3 شهور 500 جنيه او 700 جنيه وانا موظف فى شركة قطاع اعمال .
mas62_25@hotmail.com
mmlaveto@yahoo.com

صعب النظام دة
للاستفسار السريع
0125485222

رد: شرح جميع استفسارات تقسيط المستعمل

شكراً لاستجابتكم السريعة وان شاء الله انزل مصر واخلص وانا هناك بس ياريت سؤال تاني ايه الورق اللي اجيبه معايا وانا نازل في حالة التقسيط وهل ينفع والدي يشتري ويقسط باسمه بالمعاش بتاعه زي ما ذكرت هو معاش قوات مسلحة وعمره 56 سنة ومعاشه 800 جنيه شهرياً وشكراً مرة تانية على الرد السريع والموقع الأكثر من رائع اللي استفدت منه كتييير جداً.

السلام عليكم

باشا كنت عايز اشتري عربية من 2004 الي 2006 تكون في حدود 40 الي 45 أدفع 30 والباقي علي 3 سنين بس عايز اعرف التفاصيل كلها انا موظف قطاع خاص في قطاع التعدين مرتب معقول باقلي حوالي 5 سنين بس انا بطاقتي منوفية و مقيم في الاسكندرية وعندي شقة تمليك باسمي والكهرباء والتليفون باسمي ممكن تفيدني

رد: شرح جميع استفسارات تقسيط المستعمل

السلام عليكم أ / سيف
فى البدايه اتقدم بشكرى لك على مجهودك الرائع والمتميز فى مساعدة كل من يحتاج المساعدة فى عالم التقسيط.
أرغب بشدة فى اقتناء سيارة مستعمله بالتقسيط وانا لا انجذب لنوع محدد من السيارات
معى 10.000 جنيه كمقدم واعمل محاسب فى شركه مقاولات خاصة براتب 2500 جنيه مع امكانيه تقديم مفردات مرتب بذلك.
ارجو توضيح السيارات التى تلائم المقدم وما هى الفائدة السنويه والقسط هيبقى كام لو على 3 سنين او 5 سنين ولسيادتكم جزيل الشكر والتقدير والأحترام.