مصر موتورز مجتمع السيارات - ساعدوني في موضوع الحدفة يمين وشمال ...

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - ساعدوني في موضوع الحدفة يمين وشمال ... (https://www.masrmotors.com/vb/showthread.php?t=97277)

ساعدوني في موضوع الحدفة يمين وشمال ...

سوقسوق أنا قربت أحدف أنا كمان سوقسوق

يا جماعة الخير أنا كنت شاري عربية مستعملة نيسان ياباني فهي كانت بتحدف شمال ولما سألت اللي شاري منه قاللي انه ضبط هوا، وعدت الأيام وماكنتش بركب لمدة شهرين يعني كان ركوب بسيط ما حسيتش فيه بالحدفة ...

أول ما بدأت أسافر لمصر بدأت آخد بالي منها ، فا روحت عند ضبط زوايا يدوي مشهور في شبين الكوم قاللي الزوايا كان فيها سنة واتظبطت، بس ماكنتش راضي برده عن الوضع، روحت عند واحد تاني كمبيوتر برده في شبين الكوم ، وقال إن الزوايا تمام
(وبرده فيه حدفه) ...

روحت التوكيل قال نفس الكلام وقال في الغالب المشكلة كاوتش، وكانت الكاوتشات اللي شاري بيها العربية شبه جديده فاستخسرت أغيرهم وقولت أمشي بيها كده وكل فتره كنت أروح التوكيل أظبط زوايا حتى مره ربطوا جامد على الدريكسيون عشان مايروحش مع الحدفه ... ضبط الزوايا في التوكيل كان 3 مرات وغالي وعلى مكنة حديثة على حد قولهم

الشاهد إني لما بأيت أغير أوضاع الكاوتش بتتغير الحدفة ناحية اليمين أو بتخف سواء بعكس الأمامي أو بتبديل اللي ورا مع اللي قدام

- اليومين دول ملاحظ رجه بسيطه في الدريكسيون بداية من سرعة 40
- الحدفة بتاخد الدريكسيون ناحيتها سواء يمين أو شمال (طبعا مع تغيير الكاوتشات) يعني وأنا ماشي لو سيبت الدريكسيون العربية والدريكسيون بيروحوا ناحية الحدفه ...
- الطريق عندي صراحه مش كويس وكنت كلت حوالي 2 أو 3 مرات مطبات من اللي هي عاليه بس على سرعات لا تتعدى الـ 40 كيلومتر
- كل اللي روحتلهم كانوا يقولو المشكلة في الغالب جدا كاوتش، وأنا مش على استعداد أجازف بمبلغ والحالة على الأد يعني ؟؟؟؟

فما قولكم دام فضلكم ؟؟؟؟؟؟؟؟؟؟؟؟؟؟؟؟؟؟؟ كاوتش ولا ترصيص ولا زرجينه ولا إيه ؟؟؟

رد: ساعدوني في موضوع الحدفة يمين وشمال ...

لو حضرتك متاكد انة من الكاوتش يبقى لازم تغيرة
بس كنت عاوزك تتاكد من بتاع الزوايا ان ارتفاع العربية مساوى لبعضة اليمين اد الشمال

رد: ساعدوني في موضوع الحدفة يمين وشمال ...

أنا عن نفسي مش متأكد من حاجة وبجد قربت أكلم نفسي لأني مره غفوت غفوه بسيطه وأنا سايق كنت هانزل من فوق كبري ...

هو المفروض إن الزوايا أصلا بيشوف ده في الكشف
ثانيا اللي باللك فيه ده يكون صحيح لو الحدف على ناحية واحده ، لكن مع تغير الكاوتش اللحن بيتغير ههههههه سوقسوق

رد: ساعدوني في موضوع الحدفة يمين وشمال ...

خلاص يبقى نغير الكاوتش والله المستعان

رد: ساعدوني في موضوع الحدفة يمين وشمال ...

اقتباس:

المشاركة الأصلية كتبت بواسطة mr_astra (المشاركة 756523)

خلاص يبقى نغير الكاوتش والله المستعان

بشكرك جدا على المتابعة والرد السريع
وخير إن شاء الله ...
بس بسأل لو الموضوع ده في العربية وعايز أبيع العربية على كده مثلا هي توبها في السوق 60000 مثلا وأنا مش عايز أخدع اللي ببيع له فأنزل كام مثلا عشان مايكونش حد فينا مظلوم ؟؟؟