مصر موتورز مجتمع السيارات - هوندا سيفيك 94 . بسرعه الله عليكوا

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - هوندا سيفيك 94 . بسرعه الله عليكوا (https://www.masrmotors.com/vb/showthread.php?t=68042)

هوندا سيفيك 94 . بسرعه الله عليكوا

دلوقتي انا عاوز هوندا سيفيك 94 و قريت عنها و كده و انهارده والدي بيسأل واحد صاحبه شغال في العربيات قاله ابعد عن العربيه دي

دي لو جبتها هتكون اول عربيه ليا ان شاء الله و خايف تكون وحشه فا بالله عليكوا تقولوا رأيكوا فيها بدون مجامله من الثبات و سحب البنزين و قطع غيارها سعرها كام و موجوده في المنصوره ولا لا و انا بتكلم علي 1600 سي سي

اسف لو طولت

رد: هوندا سيفيك 94 . بسرعه الله عليكوا

بص يا سيدى
لو مافيش ميكانيكى متخصص فى الهوندا عندك فى المنصورة , ابعد عنها
هوندا مابيشتغلش فيها أى حد
يعنى لو مش متخصص هايبوظ أكتر ما يصلح
بس لو عندك استعداد تروح لميكانيكى فى القاهرة أو الاسكندرية ( مش عارف الاقرب لك ايه )
يبقى مافيش مشكلة و توكل على الله
قطع الغيار معقولة و معمرة
استهلاك البنزين .. زى أى حاجة 1600
هوندا يتقال عليها كلمة واحدة بس ... الاعتمادية
و السرعة و الثبات لو vti أو si
يعنى لو حسيت أنك عاوز تروح للميكانيكى .. العربية هاتسد معاك و توصلك لحد
الميكانيكى مكان ما يكون
عدا حاجة واحدة بس " السخونة "
لو سخنت منك ... تبطل و تقطرها لحد الميكانيكى
و فكر كويس قبل ما تقرر
و دور على حالة ممتازة حتى لو غالية شوية
و الله الموفق ‘

رد: هوندا سيفيك 94 . بسرعه الله عليكوا

عربية اكتر من ممتازه بكل تأكيد .. اركبها حاله نضيفة وانسى حاجة اسمها اعطال .. والله عن تجربة .. اليابانى والهوندا بالذات .. اعتمادية مفيش بعد كده .. ومش هتحس بقيمة الكلام ده الا لما تركبها ...

بس اهم حاجة ان العربية تكون سليمه طبعا ..

بالنسبة لاستهلاك البنزين عادى جدا بس طبعا هتفرق حسب الموتور الموجود .. لان السيفيك مواتيرها كتير .. يعنى فيها اكتر من موتور 1600 فى العادى ex كربراتير (مش متاكد 1600 ولا لأ) وفى exi وفى vtec (وده موتور ممتاز) وفى vti ..

لكن متقلقش استهلاكها عادى جدا عموما وموفره فى البنزين ...

توكل على الله لو العربية نضيفة وباذن الله عمرك ما هتندم ....