مصر موتورز مجتمع السيارات - فرامل الفيرنا حجرت والعربية مستحيل تحريكها

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - فرامل الفيرنا حجرت والعربية مستحيل تحريكها (https://www.masrmotors.com/vb/showthread.php?t=105731)

mostafakamal

01-01-2013 10:08 PM

فرامل الفيرنا حجرت والعربية مستحيل تحريكها

العربية حجرت والفرامل قفشت مرة واحدة ومش عايزة تتحرك من مكانها ابدا وحاول عشرة اشخاص دفعها لتحريكها بدون فايدة، وكنت باحاول اطلع بيها على الأول لغاية ما طقم الدبرياج اتحرق سبت العربية جه الميكانيكي خدها تاني يوم عشان كان يوم حد، غير طقم الدبرياج بس مشكلة الفرامل لسه زي ما هيه، فك ماستر الفرامل وغير الكاوتش واجرب المشكلة موجودة قالي لازم الكشف عند بتاع السيرفو، وقبل ما يحصل كل ده اخدت مطب جامد على كوبري اكتوبر في العجلة الشمال ورا في نفس اليوم، فهل ده ممكن يكون السبب، وازاي احل المشكلة دلوقتي،من فضلكم اللي يعرف المشكلة فين ياريت ينورني وشكرا

khaledelian

02-01-2013 03:43 AM

رد: فرامل الفيرنا حجرت والعربية مستحيل تحريكها

روح لواحد بتاع فرامل او ميكانيكى ومتخصص فى الفرامل كمان لان دى صنعة لها محترفنها
انت مشكلتك ان البساتم فقشت ومش عايزة تسيب الطمبورة

اول حاجة انك تهرب زيت الفرامل كله بعد فك عجلة عجلة من تيل وبستم وخلافه
وتانى حاجة تفك الخراطيم والبساتم و وتغسل دورة الفرامل من اول الخزان بتاع الماستر بالمياه لغاية ما تنضف
وتغسل البساتم جيدا بالبنزين لغلية ما تبقى اخر نعومية
وتغير طقم حشو ماستر الفرامل او تجيب ماستر بداله

خلى بالك السرفو ممكن يكون بل واكيد مش السبب

svneleven

02-01-2013 05:45 AM

رد: فرامل الفيرنا حجرت والعربية مستحيل تحريكها

فعلا أنت عايز تشوف واحد بتاع فرامل و لازم ترفع العربية و تشوف العجل كله أفش يبقي الماستر العمومي أو السيرفو و لو عجلة و احده أو اتنين يبقي تحل الماستر و التيل و الخراطيم بتوع العجلة ديه وتشوف ايه النظام.

mo-momo

13-01-2013 07:05 PM

رد: فرامل الفيرنا حجرت والعربية مستحيل تحريكها

طقم اصلاح كاليبر او ماستر عمومى و شكرا

الساعة الآن 10:58 PM.