|
اشتريت شيفرولية لانوس 2015
بعد اذنكم جميعا ... انا اشتريت انهردا الحمد لله شيفرولية لانوس 2015 الكاملة
والحمد العربية زى الفل و تمام التمام عندى بس استفسار بسيط ...... انا بعد ما اشتريتها و انا مروح زودت بنزين بس و روحت ركنتها ف البيت لحد ما ارخصها ....... عاوز اعرف بس ايه ال ممكن اعمله و اظبطه فيها لحد ما تترخص و اقدر اتحرك بيها بصورة طبيعية ..... كان ناس قالتلى اظبط ضغط الهوا و الكاوتش و كدا و كذا حاجة تانية ... ف انا محتار اعمل ايه لان دى اول مرة اشترى عربية و محتار ..... برجاء المساعدة وشكرا جزيلا للكل :) :01FDAB~189: |
رد: اشتريت شيفرولية لانوس 2015
أولاً مبروك عليك العربيه وربنا يديك خيرها ويكفيك شرها طبعاً بعد ما تفول العربية الجديدة بنزين خش على واحد بتاع كاوتش كويس عنده نيتروجين وغير الهواء الموجود فى الكاوتش الى نيتروجين ( الفرده 5 جنيه ) ومافيش حاجة تانيه تعملها غير إنك تراقب سير العربيه فى الألف الأولى ودون ملاحظاتك عليها لغاية ماتروح الصيانه الأولى المجانية وهمه هايغيروا لك الزيت وتقولهم على أى حاجه أنت إكتشفتها فى العربيه |
رد: اشتريت شيفرولية لانوس 2015
أولاً مبروك عليك العربيه وربنا يديك خيرها ويكفيك شرها طبعاً بعد ما تفول العربية الجديدة بنزين خش على واحد بتاع كاوتش كويس عنده نيتروجين وغير الهواء الموجود فى الكاوتش الى نيتروجين ( الفرده 5 جنيه ) ومافيش حاجة تانيه تعملها غير إنك تراقب سير العربيه فى الألف الأولى ودون ملاحظاتك عليها لغاية ماتروح الصيانه الأولى المجانية وهمه هايغيروا لك الزيت وتقولهم على أى حاجه أنت إكتشفتها فى العربيه وربنا يجعلها وش الخير ويكفيك شرها |
رد: اشتريت شيفرولية لانوس 2015
الف شكر لحضراتكم و ربنا يجازيكو خير و يسترها معانا جميعا
شكرا لحضرتك يا أ/نبيل وشكرا لحضرتك يا mezat |
رد: اشتريت شيفرولية لانوس 2015
مبروك عليك السيارة وربنا يسترها عليك
هاعلق على بعض الكماليتا والرفاهيات بعد ماتعمل صيانة الألف حاول تظبط فرش للأرضية والكراسى (كسوة) علشان تفضل زيرو وعمرها الافتراضى يطول ممكن تركب حساسات ركن وقربة زى بتاعت السنتر على الشنطة وتخلى الشنطة تفتح بالريموت (وية دلع) وفيه سطر ليدات (4لمبات) ممكن تركبهم فوق الفوجات على الفبرة السوداء بس يتلزقوا كويس انا عامل كل الحركات دى عندى وحاول تجيب الكافرات الفضية للمرايات علشان ماتتخربشى وربنا يحميك ويباركلك فى عربيتك |
| الساعة الآن 04:36 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017