مصر موتورز مجتمع السيارات - حاجة غريــــــــــــــــــــــ ــــــــــــــــبة

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

حاجة غريــــــــــــــــــــــ ــــــــــــــــبة

معايا عربية تيجو 2010 اتوماتك 2000 سي سي فيها عفريت .........علبة الباور
المشكلة تتلخص في ان العربية وهي باردة بيبقي الدركسيون ناعم جدا وتلفة بطرف صباعك لكن اول ما العربية تسخن والمؤشر يجي لحد النص عادي زي اي عربية يبدأ الدركسيون يتقل وكأنك راكب لادا .....؟؟؟؟؟؟؟؟؟؟؟؟؟؟؟؟؟ لكني رحت لبتاع عفشة وغيرت طرمبة باور جديدة وكشفت علي الأسكاترا وغيرت زيت موبل ATF 320 وكلة تمام لكن المشكلة لا زالت قائمة والغريب ان معظم بتوع العفشة قالولي ان المفروض ان الباور الصبح يبقي تقيل وبعدين يخف مش العكس ......؟؟؟؟
لكن واحد نبهني لحاجة وقالي ممكن تبقي المشكلة من خرطوم الضغط اللي من الطرمبة للأسكاترا مكن يبقي بايظ ولما الزيت يسخن فية التيل بتاعة يبدأ يضيق فايتخنق فية ضخ الزيت...........؟؟؟؟؟؟؟؟؟ وواحد تاني قالي ممكن تبقي جلب قطمة الدركسيون بتعض لما بتسخن
والله الواحد احتار.......ممكن أفادة وهل حد مرت بية المشكلة دي في اي عربية......شكرا
طارق أسيوط

رد: حاجة غريــــــــــــــــــــــ ــــــــــــــــبة

مرت عليا قبل كدة مشكله شبيها لها هيا اما بتدوس بنزين الدركسيون بيتقل واللى اتعمل تغيير الخرطوم اللى رايح للاسكترا وبعد كدا بتاخد هوا طرمبة الباوار

رد: حاجة غريــــــــــــــــــــــ ــــــــــــــــبة

اعزل خرطوم الضغط بعازل حرارى وجرب
كدة عندك الزيت لما بيسخن بيقل كفائتة

رد: حاجة غريــــــــــــــــــــــ ــــــــــــــــبة

اصل لو نفس العيب المشهور فى الـ 516 جلبة القاطمة لو باظت هاتعمل صوت تخبيط مش هاتقفش
انا من كام سنة عدى على المشكلة دى بالظبط
لكن العربية ما كانتش باور كانت عادية ولو وقفت بس فى الشمس شوية الدركسيون بيتقل جدا
اكتشفت ان الجلبة الفبر بتاعة القطمة هى السبب وغيرتها واتحلت المشكلة

رد: حاجة غريــــــــــــــــــــــ ــــــــــــــــبة

قيس مستوى الزيت على السخن واظبطه وان شاء الله هتروح التقل