لوجان للقاهرة و الاسكندرية فقط !!!
 

.الموضوع بصراحه متعب جدااا ..و مقلق جدااا كمان ...انا حاسس ان ناس كتيييييييييييييير جدا وانا منهم عينيها على اللوجان و مميزاتها و كل حاجه ...بس ؟!

كل لما تيجى فكرة ان ادور على قطعة غيار مش الاقيها وقت زنقه ...او الاقيها بسعر عالى جدا ...الواحد يكش شويه ! ...ولو على قد قطعه ااغيار ماشى اهى فلوس وتترمى ..لكن ان العربيه يحصلها مشكله !! فجأه ! و ملاقيش حد ينفعنى ميكانيكى او كهربا !! ده بيعمل رعب .....اضافه كمان ان لو فرضنا وجود الصنايعى ..

الخوف من الخروج من الضمااااان فى اول 3 سنين هايخلى الواحد يعمل كل حاجه فى التوكيل غصب عنه ( لان ببساطه لو طلع فيه عيب صناعه محدش هاينفعك ....اه نظام الضمان كده فى كل السيارات... بس فى اللوجان مفيش حاجه ولا صنايعى بره التوكيل و خاصه لو مش من سكان القاهرة و الاسكندريه

اللوجان افضل مزايا فى كل تفصيله و فى كل حاجه من اللانوس والفيرنا كمان ...ما عدا حاجه واحده : الصنايعيه و قطع الغيار و سهولة الصيانه ..سؤال بقى الميزه الواحده ديه تسوى كااااااااااااام ؟؟؟

هل تساوى فرق المزايا بين اللوجان و اللانوس ...اللى كلنا حافظينها و مجربينها ...التضحيه بتوافر قطع الغيار و قرب و سهولة الصيانه فى اخر الشارع !!...و هل تساوى ركن العربيه على جنب... و التدوير و السؤال على قطعة الغيار او على صنايعى يفهم فى المشكله و خاصه لو مكنتش من القاهره ؟؟ وللا هانسحب اللوجان على ونش لحد العبور او المقطم ؟

انا كان معايا لانوس 1 لفتره و حادثه خلصت عليها من فترة ...و عاوز اجيب اللوجان جدااا و لكن...................... ..!!!!!!!!!!!!!!

يا ريت حد يطمنى و يفيدنى ...عشان خلاص حاسس ان لازم حد يقتل اللانوس او الفيرنا !...او يقتل اللوجان و يخلصنا منها ! ...او نشوووف حل فى موضوع الصيانه لانه مش عملى خالص

رد: لوجان للقاهرة و الاسكندرية فقط !!!
 

يا باشا اطمن .. انتا مش بتشترى سفينه فضاء .. دى عربية اقتصاديه عاديه جدا .. مش محتاجه عالم ذره علشان الصيانه يعنى ...

وبعدين انتا بتشترى زيرو .. يعنى باذن الله مش هتحتاج صيانه الا الصيانه الدوريه .. وهتنسى باذن الله الاعطال الفجائية وحركات النقص بتاعت المستعمل دى ..

متشلش هم خالص .. ومفيش مشكله لما ادفع قرشين زياده فى قطعه غيار قصاد انى اركب العربية اللى انا بحبها وهتريحنى والافضل بالنسبالى وفى فئتها .....

رد: لوجان للقاهرة و الاسكندرية فقط !!!
 

الف شكر يا حسام بيه ...و ربنا يطمنك ...عامل بيها كام كيلو و عامله معاك ايه لو ممكن ؟؟

رد: لوجان للقاهرة و الاسكندرية فقط !!!
 

هوا انتا سالت على قطع غيار اللوجان ؟؟
وثانيا انتا بتشتري عربية زيرو يعني هتقعد معاك مش اقل من 3 سنين من غير ما تفتح كبوت العربية
وثانيا العربية دي مكملتش 4 سنين في السوق
واللانوس والفيرنا دول اول لما نزلوا كان حالهم زي اللوجان بالضبط انما لما عمروا في السوق قطع غيارهم انتشرت بالهبل دلوقتي
يعني سنتين كمان وتلاقي قطع الغيار انتشرت على الرغم انها منتشرة

رد: لوجان للقاهرة و الاسكندرية فقط !!!
 

doctor A معنى كلام حضرتك ان الناس اللى بتجيب اسكودا و اوبل و ميجان و العربيات اليابانى و bmw قطع غيارها منتشرة ورخيصة و كل المكانيكية بيفهموا فيها اعتقد ان ده مستحيل انا فضلت سنة كاملة متردد مثل حضرتك و فى النهاية قررت اشترى اللوجان لانى مقتنع بها و على فكرة ان مش من سكان القاهرة و لا الاسكندرية