مصر موتورز مجتمع السيارات - مأساتى مع عفشجى النوبيرا

مصر موتورز مجتمع السيارات (https://www.masrmotors.com/vb/index.php)

- ملاكى اسكندرية (https://www.masrmotors.com/vb/forumdisplay.php?f=142)

- - مأساتى مع عفشجى النوبيرا (https://www.masrmotors.com/vb/showthread.php?t=147593)

مأساتى مع عفشجى النوبيرا

يوم الجمعة الماضيه رحت لعفشجي شهير بالاسكندرية لتركيب صدادات في المساعدين لمنع الحك في المطبات ، والكشف علي جلب المقصات ، وتم تغيير جلب المقصات وكبسها عند خراط ، وتركيب صدادات ، وتغيير عمودين الميزان وبعد التركيب وجدت ان العجله اليسري مائله بشكل ظاهر للخارج من الجهه العليا وتم فكها مرة اخري وافاد سيادته ان ذلك بسبب مساعد مخبوط وبه عوجة وارسل بليه لشراء مساعد فاضي ب 200 جنيه وتم تركيبه ونفس المشكله .... قالي اه يبقي الشمعدان معووج اشوفلك شمعدان عندي ... وملقاش عنده شمعدان واخذ المسمار بتاع المساعد رفعه 3 درجات عند الخراط علشان يجيب الفرق ، ونسيت اقولكم كمان انه طلب تغيير البطاحات مع اني شايفها سليمه وده كلفي بطاحتين ب 500 جنيه وركبلي عمودين ميزان استعمال من عنده ....
النتائج :
1_ صوت طقة جامدة مع اي مطب بسرعة ( شاكك في عمود الميزان اللي ركبه الباشا )
2_ بتاع الزوايا نزلني البير ووراني ان فيه جلبه مش راكبه مكانها وطالعة 2 سم .
حاجة تحرق الدم ..... اغير مساعد وهو سليم وجلب مقصات طالعة كويسة وبطاحات سليمة واصرف 1500 جنيه والعربية بقت اسؤا من الاول ........
تفتكروا صوت الطقة سببه عمود الميزان ولا المساعد ??

رد: مأساتى مع عفشجى النوبيرا

هون الله عليك
كل شىء وله حل إن شاء الله
من فضلك عرف عن هذا الحداد النصاب حتى لا يقع اى صاحب سيارة اخر فى هذا الفخ
اعرض العربية على حداد آخر او ميكانيكى آخر ثقة او معرفة
حتى لا تقوم بعمل اى شىء قبل ان تتفق عليه الاراء
متابع معك

رد: مأساتى مع عفشجى النوبيرا

انا رحت امبارح لنفس العفشجى وقلتله الجلبة مش فى مكانها وقالى يعنى ايه وهو مش مقتنع ورفع العربية ولقى كلامى مظبوط فك المقص ووداه تانى للخراط ، وقالى انه هو سبب الطقة لكن للاسف الطقة مازالت موجودة وبسمعها دلوقتى من المساعد اللى هو ركبه . حسبى الله ونعم الوكيل فيه
انا اتأكدت انه لسة بيتعلم وصنايعى مبيفهمش حاجة .
العفشجى اسمه : سامى الدمنهورى - شارع 6 من 45 العصافرة قبلى - الاسكندرية .

رد: مأساتى مع عفشجى النوبيرا

معلش ربنا يعوض عليك بس انت فعلا محتاج صنايعي نظيف وحاول تشتغل فك ركب بلاش زيارات للخراط كتير

رد: مأساتى مع عفشجى النوبيرا

عوضك الله خيراً
غير العفشجى لان الدمنهورى معظم شغله على العطل المفاجىء والسيارة المعطلة بالطريق والغريبة
جرب عفشجى آخر واسمع منه
إن شاء الله خير