مصر موتورز مجتمع السيارات - احدث طرق النصب (خد حذرك من ضبط ضغط الأطارات)

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - احدث طرق النصب (خد حذرك من ضبط ضغط الأطارات) (https://www.masrmotors.com/vb/showthread.php?t=81295)

رد: احدث طرق النصب (خد حذرك من ضبط ضغط الأطارات)

اقتباس:

المشاركة الأصلية كتبت بواسطة السيد حمدى (المشاركة 654895)

ايوه انا اتقرصت مرتين ب25 و30 جنيه من البنزينة اللى على قمة شارع سوريا فى شارع ابو قير-اسكندرية وبنفس الطريقة ربنا هو المنتقم

بالاسكندرية
كل محطات شركة مصر للبترول محل اصلاح الكاوتش اللي داخل البنزينة حتى لو المحطة تابعة للشركة نفسها ف بتاع اصلاح الكاوتش مقاول والمقاول ده بيترسى عليه مناقصة وممكن مايكونش الكار بتاعة
فده تحذير لان لي صديق شغال في مصر للبترول وقال لي اوعى تعمل كاوتش داخل محطات شركتنا لوفيها خرم حيقول لك 5 اخرام
ومنهم طبعا اللي على قمة شارع سوريا علي يمينك وانت جاي من بولكلى
وكمان دلوقتي لما تدخل اي بنزينة اللي بيمون لك لازم ياخد فلوس والله كان قبل الثورة كان عندهم دم شوية بس 1 جنية مش حيضايقك لكن لو اكتر يبقى اخد اكتر من تمن لتر 90

رد: احدث طرق النصب (خد حذرك من ضبط ضغط الأطارات)

و أنا برده حصل معايا نفس النصابية دى فى بنزينة موبيل بعد كوبر قليوب "مكتوبة فى القائمة" و العجل كان بيجيب هواء من كل حتة. كل فردة كان فيه من 6 اى 10 اخرام. رحت البيت و لقيت فردة نامت تانى فرحت لبتاع الكوتش بتاعى و حكيت له على القصة، قال لى بنزينة موبيل اللى فى قليوب؟ قلت و انت عرفت منين،، أنارى فى زبايت كتير جات له من البنزينة دى.
ما علينا المهم دلوقتى أشتكى الناس دى ازاى، حد ممكن يساعدنى، أعمل محضر فى القسم و لا إيه؟ حد يعرف رقم صاحب المحطة و كل اللى اتنصب عليهم يروحوا يشتكوا له. ممكن كل مجموعة اتنصب عليها فى نفس المحطة تعمل شكوى ضد المحطة فى جهة معينة بس ماعرفش ايه هى الجهه دى؟ ممكن حد محامى يقدر يقولنا. أنا على استعداد للتصعيد لأى جهة بس حد يقولى على السكة

رد: احدث طرق النصب (خد حذرك من ضبط ضغط الأطارات)

سلام عليكم
زى الفيلم انتو يابتوع البنزينة
:12EA7A~153:

رد: احدث طرق النصب (خد حذرك من ضبط ضغط الأطارات)

اقتباس:

المشاركة الأصلية كتبت بواسطة Felefel Ahmed (المشاركة 629007)

السلام عليكم
معلش هطول عليكم
طريقه النصب أنك بتكون 90% علي طريق سفر
لو بنزينه
بتدخل تحط بنزين
يسيبك حتى تقف امام طرمبه البنزين
يقولك أسفين يا فندم مفيش بنزين أو لو فيه يحوطلك
أول ما تمشى بالعربيه يوقفك ويقولك (خلي بالك يا فندم الفرده مريحه , ربنا يسلم طريقك)

طبعا بيشاور علي الفرده الأمام يمين (مش ممكن تشوفها)
شي طبيعى انك تشوف امامك بتاع كاوتش داخل نفس البنزينه فتروح عليه يزودها

أول ما تروح تزود (هتلاقى 2 صنيعيه) ألي قدام هيزود الفرده (طبعا هو مش بيزود) ويقولك اطلع قدام (هيحاول يزاولك 30 ثانيه بس علشان متنزلش من العربيه)
بعد كده هيقولك يا باشا ممكن ثواني تنزله جنب العجله ويسألك (أي كلام )
هو الدركسيون مش بيرمي معاك؟ هو انت مشيت علي زجاج
المهم هيحسسك ان فيه مصيبه
ويقولك اصل أكيد فيه خرم
ويبدأ يقاولك علي سعر الخرم (بعد ما يطمن علي سعر الخرم) انت ملكش مفر علي طريق سفر هتعملها عنده يعنى هتعملها (حتى لو عارف انه نصاب) (أثبت؟)
المهم يرفع العربيه ومن الأخر الجنب ألي من ناحيته (فردتين العجل اليمين) هيطلع منهم من 10 الي 20 خرم (طبعا ده بيعتمد علي سرعته فى خرم الكاوتش)
حضرتك شايف بعنيك خرم خرم بالدور (مش ممكن تكدبه)

نفس الكلام لو واحدبتاع كاوتش مبيخفش ربنا (للأسف كتير أوي الأن)

اللعبه كما يلي

- فى البنزينه حضرتك بيتألك (الفرده مريح حتى لو سليمه) حصلت معايا ونزلتله من العربيه (ومرمط بكرامت أهلهم الأرض) اصل انا معايا منفاخ بضغط بتوعي

- صنيعى الكاوتش معاه (حرف T) بمشبك صوبع ونهايه ال T عباره عن مغراز (المغراز زي مسمار حاد جدا)
بينزل يوطي وبيخرم الفرده بسرعه مهوله وهستيريا
(طبعا 90% من الخرام بتكون فى الحتت الواطيه من الكاوتش مش فى النقشه العاليه)
90% من الخرام بتكون في محيط 20 سم فقط
طبعا التيوبلس مع خرم حاد ورفيع مش هيعمل صوت

رجاء رجاء رجاء
متزودش عجل عربيتك عند أي حد متعرفهوش
ياريت لو معاك منفاخ كهرباء (بيتباع فى كل حته الأن)
المنفاخ هيصونك يعنى لو تيوبلس ونامت العجله فى أي حته مش محتاج تغير الفرده (كوريك وأستبن ومفتاح وشحم ) وجع دماغ (مجرد تنفخ الفرده وتروح لأقرب بتاع كتوتش)

لو مضطر تزود تدخل بالعربيه بسرعه وتنط من العربيه جنبه قبل ما يقرب من العربيه

أماكن مؤكده فيها النصب ده

أول 2 بنزينه طريق القاهره الأسكندريه , مفيش عندهم بنزين (كاوتش بس) (دول انا متخيط فى فردتين عندهم) منهم لله , الثالثه ناس محترمين ويعرفو ربنا

طريق ا الأسكندريه القاهره بعد واحه عمر مباشره

ألي يعرف أماكن تانيه يبعت علشان نحذر الناس

اول 2 دول مصر للبترول التالته دى التعاون ناس محترمه
وفيه واحدة بعد قريه الاسد وانت رايح اسكندريه بتاعه توتال ...حراميه ولاد كلب
وانت رايح القاهرة البنزينه اللى بعد تقاطع الطريق بتاع العلمين .. التعاون برضه زباله

رد: احدث طرق النصب (خد حذرك من ضبط ضغط الأطارات)

:Bravo::Bravo:شكر وتقديرشكر وتقدير:THUMB_~112::THUMB_ ~112::CONGRA~238::CONGRA~ 238::CONGRA~238::CONGRA~2 38: