مصر موتورز مجتمع السيارات - مفك تيست للفيوزات

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - مفك تيست للفيوزات (https://www.masrmotors.com/vb/showthread.php?t=139201)

مفك تيست للفيوزات

بعد التحيه والسلام
انا عايز اعمل مفك تيست لأختبار الفيوزات بدون ماشيله من مكانه ؟ عشان انا تانى مره اعطل بالسياره واجيب مكانيكى ويقلب ويدعبس وفى الاخر يقول هات كهربائى ويطلع فعلا عطل كهربه يعنى فيوز ضارب والفيزيته عشرين جنيه فى اكتشاف الفيوز العطلان ...
الرجا الرد من عبقره الموقع
وشكرا

رد: مفك تيست للفيوزات

المطلوب :

نوع السيارة - الموديل - مكان وجود علبه الفيوزات

و شكرا

رد: مفك تيست للفيوزات

السياره لانوس تاكسى وعلب الفيوزات فى متناول اليد بس بدل مانخلع الفيوزات المفك اسهل

رد: مفك تيست للفيوزات

حضرتك ممكن تكشف على الفيوز بطريقتين :-

اما باستخدام افوميتر ... باستخدام الباذر ... الى هو بيكشف على الدوائر المغلقة

الطريقة التانية و هى الارخص و الاسهل ... مفك اختبار ( تيست ) خاص بالسيارات
و ده مفك تيست زى بتاع كهرباء البيت بس خارج منه سلك ..
حضرتك بتوصل السلك ده بارضى السيارة ... و طرف المفك بطرف الفيوز و هو راكب ... و مرة تانية توصله فى الطرف التانى للفيوز
الفمروض ... ان المفك ينور فى الحالتين .. و ده معناه ان فيه كهرباء فى طرفى الفيوز ... و ده معناه ان الفيوز سليم
لو نور من ناحية واحدة فقط .... ده معناه ان الفيوز ده بايظ و عاوز يتغير

سمعت ان فيه نوع فيوزات جديد فيه لمبة صغيرة .... لو طفت ده معناه ان الفيوز باظ

رد: مفك تيست للفيوزات