ازاي اروح جامعه القاهره من المؤسسه
 

لو سمحتم عـاوز اروح جامعه القاهره عند كليه التجاره بالتحديد

من المؤسسه بعربيه ملاكي

وشكرراااااا

رد: ازاي اروح جامعه القاهره من المؤسسه
 

محدش عارف ياجماعه ولا ايييه ؟؟

انا رايح يوم الاربع

انا الي عرفته ان باخد طريق الكورنيش

واطلع كوبري قصر النيل

بعد ما اطلع الكوبري اعمل ايييه ؟؟؟

رد: ازاي اروح جامعه القاهره من المؤسسه
 

هو حضرتك المشكلة مش فى الطريق اصلاً
المشكلة انك تلاقى ركنة ادام الجامعة او قريب منها
انصحك روح بالمترو افضل والله
لأن المرواح بالعربية جامعة القاهرة بالتحديد هتتسحل بأمانة يعنى مش كلام وخلاص
ولو لقيت ركنة للعربية هتبقى عُرضة لأى خبط او اى شئ مش كويس فا بلاش احسن انا كبرت دماغى وبقيت مبروحش بيها بدل ما اقرف نفسى
وربنا معاك ولو احتاجت حاجة فى الجامعة قول

رد: ازاي اروح جامعه القاهره من المؤسسه
 

حضرتك هتاخد الكورنيش بحيث هيبقى النيل على يمينك وتمشى على طول لحد ما يقابلك كوبرى الساحل بعد مستشفى معهد ناصر هتطلع الكوبرى وتنزل النزلة الشمال منه هيبقى النيل على شمالك وتفضل ماشى طوالى لا يمين ولا شمال هنلاقى جامعة القاهرة وحديقة الحيوان عند تمثال نهضة مصر

اما لو رحت من الدائرى هتطلع مطلع الدائرى الاول اتجاه اكتوبر والهرم وتفضل ماشى طوالى لحد ما تلاقى محور صفط اللبن تطلعه وتفضل ماشى وتنزل اخره عند جامعة القاهرة
والله المستعان