مصر موتورز مجتمع السيارات - التقرير المصور لتنظيف البوابة فى رينو لوجان وفصل السخن عن التكييف

السلام عليكم ورحمة الله

من فترة ونحن في جدال لرفع كفاءة التكييف والغاء سخونية (او بمعنى اصح) مجرد دفء الكونسول من النص او من ناحية الاقدام

انا عمري ما اشتكيت من سخونية الاقدام ولا حسيت بيها وركبت العازل في التوكيل من زمان بس ساعات كنت بحس بحاجتين:

1. كنت بحس ان فيه مقاومة دائما امام التكييف: وانه يتميز باندفاع هوا شديد ولكن نسبة برودة الهواء مش فائقة

2. الكونسول بعد رحلة طويلة او سفر بيكون دافيء شوية خصوصا من عند حامل الاكواب في الاسفل , بحسها لو حطيت حاجه ساقعه فيها انها بتدفى اسرع من العادي

لذلك بالبحث وجدت ان تكييف اللوجان معمول بطريقة ان مواسير السخن خارجه من الموتور بتلف في التابلوه بالكامل , لان العربية بتنزل في بلاد درجة الحرارة فيها تحت الصفر زي رومانيا وبولندا وحتى موسكو

وبما اني لم استخدم التكييف السخن الا مرتين تلاتة في خلال سنتين ونص او 80 الف كيلو فلذلك في بلدنا مش محتاجينه

ذهبت الى فرنش موتورز الرحاب
بسؤالي عن امكانية فصل السخن ودارت مناقشات بيني وبين المهندس/ خالد الزيني عن كيفية فصل السخن
* ممكن فصله عن طريق قطع الخراطيم وسدها ودي انا كنت رافضها
* ممكن فصله عن طريق ازالة الخراطيم وتركيب خراطيم اخرى من اي قطع غيار بس دي هو كان رافضها
* ممكن تحويل الخراطيم بتاعة العربية نفسها وبكده نستخدم نفس خراطيم الفابريقة ومنقطعش في حته جلده

تم الاتفاق على الحل الثالث خصوصا انه يخليني ارجع في كلامي في اي وقت ووممكن اعملها انا بنفسي مجرد فك للافيزات ( او الكوليهات) واعادة الخراطيم وخلاص

وتم الاتفاق ايضا على تنظيف البوابة بما اننا كده كده داخلين العمليات وحنفتح بطن المريض

http://img534.imageshack.us/img534/5432/28319493.jpg

تم فك غطا الموتور بفلتر الهوا شيلة واحدة فظهرت البوابة

http://img824.imageshack.us/img824/3853/48643564.jpg

البوابة ظاهرة وظاهر فيها الفيشة الاولى التي تم فصلها من بعض

http://img526.imageshack.us/img526/4796/26951037.jpg

منظر من فوق وباين فيه الفيشتين اللي بيتم فصلهم من البوابة واحدة من الامام والاخرى من الخلف

http://img196.imageshack.us/img196/5325/48515259.jpg

بدأ الفني الاسطى أحمد بفرع فرنش موتورز فك مسامير البوابة

http://img823.imageshack.us/img823/6678/51958479.jpg

بعد فك البوابة وطبعا باين الزفت اللي حواليها والهباب اللي جواها
بالمناسبة البوابة دي متغيرة في الضمان على 50000 يعني ماشية 25000 بس

http://img405.imageshack.us/img405/7292/92667359.jpg

البدء بفك مسامير الايدل لفصلة عن البوابة عشان يستحموا

http://img406.imageshack.us/img406/3131/88853688.jpg

واخيرا تم فصل الايدل تماما عن البوابة
وبدأنا في عملية التنظيف

http://img213.imageshack.us/img213/3200/41789032.jpg

الايدل بعد ما استحمى باستخدام Carb Medic
طالع بيبرق

http://img515.imageshack.us/img515/9393/95997738.jpg

اعادة تركيب الايدل في البوابة بعد تنظيف الاثنين
اعادة تركيب البوابة نرجع كل شيء لما كان

النتيجة:
السحب رجع ثاني كأن العربية جديدة او يوم تغيير البوابة
اقل دوسة بنزين بتنطط العربية وعايزه تجري من على الارض
بفكر اعمل الموضوع ده كل 10 او 15 الف
الايدل هو هو نفس بتاع اللانوس يعني حتى لو باظ حيستبدل في ثواني
استهلاك بنزين رائع وكفاءة في احتراق البنزين

بالمناسبة كان عندي عضة في بداية الدوس على دواسة البنزين
كنت فاكر انها سلك البنزين عايز يتزيت وكل شوية اروح اقولهم زيتوا السلك
اتضح ان فيه مسمار بيتهوا في البوابة عشان يظبط قفلتها لانها بتبقى مش مقفولة كويس
بعد ظبطه بقى مجرد وضع القدم على دواسة البنزين بتتحرك وقبل كده كان فيه مقاومة في البداية وبعدين الرجل تتزحلق من على العضة دي وينداس جامد على البوابة بدون لازمة , مش عارف قادر افسرها ولا لأ
المهم انها راحت بتظبيط المسمار ده
كده احنا خلصنا تنظيف البوابة والايدل وباقي الموضوع المنتظر بمناسبة الصيف ورمضان
فصل التكييف السخن

http://img341.imageshack.us/img341/2679/65364427.jpg

فصل الافيز الحديد حول اول خرطوم في صدر العربية
الافيز ده بيبقى صعب تركيبه ثاني بعد خلعه
بالتالي حنستخدم افيز حديد وخلاص زي العادي

http://img577.imageshack.us/img577/7127/43583679.jpg

بدأت مياه التبريد تخرج من الماسورة
المياه خرجت مولعه رغم اننا سايبين السيارة اكتر من ساعة عشان تبرد وكمان اثناء تنظيف البوابة

http://img338.imageshack.us/img338/1751/52744898.jpg

انتظار عشان نتأكد ان المياه كلها خرجت

http://img109.imageshack.us/img109/86/45942488.jpg

نحط الخرطوم على جنب عشان نعرف نشتغل

http://img819.imageshack.us/img819/7154/48953556.jpg

الانتهاء من فك طرف الماسورة الاولى والبدء في فك التانية

http://img507.imageshack.us/img507/5252/86363075.jpg

بدء فك طرف الماسورة الثانية
المرة دي من عند الموتور نفسه
راجل جامد كان نفسه يوصل واحدة بالثانية وخلاص بس طبعا على الطبيعة لقينا ده صعب لاننا مش حنقدر ندكك واحدة في الثانية لانهم تقريبا نفس القطر

http://img171.imageshack.us/img171/1134/96757170.jpg

مياه التبريد نازله مولعة وصعبان عليا العربية اللي بتتحرق من تحت دي
الصهد كان رهيب
ازاي كنا مستحملين الميا السخنة دي طول الوقت اللي فات ده ؟؟؟
ويا عيني على التكييف اللي عاش معايا 3 سنين في الحر مقالش لأ
كان بيقاوم كل ده ازاي ؟؟؟

واضح ان تكييف اللوجان حيطلع اشد من اي عربية وشكلنا حيجيلنا التهاب رئوي قريب

http://img84.imageshack.us/img84/3320/51204592.jpg

لحظات تأمل في كيفية توصيل الخراطيم

http://img217.imageshack.us/img217/4909/38318188.jpg

لحظات التأمل مستمرة !!!!

http://img4.imageshack.us/img4/7161/46145061.jpg

ضخ الهواء في الخرطوم الثاني لطرد اي مياه متبقية جوا مواسير التابلوه ولازم نتأكد من ضخها كلها عشان الميا دي حتبقى راكده ومش حتتجدد

http://img41.imageshack.us/img41/6167/33447555.jpg

في النهاية بعد تجارب عديدة:
تم فصل الخرطومين رقم 1 و2 تماما
استخدام الخرطوم الاطول رقم 2 رغم انه سرب شوية بعد التركيب بس مع التقريط على الافيز اكتر بقى محكم
الخرطوم رقم 1 مناسب برضه و(محندق) شوية بس يا دوب وعشان قصير فكان فيه نوع من التنية في المجرى بتاع الميا لانه مشدود ومتني اكتر من الاطول

تم تزويد مياه بدل اللي راحت
تدوير العربية ونستنى لحد ما المياه تبدا ترجع في الاربة من الخرطوم الجانبي عشان نتأكد ان الهوا كله خرج من الخراطيم
تزويد ميا ثاني

كل يوم تشيك على المياه للتأكد ان الدورة كلها مافيهاش تسريب وده اللي خلاني استنى الشهر ده لاني عايز اتأكد من نجاح التجربة قبل الاعلان عنها

الحساب
دا بقى زعلني شوية لانهم حاسبوني على 300 جنيه
الفاتورة مش موضحة التفاصيل
تقريبا على حسب كلامهم تنظيف الايدل ب 100 جنيه
كاتبين في الفاتورة تنظيف دورة التبريد
مع 2 افيز حديد كبير مع 50 جنيه جركن تبريد الحساب كله كان 370 جنيه
الفاتورة مش قليلة لكن انا عملتها عندهم لهدف واحد :
مكتوب في الفاتورة تم فصل دائرة التكييف السخن وهو ده اللي انا عايزه

التكييف بقى عامل ازاي

http://img27.imageshack.us/img27/9201/79299334.png

بصوا يا جماعة بجد:
* اللي بيجيله برد او انفلوانزا بسهولة ميعملش الموضوع ده !!!
* اللي مبيخليش تكييفات الشقة تلاجة ميعملش الموضوع ده !!!
* الي عظمه بيوجعه او عنده روماتيزم ميعملش الموضوع ده !!!

http://img846.imageshack.us/img846/9636/42109266.png

حتلاقي نفسك ساكن في العصر الجليدي ICE AGE
درجة برودة الهوا اللي خارجه من التكييف لا تصدق
كأنك واقف امام الفريزر وسايب الباب مفتوح

طبعا زرار درجة التبريد مبقاش له لزمه يعني تحطها على الازرق تحطها على الاحمر كده كده الهوا طالع متلج لانك فضيت المواسير اللي كانت (بتخلط) البرودة على الحرارة

من حوالي اسبوعين رحت اسكندرية بقيت بعاني انا والاسرة اني على طريق الاسكندرية الصحراوي وماشي تحت الشمس الحارقة بتاعة الاسبوع اللي فات ومشغل المروحة على 1 ومش عارف اوطي التكييف !!!!!

بيصرخوا من ورا مراتي وبنتي انهم ساقعانين لدرجة خليتني اجيب الهوا على الازاز راح الازاز مشبر

خليت الهوا نصه على رجلي ونصه على وشه برضه لسه بردانين

وانا داخل على العامرية خليت كل الهوا على رجلي من ادام الحمد لله الشكوى بتاعتهم راحت بس انا اللي حسيت بالدورة الدموية بتاعة القدم حتقف
كنت حاطط شنطة على ارضية العربية امام كرسي الراكب الامامي لانه كان فاضي لقيت الشنطة في المكان ده متلجة وانا بفضي العربية

لدرجة اني لما جيت ارجع القاهرة بالليل كنت بقفل التكييف من شدة البرودة شوية وبعدين ارجع اشغله ثاني واخدت قرار بالسفر بعد كده في الشمس بس !!!

http://img140.imageshack.us/img140/8483/59041188.png

من كام يوم رحت وسط البلد والجامعة الامريكية وميدان التحرير وكل الحتت الزحمة في القاهرة وطبعا الناس مش طايقة نفسها وانا في جزيرة ثانية

للمرة الاولى في حياتي احس بوجع في كتفي اليمين من البرد لدرجة بقيت اخلي الهوايات بعيد عني انا اللي كنت بقفل الهواية البعيدة واخلي الثلاثة متصوبين عليا

وقد اعذر من انذر لو انت مش بتاع تلج وصقيع يبقى ملوش لزمة
واضح اني حقضي رمضان الجاي كله في العربية

هههههههههههههههه

كل سنه و انتم طيبين

و رمضان كريم

منقووووووووووول