مصر موتورز مجتمع السيارات - تقرير كامل عن برليانس Brilliance FRV (صور مواصفات)

مصر موتورز مجتمع السيارات (https://www.masrmotors.com/vb/index.php)

- برليانس Brilliance (https://www.masrmotors.com/vb/forumdisplay.php?f=130)

- - تقرير كامل عن برليانس Brilliance FRV (صور مواصفات) (https://www.masrmotors.com/vb/showthread.php?t=5356)

رد: تقرير كامل عن برليانس Brilliance FRV (صور مواصفات)

الموتور مش ميتسوبيشي انما ميتسوبيشي تيك يعني طريقة صنع الموتور مأخوذة من ميتسوبيشي بعد الاستئذان من الشركة اليابانية بامكانية تصنيعة لكن مش اليابان هي اللي مصنعاه
وانا معايه العربية بقالي 8 شهور وفي شوية حاجات مضيقاني بس مش هتكلم عنها لحد لما اروح الصيانه تاني واشوف عشان مظلمهمش
بس في حاجة منرفزاني انهم قالوا ان العربية فيها نظام EBD وده مش حقيقي وموجود كده في الاعلانات بتاعتهم اللي عندي في البيت يعني نصبايه وكمان كرسي السواق مافيهوش الامكانيات اللي قالوا عليها وموجوده في الكتالوج اللي عندي برضه اما بالنسبة للعفشة فهي ناشفة فعلا وتسمع صوت تخبيط حديد في النقر بس واسعة من جوه ومريحة
مكتوب في مميزات العربية ان السرعة القصوي 160 لأ مش صح السرعة القصوي 240 وفي واحد بيقول انه قفل العداد علي طريق العين السخنة بس انا معرفش اذا كان حقيقي ولا لأ

رد: Brilliance FRV

اقتباس:

المشاركة الأصلية كتبت بواسطة AboNoRa (المشاركة 23450)

وبيقدموا مزايا وامكانيات وجودة معقولة جدا فى مقابل سعرهم التنافسى جدا

ناقص بس الاعتمادية واحتكار قطع الغيار لو النقطين دول اتحلوا يبقى تحيا الصين الشعبية يا باشا ptmnlo123per154

كان في الاول دلوقتي البريلينس من العربيات الغالية وده شيء غريب ومستفز عشان العربية لسه جديده وفيها عيوب لحد دلوقتي شوف الجالينا ما هي بريلينس وغالية جدا وانا عارف ان امكانياتها عالية بس قصدي اقول انهم مش رخاص يعني والFRV دلوقتي بقت بـ85 او 90 ألف بعد لما كانت بـ69 يعني هبل وممكن تروح تشتري كيا سيراتوا احسنلك وانا اشترتها لما كانت بـ75 من غير الجنوط والفوجات والمرايات الكهرباء والسنسور والريموت واللي خانقني انها المفروض تنزل بالريموت ده حتي في الصيانة بيقولي ان الريموت لو عاوز اعمله حيكون مش في المفتاح يعني المفتاح عشان الكونتاكت والريموت في ماديليه لوحده عشان افتح العربية (شيله علي الفاضي وزحمة) من 300 الي 500 جنيه الموضوع ده
في الآخر اللي مش فاهمة هم بيغلوا ليه مع ان العربية متغيرتش (حراميةptmnlo123per111)

رد: Brilliance FRV

اقتباس:

المشاركة الأصلية كتبت بواسطة Ahmed Anwer (المشاركة 23832)

و ده بقه حصريا لمنتدي مصر موتورز

و الفضل لصديق عزيز ،،

صور تجسسيه للنسخة السيدان منها

هيا تستاهل يتعمل عنها موضوع منفصل بس انا قولت احطها في موضوع نيسان اسهل

http://www.chinacartimes.com/wp-cont...-sedan-spy.jpg

http://www.chinacartimes.com/wp-cont...sedan-spy1.jpg

http://www.chinacartimes.com/wp-cont...sedan-spy2.jpg

انا شايفها جامدة جدا و تحفة

http://www.chinacartimes.com/2009/02...d-out-testing/

شكرا علي المعلومة الجامده دي وفعلا شكلها حلو بس العربية السودا اللي جمبها شكلها وحش

رد: Brilliance FRV

اقتباس:

المشاركة الأصلية كتبت بواسطة sakantamany (المشاركة 89136)

واللي خانقني انها المفروض تنزل بالريموت ده حتي في الصيانة بيقولي ان الريموت لو عاوز اعمله حيكون مش في المفتاح يعني المفتاح عشان الكونتاكت والريموت في ماديليه لوحده عشان افتح العربية (شيله علي الفاضي وزحمة) من 300 الي 500 جنيه الموضوع ده
في الآخر اللي مش فاهمة هم بيغلوا ليه مع ان العربية متغيرتش (حراميةptmnlo123per111)

تعديل انا شوفت صورة للريموت في المفتاح فهاروح اسأل التوكيل تاني بس هم اللي قالولي انه ماينفعش (انا مش فاهم)

رد: تقرير كامل عن برليانس Brilliance FRV (صور مواصفات)

يا جماعة انا بتاسف لو حد زعل منى عن الموضوع بتاعى عن (مع الاعتذار للقسم الصينى ) انا بتاسف مرة تانية لو فى حد زعل منى بس يا جماعة ياريت حد يبين الفديو بتاع الكراش تيست