|
عيوب قاتلة في اللوجان 2010
انهارده كنت في توكيل سموحة عشان اغير زيت و بوجيهات و فلتر هواء و زيت
انا كنت جايب الزيت و البوجيهات معايا و هم مجرد بس حيغير الزيت و الفلتر الزيت و الهواء قالتي ب 350 جنية مش عارف ليه يعني؟؟؟ و كمان قالتلي العربية مفهاش فلتر بنزين قولتها امال رواسب البنزين بتروح فين قالتي في موديل 2010 بيقي الفلتر في طرمبة البنزين .... معني كده المفروض اغير بقي الطرمبه كل 10 الاف كيلو ب 1400 جنيه !!!!! و عشان كده كل لوجان 2010 بيبقي صوتها مكتوب و عالي و مبتسحبش خالص و كمان قولتها العربية بتتهز و هي دايره و كذلك الدركسيون و الفتيس قالي لا كده الطبيعي بتاع اللوجان وكمان الدبرياج عندي تقيل و بيزيق المهندس قالي ده طبيعي بيحصل في اللوجان بعد فترة عشان جرء من سلك الدبرياج متعري فطبيعي يخش فيه تراب و ينشف معاك بكام يا عم السلك الدبرياج الجديد قالي ب 220 ده غير المصنعية و الضرايب طبعا طبعا قبل كده باظت عندي تلاجة التكييف كانت بتسرب روحت للتوكيل قالي حغيرلك التكييف بالكامل قالتي يتكلف 4400 جنيه بالاضافة للمصنعية بيقي 5400 جنيه و مش عندهم كمان و اول ما يجي حيكلموني ... روحت بره التوكيل غيرلي التلاجة فقط ب 850 + 350 مصنعية و قالي ديه خامس عربية لوجان اغيرها التلاجة بتعتها مع العلم العربية عندي لسه مكسرتش ال 25 الف كيلو و بتتباع ب 85 جديدة علي ايه انا معايا فيرنا في القاهره بتاعت الشغل طالع عينها و موديل 2010 و عامله 120 الف كيلو و احسن من ديه سبع اللاف مرة عربية بجد حرام فيها القرش |
رد: عيوب قاتلة في اللوجان 2010
للاسف الشعب المصرى ده غلبان واحلى شعب يتعمل عليه شغل يعنى باجماعه عربيه بتتجمع فى المغرب !!! والمفروض انها داخله من غير جمارك وتكنولجيا شركه داتشيا وطبعا انتم عارفين ايه هى داتشيا الاخر المصريين يروحوا يدفعوا فيها 85 الف عجبى !!!!!!!!!!!!!!!!!!!!!!:shwt::shwt::shwt:
|
رد: عيوب قاتلة في اللوجان 2010
والله عندك حق فعلا المفروض العربيه ديه اصلا سعرها لا يزيد علي 56 الف والسعر ده كانت نازله بيه اول منزلت السوق وفعلا العربيه فيها عيوب كتيره جدا ويبتم اكتشفها مع الاستخدام زي مثلا البوابه البلاستك اللي لازم تتغير مع الوقت ونحره الفتيس وده عيب شائع جدا وضعف موتورها مع التكيف لانه 8 صباب وده من المواتير الضعيفه جدا وضعف الشديد في بعض المناطق في جسم العربيه عن المناطق الاخري زي الرفرف الخلفي شمال لو حد سند عليه بايده بيطبق ولزاد وغطي الارتفاع الجنوني في سعرها الذي لايتناسب مع امكانيتها الصراحه وياريت الاعضاء اللي معاهم العربيه ميحكموش علي كلامي الا لما العربيه تقعد معاهم وكلامي هيتثبتلهم بالحرف الواحد وميدخلوش يقولنا بالله عليهم العربيه عاليه ويقلنا ديه ميزه رهيبه ارجوكم محدش يحكم علي العربيه اليي بعد مرور 5 سنين عليها في السوق وانصح اي حد عايز يجيب العربيه يفكر كوييس اقبل يجيبها وخصوصا مع ارتفاع سعرها الجنوني وارجو محدش يزعل من كلامي وخاصه من ملاك العربيه انا ده رايي في العربيه بعد تجربه مرئيه وليس رائي في اصحابها المحترمين فارجو ان يتم تقبل كلامي واختلاف الرأي يتم قبوله
|
رد: عيوب قاتلة في اللوجان 2010
طب الحمد لله اني جبت فيرنا كان نفسي اجيب لوجان ولحد دلوقتي باقول ياريتني جبت لوجان بس بعد كلامكم قدر الله وماشاء الفعل واهو كله بيمشي
|
رد: عيوب قاتلة في اللوجان 2010
ما احنا قولنا كدة و إخواتنا ملاك اللوجان المحترمين هبوا فينا و قالولنا دي عربية ناجحة و حرام عليكوا ماتسوؤش سمعة العربية في السوق.. يا جماعة خلينا نتكلم بالعقل و المنطق و الحقائق هانوصل للرأي السليم.. دي عربية صناعة روماني و تجميع مغربي و كانت نازلة بـ 57 ألف و لما نجحت التجار غلوها كعادة أي سلعة بتنجح.. فهل معنى إنها غليت بالشكل الجنوني ده إنها عربية حلوة؟! هل لأنها عربية عالية عن الأرض زي ما jojojojojo بتقول تبقى عربية حلوة؟! بصراحة ثقافتنا اللي في النازل هي اللي بتخلي التجار الجشعين يتحكموا فينا.. ما هو لما تبقى الهيونداي هي العربية اللي ماشية في السوق على كل عيوبها (على فكرة أنا راكب هيونداي) و العربيات الفرنساوي اللي مليانة تكنولوجيا ووسائل أمان و رفاهية تبقى عربيات جربانة و ووحشة يبقى فعلاً ثقافتنا السوقية محتاجة إعادة تأهيل ANAA7TG
|
| الساعة الآن 03:27 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017