ميعاد الفحص انتهى واللى اشترى جدد باسمى برضو !!
 

السلام عليكم ورحمة الله وبركاتة

دلوقتى انا بايع عربيتى الاولانية من سنتين وكان فيها رخصة سنة والفحص يخلص 2012
وللاسف لجهلى بالموضوع بعت العربية بتوكيل وكتب فية التجديد والترخيص
دلوقنى دخلت على موقع المرور لاقيت تقريبا العربية لسة باسمي عشان كتبت النمرة اشوف المخالفات وجيت اعمل طلب استخراج شهادة مخالفات الللى بيتكتب فية الرقم القومى كتبت رقمى لاقيت الطلب هايتنفذ عادى معنى كدة ان العربية لسة باسمى صح ?

دلوقتة ازاى عرف يجدد ويفحص العربية باسمى حتى بعد معاد الفحص ما خلص !!! هل ينفع
ولو ينفع اعمل اية عشان اخلص من المسؤلية الجنائية من العربية دى اللى ماعرفش حاجة عنها بقالى اكتر من سنتين ومش عارف اوصل للى اشتراها منى عشان اسجلة على حسابى حتى

مع العلم انى لما جيت اجدد عربيتى الحالية مادفعونيش ضريبة ترفية
انا ماعرفش مش لازم يقولى مثلا عليك ضريبة ترفية بكذا كذا ولا بتضاف اتوماتيك من غير نايقولوا

حد يفيدنى بالله عليكوا

رد: ميعاد الفحص انتهى واللى اشترى جدد باسمى برضو !!
 

هى ديه مشكلة البيع بتوكيل، أول شرط باقوله لأى حد بيشترى منى حتى لو كان صديق .. نقل الملكية
طيب انت عملت محضر استلام للعربية لما بعتها؟ يعنى ورقة فيها ميعاد استلام العربية وان الشارى مسئول عنها من الساعة ديه؟
المشكلة انك عامل توكيل للتجديد والترخيص
فى حل بس أى حد محامى من الأعضاء المحاميين يمكن يفيدنا فى صحته
انأكد الأول فى المرور ان السيارة مازالت باسمك
وبعدين تقوم بالغاء التوكيل ووضع صورة لألغاء التوكيل فى ملف السيارة فى المرور
كده لازم الشارى حيرجعلك وفى الحالة ديه تشترط عليه نقل الملكية فورا.
وزى ماقولت لك لازم حد محامى من الأعضاء يدينا رأيه.

رد: ميعاد الفحص انتهى واللى اشترى جدد باسمى برضو !!
 

انا معايا صورة التوكيل وعقدالبيع الابتدائى ومكتوب فية اقرار استلام السيارة
انا المصيبة انى فى الشهر العقارى ساعتها اما سئلت الموظف قالى عادى هو كدة كدة اخرة يجدد لغاية ميعاد الفحص وبعد كدة مش هايعرف يجدد ولا يفحص باسمك تانى
ودلوقتى ميعاد الفحص خلص 2012 ولسة برضو تقريبا الرخصة باسمى انا مش مت

رد: ميعاد الفحص انتهى واللى اشترى جدد باسمى برضو !!
 

كل ده السبب فيه ان التوكيل نص على التجديد و الترخيص

المفروض كان يبقى نصه البيع للنفس وللغير فقط فيه بعض من الشهور العقارية اللى بتضيف

عبارة والتعامل مع المرور

بس انت طالما معاك صورة من التوكيل ومعاك عقد بيع فيه اقرار استلام سيارة او اقرار لوحده على استلام السيارة

يبقى انت فى الامان انما هاتعوقك حاجة واحده بس الا وهى لو جيت ترخص عربية جديدة

وقتها لو لسه العربية اللى بعتها مترخصة باسمك لما تيجى ترخص واحده جديدة هيحملوك ضريبة ترفيهية

اما لو العربية اللى بيعتها اترخصت باسم حد تانى يبقى مش هاتتحمل الضريبة الترفيهية

يارب اكون قدرت افيدك

رد: ميعاد الفحص انتهى واللى اشترى جدد باسمى برضو !!
 

روح المرور واتاكد
ياريت تكتب انت كتبت اية بالظبط في التوكيل