غيرت المساعدين وظبط تاكيهات وعندي اسئله ارجو المساعده
 

السلام عليكم

اولا بعد قرايتي لموضوع عن التاكيهات في المنتدي وخطورة اهمالها فقلت لازم اشوفها فسألت علي حد كويس ورحتله وظبتهالي غيرلي البتاع المدور ده معلش اعذرو جهلي مش عارف اسمه ايه بس تقريبا هوه ده التاكيهات قعد يقيس كل واحده فيهم المهم اتغيرو وسحب العربيه فعلا بقي احلي بكتير ولكن العربيه علي الغيار الاول بتطلع بصعوبه لازم ازود بنزين ككتير مع الدبرياج مكنتش كده قبل التاكيهات وبحس ساعات ان العربيه بترجج كده بس ديه مش بتحصل علي طول حاسس انها قلت لما مشيت بيها فهل ديه حاجه عابره وهتروح بعد فتره عشان الدنيا تاخد علي بعضها ولا فيه حاجه مش مظبوطه


ثانيا
غيرت مساعدين ورا وجبت اتنين صيني عارف انهم مش كويسين قوي بس انا هقعد بيهم سنه اتعلم عليهم ولو حصل حاجه ابقي اغيرهم المهم السست الي كانت موجوجده العفشجي قلي انها ورق مصري وكانت تلاته ومخليه العربيه نشفه جدااا قالي لازم تشيل واحده فشلت واحده وقلت اسمع كلامه وهشوف في المطب عامله ايه بس بعد موصلت بدوس كده علي العربيه من ورا سمعت صوت تزيييق فهل ده عشان لسه جديد ولا ايه بالظبط لكن وانا ماشي بالعربيه مفيش الصوت ده


شكرا

رد: غيرت المساعدين وظبط تاكيهات وعندي اسئله ارجو المساعده
 

اكيد فيه مشكلة طبعا مش تخيل منك الى يقدر يفيدك صح الاستاذ Hisham Al gazar -- والاستاذ MR astraدول فعلا أساتذة فى 128 وفاهمينها حته حنه ويمكن احسن من ناس كثيرويمكن لو شافوا المشاركة دى هيدلوك على الصح

وبالنسبة للعفشة مع كل احترامى للعفشجى

رجع الورقة الثالثة مكانها بس اشترى ورقة من نوع كويس
وهتلاقى المشكلة راحت والصوت والتزييق راح
وكلام العفشجى صح ان العربية هتبقى ناشفة
بس لازم ترجع الورقة الثالثة علشان تستعدل المحور الخلفى للعربية

وبالنسبة للرجرجة
ده طبيعى وعادى لانك لسه بتاخد علىالعربية
وحساسية رجلك للبنزين والدبرياج لما تتضبط هتختفى الرجرجة
انما لو الرجرجة على طول وانت بتسوق كويس يبقى احتمال شداد الموتور الجلدة متاكله ومتحاج تغير شداد


والله اعلم

رد: غيرت المساعدين وظبط تاكيهات وعندي اسئله ارجو المساعده
 

متشكر علي اهتمامك وربنا يستر

رد: غيرت المساعدين وظبط تاكيهات وعندي اسئله ارجو المساعده
 

صوت التزييق بتاع العربية ده من احتكاك الورقتين مع بعض مع حركة العربية خلي العفشجي يحط حاجة شريحة بطول الورقة من الكاوتش الداخلي لو عندك فردة خربانة ولا حاجة او يحط اي حاجة تمنع الاحتكاك انا كان عندي نفس المشكلة وراحت بالحركة دي وخليه يركب الورقة الثالثة مهمة جدا عشان العربية متحكش منك في المطبات