|
عملت حادثه بعربيتي بس ربنا ستر
الحادثه دي طبعا كانت العيديه بتاعتي كانت يوم الاربع قبل العيد مباشره طبعا لان العربيه كانت متكسره كان عيد خنيق ومخرجتش مع اصحابي ولا عملت اي حاجه منه لله اللي كان السبب باختصار كنت رايح من منيا القمح ( مركز تابع للشرقيه يقع بين بنها والزقازيق )للزقازيق المهم ما كنتش ماشي علي سرعه اصلا انا تقريبا كنت 80 او 90 بالكتير قوووووي يادوب كنت لسه خارج من قلب البلد فما لحقتش اجيب سرعه ولسه داخلين علي الطريق السريع كنت ماشي ورا ميكروباص والميكروباص وانا وراه طبعا كنا بنعدي ميني باص المهم لقيت ف ثانيه الميكروباص راح كاسر علي الميني باص بس ربنا ستر كان هينفخه من ورا وف نفس اللحظه اللي الميكروباص كسر ع الميني باص لقيت قدامي مفيش متر ونص توك توك جاي مخالف مع العلم الطريق رايح لوحده وجاي لوحده وفيه زي جزيره ف النص يعني هو له طريقه وانا ليا طريقي المهم التوك توك كان جاي مخالف ومش علي التراب اللي بيبقي بره الرصيف لا دا جاي جنب الجزيره اللي ف نص الطريق طبعا بتاع الميكروباص كسر علي الميني باص عشان لقي التوك توك اللي فاجأه بالمخالف بس الميكروباص كان تقريبا عدي الميني باص ولو بحته صغيره انا بقي كنت جنب الميني باص بالضبط و التوك توك جاي لي مخالف والمسافه زي ما قلت مفيش متر وشويه حاولت بقدر الامكان افاديه كسرت يمين علي اخري واكتر من كده كنت خبطت ف الميني باص بالجنب وطبعا المسافه كانت باعرض ما تجيبش ميني باص وعربيتي وتوك توك جاي يدلع ف المخالف طبعا خبطت ف التوك توك منم الشمال وبعد ما خبطت ف التوك توك العربيه لفت بالعرض يا رجاله ورحنا مخبوطين ف السور اللي ف نص الطريق اللي بيفصل بين اللي رايح واللي راجع اوطبعا غيرت فيها رفرف شمال وفوانيس وشمال واكصدام ومرايه شمال والباب بتاعي كان اتعجن بس السمكري قالي هيتعدل عادي الراجل بقي اللي كان سايق التوك توك راحل نازل بنفسه ونايم ع الرصيف وبيعمل انه اتخبط جامد رحت له قعدت يجي دقيقتين تلاته جنبه اشوفه فيه ايه ما لقتش غير بالضبط نقطتين دم من دماغه قلت له بص انا اتطمنت عليك انت تمام قوملي بقي تعالالي اللالي يا حبيبي تعالالي دلوقتي انت غلطان مين هيصلح تمن الحاجات اللي اتكسرت ف عربيتي دي قال بص يا باشا اناراجل علي باب الله وكل واحد يصلح حاجته قلت له خلاص البوكس هو اللي يجيب لي حقي قالي خليه ينفعك ومش هتاخد حاجه برده حسيت بقي انه بيبلطج عليا قلت له طب انا عارف اني مش هاخد حاجه بس زي ما ضرتني هاضرك وكلمت البوكس وعملنا محضر ورحت النيابه والقاضي قالي خد عربيتك صلحها والتوك توك يروح المرور يتحجز ويتفحص من هيئه السلامه ف المرور وتتسحب الرخصه بتاعته واهم حاجه يدفع مخالفه تغيير اتجاه السير يعني خيطه وهيدخل له ف يجي 2000 جنيه ع الاقل طب ما كان دفع نصهم حتي ليا وانا كنت اتنازلت عن الباقي واستعوضت ربنا بس بيني وبينكم انا مبحبش ائزي حد بس بلطجته هي اللي شعللتني بس فيه ناس كتير استغلطتني ف الحته دي بيقولولي ياعم انت كده كده كنت هتصلح عربيتك ومش هتاخد فلوس خلاص كنت سامحته وسيبته ياكل عيش يا تري اللي عملته صح ولا كان غلط لاني انا نفسي ضمير تعبني بعد ما هديت وقعدت لوحديhttp://www11.0zz0.com/2011/11/19/08/343433209.jpghttp://www11.0zz0.com/2011/11/19/08/456101718.jpg |
رد: عملت حادثه بعربيتي بس ربنا ستر
أول حاجة ألف مليون حمد الله على السلامة
وفداك مليون توك توك ماشيين بالعكس بسواقينهم كمان إللي أنا مغلطك فيه إنك لسه مارفعتش قضية على سواق التوكتوك وتتهمه فيه بالشروع في قتلك بمشيه المخالف لأنظمة وقواعد المرور... ده أنا لو مكانك كان وهو عامل نفسه ميت عالأرض كنت جبت أجله بحجر ولا حاجة!!!!!!!!وطالما مش واخد منها حاجة أولع في التوكتوك وأسيبه يلبسه هو صاحب التوكتوك أو لو كان بتاعه يبقى أحسن.. بلطجة ببلطجة بأه!!!! مش عارف في ناس كده مالهاش لازمة ولازم تاخد بالجزمة عشان تخرس وماتتكلمش في اللي ماتفهمش فيه "من أتلف شيئا فعليه إصلاحه" دي قاعدة شرعية معروفة أما اللي بيتنازل ويقولك أنا ما باخدش عوض فده بيبقى تنازل عن الحق بشكل أعمى وبيبقى منساق ورا كل اللي بيقولوها زي البغبغانات " أنا ما باخدش عوض" ياسلااااااااااااااام؟؟؟؟؟ ؟؟؟ وولا هو فاهم أي حاجة في البتنجان طب واحد من اللي بيقولك اتنازل وسيبه ياكل عيش!!!!! مايعرفش ان الحدود في الاسلام شرعت عشان الواحد لما يغلط يلاقي العقاب الرادع (المساوي لفعلته) وإلا هيتمادى في الغلط طبعا!!!!! وحضرتك لو ماكنتش عملت اللي عملته (وده طبعا عين العقل اللي عملته واستحالة أسيطر على نفسي ساعتها) كان كل واحد اتضرر من سواق التوكتوك ده أواللي قلده كمان، ذنبه في رقبتك!!!!!! الحمد لله إنها جت على أد كده والله يعوض عليك أتمنى ما تتضايقش من كلامي أنا عارف إني حاد شوية لكن والله لو كل الناس ماسابتش حقها الدنيا هتنصلح حالها إن شاء الله |
رد: عملت حادثه بعربيتي بس ربنا ستر
حمدلله علي سلامتك لو صاحب التوكتوك ده غلبان وانت عارف ده يعني باين عليه بيقي حرام عليك
اما لو شكلوا بلطجي يبقي يستحق اللي يجرالوا |
رد: عملت حادثه بعربيتي بس ربنا ستر
والله لو كان عمل ميت حتى ما كنت سيبتة وكويس انك كنت هادى ومانفعلت مش غباوته او بلطجيتة والا كانت اتقلبت خناقة وضاع حقك
انا شخصياً مع رائى لؤى انك المفروض كنت رفعت عليه قضية شروع ف القتل واذكر قول الله تعالى (( ولكم فى القصاص حياة يا اولى الالباب )) عموماً الف سلامة عليك وربنا يعوض عليك خسارتك فى مالك ودينك بس مرة تانية حاول تسيب مسافة كبيرة بينك وبين اللى قدامك علشان يبقى عندك فرصة اكبر للمناورة فى حالة اى مفاجئة زى كده |
رد: عملت حادثه بعربيتي بس ربنا ستر
حمد لله على السلامة ... واللى انت عملته احسن حاجة خليه يتربي ابن التيت ..واهم حاجة سلامتك
|
| الساعة الآن 05:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017