مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   شروط لوحات السياحه وايه الضمانات؟ (https://www.masrmotors.com/vb/showthread.php?t=21757)

moslem2 09-03-2010 11:37 AM

شروط لوحات السياحه وايه الضمانات؟
 
اعضاء المنتدى الكرام

بداية اود تقديم تحيه لكم على روح الاحترام والموده المتبادلة قبل الكم الهائل من المعلومات

اود الاستشاره عن كيفية الحصول على لوحات سياحه لسياره لتشغيلها فى شرم الشيخ

يعنى لازم ادخلها على شركة سياحة او قريه سياحيه وكده هتبقى العربيه باسمهم

طيب ايه الى هيضمن لى حقى فى العربيه؟؟؟ وايه المقابل الى هياخدوه منى

شكرا مقدما و أود الاجابه من اصحاب الخبره

moslem2 09-03-2010 02:08 PM

رد: شروط لوحات السياحه وايه الضمانات؟
 
مفيش حد عارف ولاايه
؟

Saif eldien 09-03-2010 04:37 PM

رد: شروط لوحات السياحه وايه الضمانات؟
 
اولا علشان تجيب عربية سياحة باسمك لازم تشترى عربية وهتدفع تمنها بالدولار
ثانيا علشان تعلق عليها نمر سياحة دة ليها شروط يعنى سجل تجارى وبطاقة ضريبية وتصريح وفى شركات السياحة فى شى اسمة ا و ب و ج
الموضوع بيكون لية ترتيبات مش سهلة ونظام
ادرس الموضوع جيدا ووضح انت عايز تعمل اية علشان اعرف اساعدك
للاستفسار السريع
0125485222

corsair 09-03-2010 05:53 PM

رد: شروط لوحات السياحه وايه الضمانات؟
 
اهلا بيك يا بشمهندس في المنتدي وبالنسبة لموضوع لوحة ارقام سياحة ديه مش بتطلع بالساهل ولازم تطلع عن طريق شركة سياحية ده اذا عرفت كمان ترخصها سياحة لان ترخيص السياحة دلوقثي بقا العن من ترخيص التاكسي لكن انتا لو قدامك شكرة سياحة وهتخلص معاهم الحوار ده ضماناتك هتكون وصل امانة بتمن العربية وكمان تصور السجل التجاري بتاعهم وتسلمهم العربية عن طريق التوكيل وتستلمها منهم عن طريق التوكيل وتحملهم الصيانة الدورية في مركز الصيانة وتتاكد فعلا ان الشركة ديه تراخيصها سليمة عن طريق مكتب تراخيص شركات السياحة وده اللي فعلا اعرفه غير كدا مقدرش افيدك بس لو في سؤال عايز تسئله وانا اعرفله اجابه تاكد اني مش هبخل عليك بيها

moslem2 10-03-2010 02:27 PM

رد: شروط لوحات السياحه وايه الضمانات؟
 
ماتحرمش من ارائكوا يا غالين وشاكر جدا للردود
وهو واضح فعلا ان الموضوع مش سهل
انا كل الى سمعته ان فيه قرى سياحيه فى شرم بتاخد العربيه منك وبتقوم هى بتغيير اللوحات لسياحه والعربيه بتبقى باسمهم و بتشتغل ليموزين فى القريه وتقف فى باركينج القريه وبتشتغل بالدور مقابل 300 جنيه فى الشهر كايجار للباركينج والعربيه مش بتتهلك شغل خفيف يعنى توصيل لزوار القريه
بس بصراحه قلقت من ان العربيه هتبقى باسمهم وكمان مش معقول مقابل 300 جنيه بس فى الشهر

فكنت عاوز استفسر ويمكن حد يستفيد بالموضوع ده

وشكرا للردود


الساعة الآن 02:00 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017