مصر موتورز مجتمع السيارات - لما جيت أستلم اللوجان

بعد عناء من الحيره و التردد و المقارنات

استقريت على رينو لوجان و جه اليوم الموعود انى أستلم و كنت حاجز اللون النبيتى
المهم العربيه جت و مردومه تراب و باللصق الابيض فرحت جدا و غسلوا العربيه و كانت الصدمه كالأتى :
كلنا عرفين طبعا ان العربيه فى مؤخره الشنطه بيكون فى لوجو الرينو و لوجو لوجان و الاتنين بنفس اللون
فؤجت ان كلمه لوجان بلون رصاصى غامق أستغربت و رحت اشوف كل العربيات و تأكدت انهم اللوجو كله باللون الفضى اللامع .

الحاجه التانيه شوفت مسمار فى الشنطه أستغربت بعد فحص دقيق أكتشفت انه متشال من مكانه الخاص بربط الاكصدام الخلفى هنا دخل قلبى اليقين أن العربيه دى كانت بها حادث صغير و تم أصلاحه و بلغت المندوب ان فى كذا و كذا بعد محادثات و اتصالات قلى خلاص شوف لون تانى و انا كنت فى حيره انا عايز النبيتى يا البترولى المهم بلغته انى عايزى بتروى قلى دى محجوزة و فعلا بعد ربع ساعه جه صاحب النصيب و أستلمها ربنا يباركلوا فيها هنا أدامى أختيارين يا أما الفضى أو الفرانى الغامق و أنا لا أميل الى الغوامق و رحنا المغزن و شوفت العربيه و شيكت عليها و أستلمتها الحمد لله .

الفرد مننا بيتمنى أشاء و لكن الله أعلم بالغيب و هذا خيرا لى الحمد لله
اللهم جنبى شرها و أتنى خيرها

أسف على الأطاله