مصر موتورز مجتمع السيارات - استفسار بخصوص الايرباج فى الجين 2

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - استفسار بخصوص الايرباج فى الجين 2 (https://www.masrmotors.com/vb/showthread.php?t=59987)

استفسار بخصوص الايرباج فى الجين 2

السلام عليكم ورحمه الله وبركاته

دلوقتى انا واحد قالى انى ادخل واشوف منتدى يكون الاعضاء بيجاوبو على الاستفسارات وانا عجبنى المنتدى ده لان اعضائه متجاوبين وقالى اسئله على كذا استفسار هو ناوى يشترى جين 2 بس عقبال مايظبط اموره يعنى ايه ياترى وبعدين فى حاجتين مضايقنه اول حاجه بخصوص الايرباج وهى انه ممكن يتفتح فى خبطه خفيفه يعنى حسب ماسمع انه موجود فى الاكصدام الامامى يعنى لو واحد ماشى عادى وطلع على رصيف مش عالى اوى والعربيه اتخبطت حاجه بسيطه فى الاكصدام الايرباج يتفتح وطبعا تكليف تصليحه عالى عاوز يعرف الكلام ده صح ولا غلط :w6w200504112245306eوبعدي ن عاوز يعرف هو بيتفتح من بعد سرعه كام
وبعدين كان عندى استفسار ان طوله 188 وفى ناس قالتله مش هتبقى مرتاح في الجين 2
بس هو مقتنع بيها جدااااا
بس ماركبهاش الصراحه

وعاوز يعرف الايرباج لازم علشان يطلع اكون رابط الحزام وسعره كام ؟

رد: استفسار بخصوص الايرباج فى الجين 2

مبدئيا الجين تو مش مناسبة للاشخاص الطويلة وانا طولى 190 سم وكانت جحيم بالنسبة ليا

وانا مش متاكد من مكان سنسور الايرباج فى الجين تو بس صعب اوى انه يفتح الا لو الخبطة جت مركزة فى السنسور ده وده يعتبر نصيبه بقه لكن المفروض ان الايرباج ماتفتحش الا لما الحادث لا قدر الله يكون قوى بس ساعات الخبطة بتيجى فى السنسور وفى الاول والاخر العربية الة ومابتفكرش

رد: استفسار بخصوص الايرباج فى الجين 2

يعنى مبدئيا مايفكرش فى العربيه
مع انه مقتنع بيها جدا بس هو قال لو طلعت فعلا مش هتنفع هاجيب صنى سوبر صالون

رد: استفسار بخصوص الايرباج فى الجين 2

للأسف عربيتى لسه عاملاها معايا

انا معايا ساجا اوتو 2010 والايرباج بتاعها هو هو بتاع الجين تو 100%

للأسف سرحت وانا بجرى وطلعت فوق الرصيف بالعربية وربنا ستر والعربية ماحصلهاش حاجة عشان الرصيف كان واطى لكن للأسف الايرباج فتحت وتسببت ليا فى حروق شديدة على ايديا الاتنين من البودرة اللى بتبقى جوا الايرباج

على قد ماهى ميزة على ماهى عيب خصوصا فى مساله اصلاحها

الايرباج مش هيشتغل بدون حزام الامان وده عن تجربه لانى سبق خبطت فى رصيف قبل كده وكان اعلى من الاخرانى ده بس الايرباج مافتحتش لانى ماكنتش رابط الحزام لكن المرة دى بالرغم ان السرعه كانت اقل وارتفاع الرصيف اقل الا ان الايرباج فتح بسبب حزام الامان اللى هو بيضرب هو كمان مع الايرباج ولازم يتغير

لاحظت ان فى ورقه متخيطه عند قاعدة حزام الامان مكتوب عليها
AIRBAG No. xxxxxxxxx

يعنى الاتنين مرتبطين ببعض

بالرغم من كل اللى حصل الا انى بيزيد اعجابى واقتناعى بالبروتون اولا وبالساجا ثانيا

الحمد لله وقدر الله وماشاء فعل

استخر الله مره واتنين وتلاته

رد: استفسار بخصوص الايرباج فى الجين 2

يعنى معنى كده ان الواحد لو ماشى بسرعه اقل مثلا من 60 مايربطش الحزام لانه مثلا لو لقدر الله حصل حاجه هتبقى بسيطه والايرباج مايفتحش
ولا لو خبطت السياره فى الاكصدام الامامى اللى هو مكان الحساس بتاع الايرباج تفتح ؟