الأخوة اللى عندهم خبرة فى GW Peri
 

الى الاخوة اللى عندهم جريت وول بيرى 1300 سي سي - برجاء الأفادة بخصوص المميزات و العيوب للمنفعة و شكرا

رد: الأخوة اللى عندهم خبرة فى GW Peri
 

اولا السلام عليكم
انا عملت بحث على البيرى دى فى كل المنتديات والنت بره وجوه وحتى فى الشوارع وكلمت ناس راكبها عشان انا ناوى ان شاء الله اجيبها ووصلت الى الاتى
1- اولا هى عربية جديدة فى السوق المصرى من سنة تقريبا او اتنين بس الوكيل بتاعها الان هو البافرية عز
2- عربية 1300 ccفيها كل الكماليات معادا الabs فى النوع الاساسى
3- تمنها 45000 والكاملة 49000
توكيلها احسن حاجة فيها لانه افتتح مركز الخدمة فى طريق السويس
5-عيوبها انها مش منتشرة وملهاش لسه سعر اعادة بيع
6- الناس الى راكبنها كلها وهم حوالى عشرة فى منطقتى فقط شكرا فيها من ناحية القدرة والتحمل والتوكيل والاقتصادية والشكل كمان
7- انا شايف انها الوحيدة المنافسة بعد الا a113 عشان موضوع التوكيل وانا شايف ان شركة جريت وال دة كويسة
وعلى فكرة انا معايا البورشور بتاعاها لو حضرتك عايزة ممكن ابعتهولك او اى معلومات عنها

رد: الأخوة اللى عندهم خبرة فى GW Peri
 

عليكم السلام و رحمة الله و بركاته
أولا أحب اشكرك أخى العزيز على اهتمامك بالرد بالرغم من انك لسه ما اشترتهاش و لكنك بذللت جهد كبير أشكرك عليه فى أحضار هذه البيانات فى حين لم يرد على أحد من مالكى و مستعملى السيارة

ثانيا أنا الحمد لله اشتريت السيارة من 4 أيام و هى الحمد لله سيارة كويسة و قوية و و من وجهة نظرى لأنى جربت ال سبرانزا 113 هى أفضل بكتير من حيت التعليق مساعدين قوية التحمل و عفشة جيدة علاوة على بودى قوى و صاج افضل

أحب أصلح لحضرتك معلومتين
1- سعر السيارة 45900 و الكاملة 47900 موديل 2009 و موديل 2010 لسة ما نزلش لسه - الفرق بين الفئتين ال abs و مرايات كهرباء و الكاسيت فيه mp3 cd

2- التوكيل بتاعها عز العرب مش البافارية و لكن قالولى ان قريبا سوف ياخذ توكيلها البافارية لآنها مش واخدة كل سيارات الجريت وول لكن بعض الفئات فقط

بالنسبة لأنطباعاتى ألأوليه :
المميزات

تكييف قوى
موتور قوى و ناعم و سحبه ممتاز
عفشة هايلة
صالون واسع بالنسبة لحجم السيارة
شنطة مش بطالة ابدا فى حجمها
الأنوار جيدة جدا
الفرش أكثر من ممتاز
التابلوه واضح و ارقام العدادات كبيرة و واضحة
وضع الفيتيس و التابلوه جميل و رياضى
حجم السيارة الخارجي صغير و يمكن ركنها بسهولة بالرغم من وسعها الداخلي
بها كماليات كثيرة تفوق حجمها و فئتها مثل :
تكييف
باور
زجاج كهرباء امامي
مساحات خلفية
مساند رأس امامية و خلفية
حوامل أكواب
مدخل يو اس بى
سنتر لوك
فتح تنك البنزين من الداخل
مفتاح ريموت للبواب و الشنطة
فوانيس شبورة امامية و خلفية
نور الصالون يظل لفترة منور بعد غلق الباب
فرش مخملى جيد
كرسى السائق متعدد الأوضاع
الدريكسيون يمكن تعديل وضعه
يوجد أكثر من عداد للرحلات ( 2 )
مساحة خلفية

العيوب
الفرامل ضعيفة
السنسور لا يعمل بالرغم من وجودة فى الكتالوج لجميع الفئات
الفيتيس ناشف و خشن فى النقلات
الكاوتش ناشف
الباور مش قوى
لآيوجد بها ألا راديو فقط بدون كاسيت أو سى دى

أرجو ان اكون قد أفدت بما ذكرته و احب اشوف لو فيه حد عنده سؤال أو اضافة و انا تحت امركم
تحياتى

رد: الأخوة اللى عندهم خبرة فى GW Peri
 

سعرها كويس وكما امكانيها كويسة

رد: الأخوة اللى عندهم خبرة فى GW Peri
 

لو تسمح اخويا العزيز عندى سؤال
ماهى مدى ضعف الفرامل وهل هذه العيوب فى كل الزيرو ولا عندك انت بس