بيجو 405 اتخبطت فى شوية دبش من تحت المارشدير بيشخلل
 

السلام عليكم
النهاردة و انا طالع المقطم و العربية مشبعها بنزين لاقيت حد قاطع الطريق بدبش و شكلها كانت حادثة و اللى حط الدبش ده سابه و مشى

المهم انا اتفاجئت بيه و اللى قدامى كان حاجز الرؤية و هو لحق نفسه و خد اليمين بس فرمل و انا فاديته و لبست فى الدبش و ما لحقتش أقف قبله عشان اللى جاى و رايا خفت يلبس فيا

المهم بع ما أخدت الخبطة التمام و الحمد لله
العربية سمعت لها صوت كأن فى كارتيرة بتحك فى الاسفلت بس لما بصيت ... ما لاقيتش حاجة مدلدلة
و لاحظت ان الصوت بيروح و يجى
و المشكلة لما باخد الغيار الخلفى باسمع شخللة جامدة حتى لما بامسك الفرامل و العربية واقفة نفس الصوت كأن فى عمود بيلف و بيحك فى حاجة صفيح

ممكن ده يكون ايه؟ .... مع العلم المصفحة راكبة و اللى اتخبط هو الكارتيرات الامامية فى الناحيتين

رد: بيجو 405 اتخبطت فى شوية دبش من تحت المارشدير بيشخلل
 

وعليكم السلام ورحمة الله وبركاتة

اولاً قدر الله وماشاء فعل وحمد لله على سلامتك

بالنسبة لموضوع الاصوات ده التخمين فيه صعب من غير معاينة فانصحك ترفع العربيه حتى وتبص عليها كويس لكن كاحتمالات وحضرتك بتقول صوت شخللة وصفيح فممكن يكون حاجة متعلقة بالشكمان

رد: بيجو 405 اتخبطت فى شوية دبش من تحت المارشدير بيشخلل
 

الله يسلمك يا باشا
أنا روحت لعفشجى حبيبى و دخلت ع المجرى عنده و لاقى المصفحة زانقة شوية ع الموتور من تحت و هى اللى كانت عاملة الصوت ... هو قرص عليها لتحت و المشكلة انتهت الحمد لله