|
استفسار وارجو الافادة من راكبى وخبراء ال 128
السلام عليكم ورحمه الله وبركاته
لو سمحتم ياشباب كان عندى استفسار صغير بخصوص عربيتى وياريت حد يفيدنى فيه لان خبرتى قليله اوى فى العربيات عموما وهو ان عربيتى موديل 75 والماتور 1100 ولكن اتعمله قبل كده كذا عمره وحاليا شغال عادى ولكن مش مرتاح له لان بسافر وبمشى كتير المهم انا حابب ان اسقط ماتور1300 بالفتيس ولو نفترض 5 غيار, ياريت من الاخوة الافاضل تنصحونى بأى نوع ماتور بحيث يكون افضل ؟؟ وياترى السعر هيكون كام ؟؟ وايه افضل مكان اجيب منه الماتور؟؟ علما انى سمعت ناس بتقول ان بورسعيد المواتير فيها كويسة وهل الماتور اثباته على الرخصة شىء عادى وسهل ولا هيكون تعب ورخامة من المرور ؟؟ شكرا جدا وفى انتظار ردودكم |
رد: استفسار وارجو الافادة من راكبى وخبراء ال 128
اولا بالنسبة لتسقيط الماتور مفيش فيه اي مشكله وهتحس بان العربية حاجه تانية خالص والافضل طبعا لو ليك حد في بورسعيد هيخدمك فيه 10/10 لانك هتجيبه بنص تمنه
وافضل ماتور يركب علي ال128 هو ماتور الفيات الاونو او الانشيا وممكن تدخل الماتور بتاعك القديم في الماتور الجديد وتدفع فرق مش كبير هيكون في حدود 2500 جنيه احسن ما تعمله عامره تاني وبالنسبة لو مش هتقدر تجيبه من بورسعيد ممكن تشوف ميكانيكي تكون واثق فيه ومعرفه يروح معاك الحرفيين يجبهولك من هناك وبالنسبة لاثبات الماتور في الرخصه مفيش فيه مشاكل وبعد الثورة كل حاجه بقت بتخلص بسرعه |
رد: استفسار وارجو الافادة من راكبى وخبراء ال 128
كلام مظبوط وعندك كمان عزبة شلبى
|
رد: استفسار وارجو الافادة من راكبى وخبراء ال 128
موتور الريجاتا او اي موتور فيات دفع امامي
لكن حتاخد عمود التاكيهات بتاع موتورك الاصلي تركبه في الموتور الجديد علشان تركب الشداد العلوي للموتور و اضل موتور بدون تعديل هو موتور 128 او ريجاتا 1300 و يجب ايضا عند التركيب تغيير عصا الفتيس و ملحقاتها بأخري خاصه بسياره 128 gls لكي تتمكن من استعمال الغيار الخامس للموتور |
رد: استفسار وارجو الافادة من راكبى وخبراء ال 128
شكرا جدا يارجالة على الرد والافادة وياريت اى حد من باقى الاعضاء يفيدنا بخصوص ماتور الريجاتا لان اسمع انه كويس وياريت لو حد جربه يقولى تجربته وابقى شاكر له جدا
|
| الساعة الآن 10:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017