لو العربية اللوجان عطلت منى فى أى مكان .. أعمل إيه
 

رد: لو العربية اللوجان عطلت منى فى أى مكان .. أعمل إيه
 

هيه المشكلة ديه مش بتقابل بتوع اللوجن بس دي بتقابل اي ماركة عربية حديثة اي حد بيخاف يخلي اي ميكانيكي يمد ايده فيها الا اذا كان فاهم

وممكن يكون في خط الطوارئ في التوكيل بتاع اللوجن يبعتولك متخصص يقدر يجي يشوف المشكلة فين وان شاء الله تتحل

وربنا يسترها عليك وعلينا

ليك حق تقلق فعلا

رد: لو العربية اللوجان عطلت منى فى أى مكان .. أعمل إيه
 

16202

دي نرة خدمة العملاء بتاعة رينو بس بجد انا مفكرتش في الموضوع ده خالص بس هما توكيل محترم فاحتمال كبير يبقي عندهم نجدة طريق.

رد: لو العربية اللوجان عطلت منى فى أى مكان .. أعمل إيه
 

corsair: شكراً يا باشمهندس على الرد

أنا لسه ما اشترتشى العربية .. بس الواحد بيلف فى أى مكان وهو مش عارف إيه اللى هايقابله (ربنا يستر طريقنا جميعاً). فا أقل حاجة تبقى مطمن إن الواد الميكانيكى اللى على أول الشارع أو الميكانيكى بتاع البلد لو انت فى زيارة لعمك فى البلد ممكن يمد إيدو فيها مش لازم يكون معاه لاب توب عليه علامة رينو.
ولا فى كل مشكلة لازم نروح التوكيل ؟
وخصوصاً إنى سامع إن الناس اللى جايبين اللوجان الفاضية بالذات واللى يعرف ميكانيكى ويثق فيه بيخليه يحاول فى العربية ويشتغل فيها ، بس الحقيقة ماعرفش لحد فين ممكن الميكانيكى يشتغل فى العربية وبعدين يقف بسبب الكمبيوتر اللى فى اللوجان (الرينو عامة)
فهل فى حد جرب يروح للميكانيكى أو الكهروبائى ويحب يشاركنا فى تجربته حتى لو كان فى الطوارئ ؟

رد: لو العربية اللوجان عطلت منى فى أى مكان .. أعمل إيه
 

akerima: شكراً يا أستاذى على النمرة

أنا اتصلت وقالولى عندنا مركزين صيانة ، مركز القطامية ومركز العبور .. سألت .. مافيش أماكن تانية ؟
ردوا عليا .. إن فيه مراكز خدمة معتمدة ، ودول منتشرين حول الجمهورية .. وممكن لما تشرفنا فى الفرع تحصل على أماكن هذه المراكز
دا كلام مبشر ومطمئن ..

بس فى سؤال بيطرح نفسه .. هل المراكز دى حد جربها ؟ ولا كل الناس بتحب تروح توكيل المقطم علشان تستفاد من توفر الخبرة وقطع الغيار اللازمة ؟