استفسار هام عن لادا
 

انا لحد الان مش عارف اظبط رجلى على البنزين صحيح انا بفضل الله بسوق لكن الفنيات اللى بقراها منكم كمحترفين بصراحة مش فاهم فيها اى حاجة ولا املك قبل ان اركب السيارة للذهاب الى اى مكان غير الدعاء لله ان اعود سالما لان البعض فاهمنى ان العربية محتاجة تظبيط
المهم ذهبت بها الى بحيرة ادكو للصيد وعند الرجوع لقيت العربية بتطلع دخان وشميت ريحة شياط ولقيت سواق جنبى بيقولى منتش شامم الريحة قلتله الدخان دا منين قاللى الاسطوانة المهم وقف وطلب منى الوقوف وفتح الكبوت وبصراحة اول مرة اشوف المنظر ده فتح غطاء الراداتير لقيت الميه بتغلى ومرة واحدة طلعت لفوق حوالى متر المهم زودها ميه وقالى ريح العربية شويه
مشيت بيها لغاية العوايد وعملت نفس الكلام بس المرة دى لقيت جزء بيدخن سواقين الموقف كتر خيرهم قالوا دى الموبينه واحد قالى العربية زى الفل بس انت دوست عليها شوية وكلامه صحيح انا كنت سايق على ال100 وبمنتهى الصراحه كان الغيار على التالت
وعرفت بعدين ان دا غلط
السؤال الدخان اللى ظهر ده تبع ايه
وهل فعلا مشيى بالعربيه على ال100 وانا مدى التالت هو دا اللى عمل كده
ارجوكم الرد فلقد وجدت منكم الفهم والارشاد لوجه الله وشكرا لكم وخاصة لمن يهتم

رد: استفسار هام عن لادا
 

يا جماعة لو سمحتو ردوا

رد: استفسار هام عن لادا
 

منتدى نايم محدش بيرد ولا بيهتم بلادا

رد: استفسار هام عن لادا
 

السلام عليكم ورحمه الله وبركاته
اولاً لا تغضب لأن من الممكن ان موضوعك لم يشاهد
ثانياً اهلاً وسهلاً وكل شىء وله حل إن شاء الله
فى البداية مذكور ان سيارتك لادا 2107 وبالتالى 5 غيار
قبل ذلك عليك غختيار ميكانيكى ثقة عن طريق صاحب جار زميل عمل احد الاقارب وذلك لكى يقوم بعمل نظرة فحص على السيارة فى الكامل
اما ما حدث معك فهو مثل ما حدث مع اغلبنا فى بداية القيادة
متابع معك بعد الفحص لإسكتمال ما تريد معرفه

رد: استفسار هام عن لادا
 

شكرا جزيلا للاخ العزيز محمد فيصل ولى سؤال الجزء اللى طلع دخان دا اسمه الموبينا صحيح ولا ايه