مصر موتورز مجتمع السيارات - تقرير عن فاو فيتا الصينيه

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - تقرير عن فاو فيتا الصينيه (https://www.masrmotors.com/vb/showthread.php?t=12898)

تقرير عن فاو فيتا الصينيه

https://scontent-b-mxp.xx.fbcdn.net/...45926081_n.jpg

الشركة الهندسية للسيارات بروتوكول تعاون مع شركة وامكو موتورز وشركة فاو الصينية لتجميع سيارات الاخيرة فى مصر.
قائمة اسعار موديلات “فاو” 2014 فى مصر

الموديل الخصائص سعة الماتور السعر
فاو قيتا 2014 مانيوال 1400 74,000 جنيه
فاو نوتى 2014 مانيوال 1300 74,900 جنيه
فاو قيتا 2014 ناقل اوتماتيك 1400 84,000 جنيه
فاو بيستورن 2014 ناقل اوتماتيك 1600 109,900 جنيه
فاو فريدم 2014 ناقل اوتماتيك 1500 109,900 جنيه
فاو بيستورن 2014 جميع الكماليات / اتوماتيك 1600 119,900 جنيه
فاو دريم 2014 مانيوال 1400 268,000 جنيه

وقال رأفت مسروجة رئيس مجلس إدارة الشركة الهندسية للسيارات إن “فاو” الصينية ستتخذ من مصر منطقة مركزية لانتشارها فى الأسواق الأفريقية.
بينما قال وليد توفيق رئيس مجلس إدارة شركة وامكو موتورز شركته اقتربت من التعاقد على طرح موديلين جديدين سيتم الاعلان عنهما خلال العام المقبل وستضاف الى طرازات الشركة وهى ”دريم” و”فيتا ” و” Oley ” و”بست تيرن “.
ويصل حجم الإنتاج السنوى لشركة “فاو” الصينية، لـ3 ملايين سيارة، بخلاف شراكتها مع الشركات الأوروبية منها “فولكس فاجن” والأمريكية “جنرال موتورز” واليابانية “تويوتا” و”مازدا” لتجميع سياراتها، وامتلاكها أكبر مصنع لصناعة محركات السيارات بالصين.

فاو فيتا معجزه الجوده ( قال ايه يعني ) في منها سيدان وهاتشباك وطبعا المحرك بتكنولوجيا ميتسوبيشي اليابانيه

محرك الهاتشباك : 1300 سي سي 92 حصان ( معجزه فعلا ) 114 نيوتن

محرك السيدان : 1500 سي سي 102 حصان ( اكتر من اللانوس ... معلش بقه ما هي معجزه ) 130 نيوتن

الفتيس في الاتنين من شركه ماريلي الايطاليه ( تصميم بس طبعا مش خامات )

(كده ابو الفتوح اتضرب في 113 ومش هيعرف يغليها تاني ... يا عيني عليه )

طبعا التوكيل وامكو موتورز بتاع وليد توفيق ( مش المغني اكيد ) و ده كان ماسك توكيل كيا قبل محمد نصير الف رحمه ونور عليه ( كان بيقول ان مفيش بطاله في مصر ... معلش مش هنجيب في سيرته )

رايي الشخصي :
الشكل : تحفه
اما الخامات والتكنولوجيا والتقفيل (مصري) زفت علي دماغ الصينين (الخامات والتكنولوجيا بس اما الخامات زفت فوق دماغنا احنا )

رد: تقرير عن فاو فيتا الصينيه

انا محبتش العربية دية بصراحة او اي حاجة صيني بتنزل مصر وعجبني اسلوبك خصوصا كلمة زفت علي دمغنا :(

رد: تقرير عن فاو فيتا الصينيه

أولا : توكيل فاو كان مع غبور و باع منه كام عربيه و قفل على كده علشان معرفش يسوقها لأنه معاه هيونداى و الناس اللى اشتروها غلبانين و مش لاقيين قطع غيار ليها .
ثانيا : وليد توفيق مش هيعرف يشتغل فى عربيات بعد توكيل كيا جاب عربيه اسمها فاشون باع منها كام عربيه و مجابش تانى و بعدين جاب عربيه اسمها نوبل باع منا كام عربيه و خلاص و اخيرا جاب السيارة فاو تانى بعد غبور و مشفنهاش فى الشارع .
يا جماعة فى سيارات صينى كويسه جدا جدا بس غاليه على ان الناس فى مصر تشتريها لأنها هتكون فى سعر الكورى و اليابانى و طبعا الواحد يشترى الكورى او اليابانى احسن .
بس لو الوكلاء فى مصر اتقوا الله و جابو العربيات اللى بيستوردوها بسعر رخيص زى مابيخدوها من الصين و حطوا نسبة ربح معقوله السيارات الصينى هتبتدى تمشى كويس فى مصر لكن هم الوكلاء فى مصر المكسب و بس .
وشكرا

رد: تقرير عن فاو فيتا الصينيه

ارجو التثبيت و اي حد جرب العربيه دي يقولنا

رد: تقرير عن فاو فيتا الصينيه

والله معاك حق يا طارق بس نعمل ايه في المناشير قصدي ال .... الوكلاء المحترمين