النهارده عايز اتكلم معاكم شويه عن رحلتي مع الانجلون من 0 كم -الي 30 الف كم
وهي فعلا رحله شيقه وممتازه وكلها اكتشافات النهارده في 6/6/2012 تخطت سيارتي حاجز ال30 الف كم ولاني والحمد لله من اول ملاك السياره في مصر موتورز وفي وجه بحري بالكامل حسيت بمسؤليه تجاه هذه السياره وتجاه ملاكها وبناء عليه وطدت علاقتي بوكيل السياره وبمديري مركز الخدمه والصيانه وسخرت هذه العلاقات لخدمه ملاكها وراغبيها لدرجه اني حسيت اني شايل همها اكتر من ابو غالي وده نابع من اعجابي واقتناعي التام بيها رغم تجربتي بحكم شغلي ل 75% من انواع السيارات الموجوده في مصر اقولها بكل ثقه انها حقا اسطوره تمشي عالارض ابداع متميز من صانعي السيارات حيث قاموا بجمع افضل المواصفات المتاحه في سياره بسعر معقول جدا
ومن الواضح انه كلما زاد تقدم السياره في السن زاد ادائها قوه وتحسن مش عارف ازاي انا اقصي حاجز للسرعه كنت تعديته كان 185 في الفتره السابقه ولاكن من فتره ليست ببعيده كان ليا لقاء مع الطريق الصحراوي لاول مره لمسافه كبيره والحمد لله عرفت قيمتها بجد طول الطريق كنت ماشي 200-220 كم والحمد لله ثبات خرافي لاعوم ولا نط ولا تمايل رساخه محتمه وللاسف كنت اتمني اصور الوضع ده بس ماكنتش قادر اتحدي نفسي واسيب الدركسيون واطلع الموبيل واصور
المهم حسب جدول صيانه العربيه من المفترض في صيانه ال30 الف كم نغير فلتر زيت وفلتر بنزين و بوجيهات ونربط عفشه ونشيك علي الزيوت وللاسف لان المشوار بقي صعب عليا اني اروح العبور فضلت اعمل الصيانه المره دي بنفسي
جيبت فلتر زيت تويوتا اصلي 25 جنيه ركبته بنفسي
طقم بوجيهات 3 شمعه ياباني ngk 80 جنيه عشان مالقيتش غيره ركبته بنفسي .
فلتر بنزين تويوتا اصلي 35 جنيه برضه ركبته بنفسي
تشيك علي الزيوت قمت بيه بنفسي
تربيط عفشه قمت بيه بنفسي
غيار زيت موبيل دلفاك mx lll ب97 جنيه + 15 علبه ابرو
طبعا العربيه من يوم ماجبتها كنت بحط بنزين 90 لمده 10الف كم وبعدين غيرت ل 92 الي الان
والنتيجه بعد الصيانه
سحب ناري وتسارع من 0- 100 في 10.8 ث والاختلاف حصل نتيجه كل من :
1- تغير فلتر الزيت
2- تغير البوجيهات بعد ظبطها علي60 بالفيلر
3- الزيت يا جماعه اووووف تحس ان البساتم بتتظفلط جوه الشمايز رهييب عن تجربه ل 4 غيار علي التوالي فعلا مريح ومؤثر بالايجاب علي السحب واداء المحرك من حيث الهدوء والرصانه
وطبعا غسله محترمه ووش واكس محترم عالسريع وده فيديو بسيط للعربيه بعد الصيانه والغسيل .

http://www.youtube.com/watch?v=bzHGrqgKtpk&feature=plcp
وده شويه صور جديده للتحليه

http://a7lashare.com/viewimages/531a63e977.jpg
http://a7lashare.com/viewimages/a7614cf1e0.jpg
http://a7lashare.com/viewimages/bdf6ef4f5d.jpg
http://a7lashare.com/viewimages/3c3f9686c3.jpg
http://a7lashare.com/viewimages/30968c6cbb.jpg
http://a7lashare.com/viewimages/ef0dad647f.jpg
http://a7lashare.com/viewimages/cfb5cfc39d.jpg
http://a7lashare.com/viewimages/30c48c010b.jpg
http://a7lashare.com/viewimages/52316484d7.jpg
http://a7lashare.com/viewimages/3046b8f6e5.jpg
وفي النهايه اقول واكد والحمد لله واللهم لا حسد 30 الف كم بدون ادني مشكله وباداء مبهر والحمد لله بدون فك مسمار واحد مع العلم بقي اني سواقتي رياااااضيه بحته يعني حرق عالغيارات ونقل علي 5 rbm وشد وجري في المتوسط السرعه المعتاده 140 كم واستهلاك بنزين مثالي 8 لتر لكل 100كم والحمد لله كده رضا قوي

http://a7lashare.com/viewimages/6a771d409a.jpg
http://a7lashare.com/viewimages/fa4ba492fa.jpg

وده فيديو يبين اصل العربيه كونها انجليزيه الاصل صينيه الصنع

http://www.youtube.com/watch?v=PbMzrYw26kQ&feature=plcp
وتحت امركم فاي استفسار
:THE_PR~18::THE_PR~18::TH E_PR~18:

بسم الله

ماشاء الله

ربنا يطرحها لك بركة

والله روعة

وشكراً على الفيديوهات والصور

وتم تثبيت الموضوع

ليكون مرجع لمن يريد إقتناء

الأنجلون الجميلة

ربنا ما يحرمني منك يا ابو حمدي يا جامد وعايزين نشوف حاجه حلوه للتيجو بقي تسلم عالمشاركه المميزه دي :THE_PR~18:

اقتباس:
المشاركة الأصلية كتبت بواسطة ahmedsherif1990 http://masrmotors.com/vb/sama-elarab...s/viewpost.gif
تقرير رائع يا باشا http://masrmotors.com/vb/images/smilies/THE_PR%7E18.GIF
و ربنا يباركلك فيها و يعطيك خيرها
بس نصيحتى ليك لو مش فيها رخامة بلاش زيت الموبيل دلفاك عشان ده مش بتاع محركات البنزين و لزوجته اعلى ممكن يؤثر فى حاجة فى الموتور حتى لو حاسس ان الاداء بقى احسن من الاول بعد الزيت حط الزيت بتاع الموتور اللى المصنع وصى بيه
و اسف على الاطالة
و مبروك ياباشا ال 30000 كم و عقبال ال100000 كم



اقتباس:
المشاركة الأصلية كتبت بواسطة mhamdy75 http://masrmotors.com/vb/sama-elarab...s/viewpost.gif

بسم الله

ماشاء الله

ربنا يطرحها لك بركة

والله روعة

وشكراً على الفيديوهات والصور

وتم تثبيت الموضوع

ليكون مرجع لمن يريد إقتناء

الأنجلون الجميلة