مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   M11 , M12 (https://www.masrmotors.com/vb/forumdisplay.php?f=190)
-   -   الى الاخ حازم والاخ ابونورا ياريت تقريرعن عيوب ومميزات m11 (https://www.masrmotors.com/vb/showthread.php?t=26402)

aftr 21-05-2010 03:31 AM

الى الاخ حازم والاخ ابونورا ياريت تقريرعن عيوب ومميزات m11
 
ياريت مميزات وعيوب m11وهل هى الافضل من سيارات اخرى زى الافيو --الاكسنت---رينو لوجان---وياريت يكون من حيث الاعتماديه- قطع الغيار --- الثبات -- الابشنز--- العفشه -- السحب --- انا عامل الموضوع ده عشان الكل يستفاد لان كنت فى حيره بين 3مركات دول واكيد فى ناس فى نفس الحيره بس الحمد لله انا معايهm11

حازم شاهين 21-05-2010 05:12 PM

رد: الى الاخ حازم والاخ ابونورا ياريت تقريرعن عيوب ومميزات m11
 

فى الواقع العربية كانت واعدة بتصميمها الإيطالى الرشيق و سعرها المنافس جدا
بالإضافة للكماليات الكثيرة المتوفرة بها
و دعمها من وكيل قوى و عريق
و لكن حتى الأن لم تنتشر السيارة بالشكل المتوقع لها
و مازالت سابقتها 516 تحتل الصدارة و إن كنت لا أتوقع أن يستمر ذلك لوقت طويل
بشرط أن يتغلب الوكيل بسرعة على المشاكل التى صادفت الدفعة الأولى من أصحاب السيارة و إن كنت أراها ف مجملها مشاكل بسيطة و لكن لا يجوز أن تظهر بهذه الكثافة فى سيارة جديدة على السوق المصرى
أكبر المشاكل إلتى لمستها من مشاركات أصحاب السيارة حتى الأن هى مشكلة ضعف جودة الدينامو و التى تتطلب تغييرها بواسطة الوكيل
أما باقى المشاكل فأعتقد انها ستنتهى قريبا و لو كان ذلك بعيدا عن أبو الفتوح

كل ما سبق كان بناء على مشاركات أصحاب السيارة و أراءهم فيها و لكنى لم يسبق لى تجربة السيارة للأسف كى أعطيك ناتج تجربة عملية حولها
ألف مبروك العربية الجديدة
و إحنا بقى إللى منتظرين رأى حضرتك حول العربية و تقييمك لمميزاتها و عيوبها

aftr 21-05-2010 07:00 PM

رد: الى الاخ حازم والاخ ابونورا ياريت تقريرعن عيوب ومميزات m11
 
شكرا يااخ حازم على الرد الجميل اما بالنسبه لراى للسياره انا بحمد ربنا ان اعطانى هذه السياره ومميزات هذه السياره ثبات على الطريق -- فرامل abs- اوبشنز مش موجود فى سيارات اعلى منها فى السعر زى الالنترا مفيش فيها abs-بس العيوب الى كانت موجوده بس اتحلت تمام رجرجه فى الخاف وتصفير ورا والحمد لله كل ده اتزبط بس كل مااسمع عن حوار الدينمو ببقى قلقان شويه ولا دى حظوظ بالنسبه للعيوب وعلى فكره وزن العربيه اكبر من التيجو واكبر516 بس حاسس ان العربيه دى مش وخده حقها ممكن اعرف يااخ حازم سبب ان العربيه مش وخده حقها ممكن عشان صينى ولا عشان لسه جديده وياترى ممكن تكون الافضل من عربيات فى فاتها ولا حضرتك رئيك ايه ولا متقدرش تقيم العربيه عشان لسه جديده واسف على الاطاله وللك جزيل الشكر

حازم شاهين 21-05-2010 08:16 PM

رد: الى الاخ حازم والاخ ابونورا ياريت تقريرعن عيوب ومميزات m11
 

مش واخدة حقها علشان التوكيل بيعتبرها رقم 3 فى أولوياته
لإن التاكسى 516 بالنسبة ليه حاليا رقم 1
و يليه التيجو
و بعد كده m11
فمش منتبه ليها حاليا بشكل كافى
بالإضافة إلا أنها بتنافس مع الأفيو و الأكسنت و FRV و المنافسه شرسة جدا و قوية و تميزها مش واضح بين العربيات دى كلها

د/حسام 21-05-2010 09:20 PM

رد: الى الاخ حازم والاخ ابونورا ياريت تقريرعن عيوب ومميزات m11
 
اليكم هذا الموضوع والاستطلاع
لو معاك 75000 هتشترى اكسنت ام m11



http://www.masrmotors.com/vb/showthread.php?t=26198


الساعة الآن 12:37 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017