مساعة عاجلة لو سمحتم في الجيتا
 

سلام عليكم
ازيكم يا جماعة؟
كل سنة وانتوا طيبين
انا كان عندي استفسار مهم بعد اذنكم
اما معايا جيتا 2009 خليجي كنت اشترتها في شهر 12 اللي فات وكانت عاملة 66 الف كيلو دلوقتي هي عاملة 81 الف كيلو المشكلة اني لما اشترتها معرفتش صاحبها كان مغيرلها اية ولا اية النظام؟
فبعد اذنكم كنت عايز اعرف اية اللي المفروض يتغير فيها دلوقتي هو الزيت هغيروا ان شاء الله عند 85 انا كنت حاطة عند 76 الف غير كدة مش عارف(بحط موبيل 10 الاف)
بس انا كدة غالبا هاغير:
1-البوجيهات(في نوع اسمة glk بيعمل 150 جنيةحاجة كدة دة كويس ولا اجيب الاصلي بتاع التوكيل بيعمل 310 جنية)؟
2-فلتر بنزين؟
3-سير الكاتينة (اغيرة ولا استني ل 100 الف ناس قالولي علي 60 وناس علي 100)؟
4-سير الدينامو؟
5-في حاجة برضة قلقاني قوي بالنسبة لزيت الفتيس الاتوماتيك استيبترونيك يتغير علي كام انا مش عارف دلوقتي ولا 100 الف ولا لما الفتيس يشتكي دة قلي قالقني قوي والناس قالولي اراء مختلفة؟
6-وبالنسبة للفلاتر و التكيف في حاجة المفروض تتغير؟
7-وهل اظبط زوايا وارصص واربط العفشة احتياطي ولا دة هبل؟(ناس قالولي لازم؟!!)
8-وبالنسبة لتيل الفرامل هو مش بيصفر عندي اغيرة ولا لما يبدا يصفر؟
9-وهل احط العربية علي جهاز تنظيف الحساسات وحقن الوقود ولا اية؟
10-والعفشة فيها حاجة المفروض تتعمل؟

انا من اول ما جبت العربية معملتهاش اي صيانة اية اللي المفروض يتعمل؟اصل انا قلقان قوي وبسمع كلام كتير فياريت تقولولي اية اللي ضروري يتغير دلوقتي ؟
11-اخيرا انا بتعامل مع مركز امير وجوزيف اية رايكم لانها خليجي؟

اسف جدا للاطالة بس انا فعلا مش عارف وياريت حد بس يقولي بسرعة عشان الواحد تاية في الكتالوج صراحة وخبرتي مش جامدة قوي في العربيات

رد: مساعة عاجلة لو سمحتم في الجيتا
 

أهم حاجات تغيرهم كأجراء وقائى

1. سير الكاتينة ( دا لو فعلا سير مش جنزير )
2. فلتر البنزين علشان الطرمبة متبوظش
3. الكشف على زيت الفتيس فى المركز و هما بخبرتهم يقدروا يحددوا ( لكن تستنى لما يشتكى ممكن يبوظ )

كل الباقى فى رأيى ملهوش لازمة طالما مفيش أعراض

رد: مساعة عاجلة لو سمحتم في الجيتا
 

حضرتك بتقول انك بتتعامل مع مركز فلان وفلان ؟؟؟؟
طيب هو المركز ده مفهوش حد عند نظر يبص علي العربية ويقول لحضرتك العربية محتاجة ايه بالضبط ؟؟؟؟؟؟؟؟؟؟ بصراحة انا مستغرب جدا
ممكن حضرتك تغير المركز ده وتروح لمركز محمد سمير وهاني او مركز عماد الخواجة واصغر عامل عندهم هيبص علي العربية ويقولك هي محتاجة ايه ويسلام لو حتها علي الجهاز كمان العفاريت اللي فيها هتطلع
وريح دماغك من السؤال
تحياتي لك وربنا يباركلك في السيارة ويبعد عنك شرها ويعطيك خيرها
علي فكرة انا بخلص في واحدة 2008 هاي لاين وهعمل اللي انا بقولك عليه ده ان شاء الله