مصر موتورز مجتمع السيارات - تقرير شامل فولكس فاجن سوران 2009

بسم الله الرحمن الرحيم
ان شاء الله هتكلم عن كل حاجة بالتفصيل الممل
اولا السعر:فى 2009 كانت ب 100000 و كان عليها عرض ب 90000 لفتره محدوده
ملحوظه :موديل 2012 نزل بس للعرض بس على شهر 7 او 8 هتبتدى تتوزع و انا سالت قبل الثورة و قالى ب 106 الف فى التوكيل و كانوا منزلين نسخة للعرض فقط مش عرف بقى الاسعار هثزيد و لا ايه
المهم نتكلم على موديل 2009 طبعا انا شاريها 2010 بس كانت مكتوبة 2009 هى ترخيص شهر3 2010

لغاية دلوقتى معايا بسم الله ما شاء الله سيارة عجيبة جدا يعنى عائلية و فى نفس الوقت رياضية و تعطيك قوة السيدان لونها اسود
الاوبشنز :
تكيف
باور
سنتر
4زجاج كهرباء
2مرايات كهرباء
كاسيت(cd- usb- reader-radio)
بلوتوث
هاتف بلوتوث يعنى لو معاك موبايل فى بلوتوث ممكن تتصل و تيتقبل من غير متمسك الموبايل عن طريق مدخل الصوت فى السقف عند الانوار
و هتسمع الصوت واضح من خلال السماعات
6سماعات

اهم مميزاتها :
شكلها الخارجى يبدوا صغيرا نسبيا الى السيارات السيدان بس من جوه حكاية كانها ملعب كوره ههههههههه
صالون فخم جدا اول مرة اشوف صالون و فرش بالفخامة دى
اماكن تخزين كثيرة
خامات طبلوه من الدرجة الاولى
طبلوه مبسط يعنى كل حاجة واضحة
تكيف تلاجة
عداد مبسط
كمبيوتر معلومات للسائق
قفل مركزى للابواب عند سرعة 18كم
على فكرة العربية بيجى معاه 2 مفتاح(مفتاح ريموت - مفتاح عادى)
العربية عالية جدا على الارض و لا الجيب
مش بتتاثر من المطبات (هى اللى بتاثر عليها) ههههههههه
2حزام امان امامى و 3 خلفى
مخادع راس امامية و خلفية
عفشة ممتازه جدا
و كمان العربية فيها ميزة لما تفتح العربية من غير ما تدورها ممكن 2 دقيقة و تقفل لوحدها و كمان لما تيجى تفتح بالريموت انوار الصالون تفتح لوحدها
ثابته جدا على الطريق خصوصا انها عالية بث ثبات رائع خصوصا انى بسافربيها كتير حامل اكواب
موتور 1600 سىسى يولد 102 حصان
بس موتور حكاية
الابعاد :
طول السيارة 4166 مم بينما يبلغ عرضها 1654مم وارتفاعها 1547مم
سعه صندوق

الأمتعة إلى 1580 لتر بالإضافه إلى أماكن التخزين المختلفه من مكان للتليفون المحمول و2 زجاجه مياه لتر ونصف و 2 حامل أكواب فى الكونسول الأمامي و حامل

للجرائد فى الكراسي الخلفية و درج أسفل كرسي السائق.
طارة مالتى فانكشن
مساحة خلفية كاوتش عريض
على فكرة دى صناعة المانى تقفيل ارجنتينى و عاور اعلق على نقطة طبعا لما الناس بتسمع عن كده بتخاف ده مجرد علشان العمالة فقط لكن الجوده هى هى يعنى الباسات دلوقتى تقفيل صينى مع ذلك نفس الصناعة الحكاية مجرد تغير مكان بس الشغل ميه ميه
فوج لايت
طبعا الصيانات الدوريه بعملها دايما فى التوكيل

اهم عيوبها :
انها ضمان سنتين بس او 100000
وطبعا مده قليلة و لسه الضمان بتاعى منتهى من شهر 1 2011
بالرغم من أنها سيارة عائلية الا أن ذلك لا يتعارض مع آداء السيارة الرياضى فأقصى سرعة تصل إليها السيارة هى 170 كم/ساعة مع نسبة أستهلاك وقود إقتصادية 6.2 لتر لكل 100 كم.
يعنى موفرة جدا فى البنزين
التسارع من 0 الى 100كم/ساعة (ثانية) 13.3
صاج متين
من الاخر كفاية انى معايا عربية من عائلة فولكس فاجن
وده تقيم عملته مع نفسى
الشكل الخارجى من الامام 10من 10
الشكل الخارجى من الخلف 10 من 10
الشكل الداخلى 10 من 10
خامات الطبلوه 10 من 10
العفشة 10 من 10
قوة الثبات 10 من 10
الموتور 10 من 10
استهلاك البنزين 10 من 10
الراحة اثناء السفر 10 من 10
قوة الاداء 10 من 10
المجوع من الاخر100من 100
و ده تقيمى لها
نيجى بقى اسيبكم مع شويه صور كده على مزاج
بس ياريت اى حد معاه سوران يقولنا خبرته فيها علشان كلنا نستفيد من المضوع و انا هكون متابع دايما معاكم علشان اشوف الاراء و اسف جدا على الاطالة :playing_music: