مين بيبيع عدادات الاونو في الاسكندرية للاهمية بسبب الحرارة
 

السلام عليكم ورحمة الله وبركاته . . يا جماعة انا بطرح الموضوع ده لكل راكبي سيارة الاونو يستفادو منه بخصوص الحرارة . .

اولاً ياريت اي زميل في المنتدي يدلني علي اماكن بيع عدادات السيارة اونو في اسكندرية للاهمية لاني معايا اونو 97 وعندي عداد الحرارة عبارة عن لمبة ولو حصل والمية نزلت اللمبة مش بتنور . . فا انا شفت عند الليلي في شارع صلاح الدين عداد اونو فيه امبير للحرارة وقاللي انه بيركب علي نفس التابلوه بس سعره عالي قوي 250 جنيه نهائي . . فياريت لو حد عنده معلومة عن حد بيبيع عدادات قي اسكندرية او في القاهرة ياريت تقولولي . وشكراً

ثانياً بالنسبة لمشاكل الحرارة في الاونو . . هحكيلكو تجربتي معاها
1- خرطوم المياه اتخرم ونزل الميه اللي فيه ولمبة الحرارة منورتش لانها مش بتنور غير مع غليان المياه . . . وش السلندر قفع (سطح غير مستوي) وكان فيه حلين اول حل اني اخرط وش السلندر واعوض فرق الخرط بجوان لوش السلندر . . الحل الجذري تغيير وش السلندر وفعلاً تم تغيير وش السلندر بـ 350 جنيه و 75 مصنعية وتركيب . .

2- غليان المياه داخل الردرياتير بالرغم من انه مليان مياه تمام التمام . . اتحلت المشكلة اني شيلت ثرومستات الحرارة الموجود داخل كوع المياه الواصل مع وش السلندر . . وده عامل زي صمام عدم الرجوع ومش بيفتح غير ما المياه تسخن في العربية بصراحة لما شيلته العربية ارتاحت بشكل رائع . .

3- مشكلة حصلت مع واحد معرفه العربية بتسخن مع الجري والطرق السريعة ومش بتسخن ع السلانسية وفي الزحمة . . هي مشكلة غريبة فعلاً لان المفروض العكس . . بس الحل كان تغيير علبة الجاكمان بواحدة جديدة وتم حل المشكلة نهائي .

انا معنديش خبرة قوية بالعربيات والميكانيكا بس اتمني اني اكون قد افدت قدر المستطاع